سورت البقرہ (رکوع 26 تا 29) – ہندکو ترجمہ




سورت البقرہ :رکوع نمبر 26
پارہ نمبر 2 نا رکوع نمبر 10
211:- پچھو نبی اسرائیل کولوں کہ اَساں اُنہاں کتنیاں نشانیاں دِتیاں نوں اور فر جیڑا اللہ نی نعمتاں بدل چھڑے اُس توں بعد کہ اُساں مِل جُلے تے اللہ بے شک ڈاڈا عذاب دینڑیں آلہ اے
212:- کافراں واسطے دنیا نی زندگی آرام آلی اے اور او ہنسنے نوں اُنہاں اُتے جیڑے لوک ایمان کن آئے نوں تے ڈرنڑیں والے نوں قیامتی والے دیاڑے اے لوک کافراں توں اُچے ہوسن او اور اللہ جِساں چاہنا اے بے شمار رزق دینا اے
213:- لوک اک ای ٹولہ اے اور فراللہ نبی پچھے خوشخبری دینڑیں آلہ اے اور ڈرانڑیں آلہ اور اُنہاں نال کتاب لائی اے تاکہ فیصلہ کرن او لوکاں نے درمیان بچ اور جنہاں بچ اِنہاں اختلاف کیتا اے اور فر جنہاں کتاب مل گئی اے اُنہاں اختلاف نی کیتا اِس توں بعد جَدون اُنہاں سارا کج پتا لگ گیا اے اور نہ ضد کیتی نے آپس بچ بَس اللہ اُنہاں لوکاں ہدیت چادتی اے اُسے گلاں اُتے جس بچ اُنہاں آپڑیں کول اختلاف کیتا ایا اور اللہ جِساں چاہوے سدھے راہے دار ہدیت چا دیوے
214:- کہ تُسیں اے خیال کرنے او جنت بچ بڑ جُلسو حالانکہ تُساں تے حالے اے جئی حالت نی آئی جس طرح تُساں توں پہلے لوکاں تے سختیاں تے تکلیفاں ایاں تے او ہلا چھڑے اے او ایتھے تک کہ رسول اور جیڑے اُنہاں نال ایمان آلے اے او، او وی آکھنے اللہ کدوں مدد کرسی او بے شک کہ اللہ نی مدد نیڑے وے
215:- او پچھنے نوں کہ خرچ کراں ، تُسیں آکھو نے کہ مال خرچ کرو ماؤ پیو وسطے ، رشتہ داراں ، یتیماں ، مسکیناں اور محتاجاں اور مسافراں وسطے تُسیں جیڑی وی نیکی کرسو اللہ سارا کج پتا اے
216:- تُساں اتے کُول (لڑائی) فرض کیتی اے اور او تُساں مندی لگنی اے ، ممکن اے کہ تُساں اک چیز نہ چنگی لگے پر او تُساں وسطے چنگی ہووے اور اک چیز تُساں چنگی لگنی ہووے پر حقیقت بچ تُساں وسطے او مندی ہووے اور جو کج اللہ واں پتا اے او تُساں نی پتا او
سورت البقرہ نا رکوع نمبر 26 مکمل
سورت البقرہ نا رکوع نمبر 27
پارہ نمبر 2 نا رکوع نمبر 11
217:- او تُساں کولون پچھنے نوں حرمت والے مہینے بچ کُولے (جنگ) نے بارے بچ تُسیں آکھو اُنہاں کہ اِس بچ کُلنا اور اللہ نے راہے بیچوں ڈکنڑاں اور اللہ نہ مننا اور مسجد احرام بیچوں لوکاں ڈکڑاں اللہ نے نیڑے بہوں بڈا غناہ نے فتنہ قتل توں وی بَڈا او تُساں نال کلنے رہسن او ایتھے تک کہ او کر کننے ہون او تے تُساں دین توں وی پھیر چھڑن او اور تُساں بیچوں جیڑا پھر جُلے دین آپڑیں دین توں اور مَر جُلے اینجو ای کافر ای تے اس نے سارے کم ضائع ہو جلسن او اور دنیا تے آخرت بچ دوزخ بچ جلسی اور ایتھے ای پکا رہسی وی او
218:- بے شک جیڑے لوک ایمان کِن آئے نوں اور اُنہاں ہجرت کیتی اے ، اللہ نے راہے بچ کلنے رہے نوں اے ای لوک اللہ توں رحمت نی امید رکھنے نوں اور اللہ بخشڑیں آلہ تے رحم کرنڑیں آلہ اے
219:- اور تُساں کولوں پچھنے نوں شراب تے جوئے نے بارے بچ تُسیں اُنہاں آکھو کہ اِس بچ بہوں بَڈا غناہ نے فیدا وی اے لوکاں وسطے پر اِس نا غناہ فیدے کولوں وی بہوں زیادہ اے ، او تُساں کولوں پچھنے نوں کہ او خرچ کرن تُسیں آکھو ضرورت توں وی زیادہ خرچ کرو اسطرح ای اللہ تُساں وسطے آپڑیں حکم واضح کرنا اے تاکہ تُسیں غور کرو
220:- دنیا بچ تے آخرت بچ او تُساں کولوں یتیماں نے بارے بچ پچھنے نوں تُسیں اُنہاں آکھو کہ اُنہاں نے اصلاحی کم چنگی گل نوں اور اگر اُنہاں نال ملا کنو تے او وی تُساں نے پرا نوں اور اللہ خرابیاں کرنڑیں تے اصلاح کرنڑیں آلیاں سیانڑنا اے اور اگر اللہ چاہوے آ تے تُساں وی مصیبت بچ پا چھڑے آ اللہ بے شک غالب حکمت آلہ اے
221:- اور مشرک عورتاں نال نکاح نہ کرو ایتھے تک کہ جَدوں تک ایمان نہ کِن آؤن او البتہ مسلمان لونڈی مشرکاں کولوں چنگی اے اگر چہ او تُساں چنگی لگے اور مشرکاں نال نکاح نہ کرو ایتھے کہ او ایمان کن آؤن او البتہ مسلمان غلام وی چنگا اے مشرکاں کولوں اگرچہ اُو تُساں چنگا لگے تاں او ، اے ای لوک دوزخ دار بُلانے نوں اور اللہ بُلانا اے آپڑیں حکم ناک جنت تے بخشش دار اور لوکاں تے گلاں واضح کرنا اے تاکہ لوکاں واں نصیت (نصیحت) ملے
سورت البقرہ نا رکوع نمبر 27 مکمل
سورت البقرہ نا رکوع نمبر 28
پارہ نمبر 2 نا رکوع نمبر 12
222:- او تُساں کولوں حیض نے بارے بچ پچھنے نوں تُسیں دسو کہ او گند نے تے تُسیں حیض نی حالتاِ بچ عورتاں کولوں دور رہو اُنہاں نیڑے نہ جُلو ایتھے تک کہ او پاک نہ ہو جُلن او جدوں او پاک ہو جُلن او تے اُنہاں کول جُلو جینجو اللہ حکم دِتا اے بے شک اللہ سنگی رکھنا اے توبہ کرنڑیں آلیاں اور سنگی رکھنا اے پاک رہنڑیں آلیاں
223:- تُساں نیاں عورتاں تُساں نیاں ڈوگیاں (کھیتی) نوں اور جینجو مرضی نے ڈوگیاں بچ آؤ اور اگے پیجو تے تدبیر کرو اور اللہ کولوں ڈرو اور یاد رکھو تے سمجھ جُلو تُساں اللہ ملنڑاں اے اور اے خوشخبری اے ایمان آلیاں وسطے
224:- اور آپڑیاں قسماں وسطے اللہ نے ناں واں نشاناں نہ بنڑاؤ اور حسن سلوک ، ڈرنڑیں آلے (پرہیزگار) اور لوکاں بچ صلح کرانڑیں توں باز رہو اللہ سنڑنے تے جانڑنے آلہ اے
225:- تُساں گندیاں قسماں نی وجہ توں نی پکڑنا او لیکن جس نا ارادہ کرنے او کمانڑیں نا اسنی وجہ توں پکڑنا اے اللہ بخشڑیں آلہ تے بردبار اے
226:- اُنہاں لوکاں وسطے جیڑے قسم کھانے نوں عورتاں کول جلنڑیں نی فر انتظار کرن او 4 مہینے تے فر اگر رجوع کر کنن او تے اللہ بخشڑیں آلہ رحم کرنڑیں آلہ اے
227:- اور اگر طلاق نا ارادہ کر کِدا نے تے فر اللہ سنڑنے آلہ وی اے تے سمجھنڑیں آلہ وی اے
228:- اور طلاق یافتہ عورتاں آپڑیں وسطے انتظار کرن او تین حیض نا اُنہاں وسطے جیز نی کہ او چھپاؤن او جو کج اُنہاں نے رحم بچ جمیا اے اگر او اللہ تے قیامتی تے یقین رکھنیاں نوں اور اُنہاں نے گھر آلیاں تے زیادے حق اے اس ٹیم بچ مڑنے نا ، اور عورتاں وسطے حق اے ، جینجو عورتاں اتے مرداں نا حق اے اینجو ای قانون نے مطابق مرداں نا عورتاں تے اک درجہ زیادے حق اے بے شک اللہ غالب تے حکمت آلہ اے
سورت البقرہ نا رکوع نمبر 28 مکمل
سورت البقرہ نا رکوع نمبر 29
پارہ نمبر 2 نا رکوع نمبر 23
229:- طلاق دو دفعہ اے فر روک کنو یا پیج چھڑو چنگی طرح قانون نے مطابق اور تُساں وسطے جیز نی کہ تُسیں اُنہاں کولوں چاہ کِنو جو کج دِتا نے سوائے اِس توں کہ ڈر ہووے دوآں کہ اللہ نی حد قیم نہ کر کِنساں فر اگر تُسیں ڈرو کہ او اللہ نی حد قیم نی رکھ اکنے تے غناہ نی اُنہاں دوآں تے عورت فدیا چا دیوے اے ای اللہ نی حد اے بس اس توں اگے نہ بدے اور جیڑا اللہ نی حد توں بد جُلنا اے او ای ظالم اے
230:- فر اگر اِساں طلاق چا دیو تے جیز نی اِس وسطے اِس توں بعد ایتھے تک کہ جدوں تک کسے دوئے جنڑیں (مرد) نال نکاح کرے اور فر اگر او وی طلاق چا دیوے اِساں تے غناہ نی اے دوئے رجوع کر کِنوں نوں بشرطیکہ اے خیال رکھن او اللہ نیاں حداں نا اے اللہ نی حد نے اور اللہ اِساں سمجھڑیں آلیاں وسطے واضح کر چھڑیا اے
231:- اور جدوں تُسیں طلاق چادیو اور او آپڑیں مدت پوری کر کنوں نوں قانون نے مطابق تے فر اُنہاں روکو یا پیج چھڑو اور اُنہاں نقصان پہنچانڑیں وسطے نہ روکو تاکہ زیادتی کرو اور جیڑا اینجو کرے اُس آپڑیں آپ تے ظلم کیتا اے اللہ نے حکمے نال مذاح کیتا سو اور تُساں اُتے جیڑی اللہ نی نعمت اے اِساں یاد کرو اور جیڑی اُس تُساں اُتے کتاب تے حکمت لائی اے اور تُساں نصیت کرنا اے ، تُسیں اللہ کولوں ڈرو اور سمجھ جُلو کہ اللہ ہر شئیے (چیز) آں سمجھنا اے
سورت البقرہ نا رکوع نمبر 29مکمل

اپنا تبصرہ بھیجیں