سورت البقرہ (رکوع نمبر 30 تا 33) – ہندکو ترجمہ




سورت البقرہ نا رکوع نمبر 30
پارہ نمبر 2 نا رکوع نمبر 14
232:- اور جدوں تُسیں عورتاں طلاق چا دیو اور او آپڑیں مدت پوری کر کنوں نوں تے اُنہاں آپڑیاں جنڑیاں (خاوند) نال نکاح کرنے توں نہ روکو اگر او آپے بچ راضی نوں تے قانون نے مطابق اے انہاں نصیت اے جیڑے تُساں بیچوں ایمان رکھنے نوں اللہ اور قیامتی تے اے تُساں وسطے زیادے ستھرا تے پاک اے اور تُساں نی پتا او جو کج اللہ واں پتا اے
233:- اور ماواں اولادی آں دو سال دودھ پلاؤن او اور جیڑی عورت مُدت پوری کرنا چاہوے تے اس نی روٹی کپڑے اُس نی اولادی نے پیو تے واجب اے قانون نے مطابق ، اور کِسے آں برداشت توں زیادہ تکلیف دتی جلنی او ، اور ماؤ آں نقصان نہ دِتا جُلے بچے نی وجہ توں اور نہ ای پیو آں ، اور وارث تے ای واجب اے فر اگر او دوئے دودھ چھڑانا چاہون او اور رضامندی نال تے کوئی غناہ نی او ، اور اگر اولادی آں دودھ پلانا چاہون تاں وی غناہ نی او جدوں تُسیں قانون نے مطابق اُنہاں چا دیو جو کج تُساں دینڑاں ایا اور اللہ کولوں ڈرو اور سمجھ جُلو کہ تُسیں جو کج کرنے اے اواللہ سارا کج دیکھنا ایا
234:- اور تُساں بیچوں جیڑا کوئی مر جُلے اور بیوی چھوڑ جُلے تے بیوی آں چائی نا اے کہ انتظار کرے 4 مہینے تے 10 دیاڑے قانون نے مطابق فر جدوں ٹیم پورا کر کنے تے غناہ نی جو کج آپڑیں حق بچ کرے قانوناً اورتُسیں جو کج کرنے او اللہ واں سب کج پتا اے
235:- اور تُساں اُتے اِس بچ کوئی غناہ نی کہ عورتاں اشارہ کرو مطلب نکاح نا پیغام دیو یا آپڑیاں دِلاں بچ چھپاؤ اللہ پتا اے کہ تُسیں جلتی دَس چھڑ سو مگر چھپ کہ نکاح نا وعدہ نہ کرو تُسیں قانون نے مطابق گل کرو اور نکاح نی گنڈ (گِرہ) بنڑیں نا ارداہ نہ کرو ایتھے تک کہ اُنہاں نی عدت پوری نہ ہووے اور جانڑ کنو کہ اللہ بخشڑیں آلہ عمل آلہ اے
سورت البقرہ نا رکوع نمبر 30 مکمل
سورت البقرہ :رکوع نمبر 31
پارہ نمبر2 نا رکوع نمبر 15
236:- تُساں اتے کوئی غناہ نی کہ تُسیں عورتاں طلاق چادیو جدوں تک کہ تُساں اُنہاں ہتھ نہ لایا ہووے یا مہر مقرر نہ کیتا ہووے اور اُنہاں خرچہ دیو خوشحال بندے تے اِس نی حثیت نے مطابق تے غریب بندے تے اِس نی حثیت نے مطابق پر اے دینڑاں نیک لوکاں تے لازم اے
237:- اگر اِنہاں لوکاں دیو تے اس توں بعد کہ تُساں اُنہاں ہتھ لا چھڑیا ہووے اور مہر مقرر کر چھڑیا ہووے تے اُنہاں ادھا چا دیو جو مقرر کیتا نے سوائے اُس نے کہ تُساں او معاف کر چھڑے یا وارث ، جیڑا عقد نکاح اے اگر تُسیں معاف کر چھڑو تے اے پرہیزگاری نے نیڑے اے اور احسان کرنا نہ پُلو بے شک تُسیں جو کج کرنے او اللہ دیکھنا اے سب کج
238:- تُسیں نمازاں نی حفاظت کرو خصوصاً درمیانی نمازاں نی اور اللہ وسطے فرمانبردار بنڑ کے کھلتے رہو
239:- فر اگر تُساں ڈر ہووے تے پیدل یا سوار دیو فر جدوں امن پا کنو تے اللہ یاد کرو جینجو اُس تُساں سکھایا اے جو کج تُساں نی پتا ایا
240:- اگر تُسیں مر جُلو اور بیویاں چھوڑ جُلو تے بُڈیاں(بیویاں) وسطے کھانڑیں پینڑیں جوگا اک سال نی وصیت کرو کڈڑیں توں بغیر ، اگر او آپ ای نہ جُلن او تے تُساں اتے کوئی غناہ نی جو کج او آپڑیں وسطے قانون نے مطابق کرن او بے شک اللہ ای غالب وی اے تے حکمت آلہ وی اے
241:- اور طلاق یافتہ عورتاں وسطے قانون نے مطابق کھانڑاں پینڑاں لازم اے ڈرنڑیں آلیاں اُتے
242:- اِسے طرح اللہ آپڑیں حکم واضح کرنا اے تاکہ تُسیں سمجھ جُلو
سورت البقرہ نا رکوع نمبر31 مکمل
سورت البقرہ :رکوع نمبر 32
پارہ نمبر 2 نا رکوع نمبر 16
243:- تُساں اُنہاں لوکاں دیکھیا جیڑے موتو نے ڈرے نال گھراں بیچوں نکلے او ہزاراں اے اللہ اُنہاں مار چھڑیا فر جینا کیتا بے شک اللہ فضل کرڑیں آلہ اے لوکاں تے پر لوک ناشکرے نوں
244:- اور تُسیں اللہ راہے بچ کُلو (لڑو) اور سمجھ جُلو کہ اللہ سنڑنے آلہ تے جانڑنے آلہ اے
245:- کونڑ اے جیڑا اللہ قرض دیوے اور چنگا قرض فر اللہ اُساں چھڑے کئی گنا تک اور اللہ تنگی وی دینا اے تے فراخی وی اور اُسے دار تُسیں مڑ کے جُلسو
246:- کیا تُساں بنی اسرائیل نی اک جماعت آں نی دیکھیا موسیٰ توں بعد جدوں اُنہاں نبی آں آکھیا کہ اَساں اُتے اک بادشاہ مقرر کرو تاکہ اَسیں اللہ نے راہے بچ کُلاں او اُس آکھا ہو اکنا اے کہ جدوں تُساں اُتے کُلنا فرض ہووے تے تُسیں نہ کُلو ، او آکھنے اَساں کے ہویاوے جے اَسیں اللہ نے راہے بچ نہ کُلساں ، البتہ او گھراں بیچوں آپڑیں اولاد کولوں کڈ دتے گئے اے اور جدوں کُلنا فرض ہویا تے اُنہاں بیچوں تھوڑے جئے تو علاوہ سارے پھر گئے اور اللہ ظالماں سیانڑنا اے
247:- اور اُنہاں اُنہاں نے نبی آکھیا کہ طالوت آں بادشاہ مقرر کیتا اے او آکھنے کینجو اَساں بادشاہت مِلنی اے اُساں مال ای نی مِلیا اَسیں زیادے حقدار آں بادشاہت نے بے شک اللہ اُساں چُنڑ کِدا اے تُساں اُتے اور اُساں علم تے جسم بچ ڈاڈا کر چھڑیا سو تُساں کولوں اور اللہ جِساں چاہنا اے آپڑاں ملک دینا اے اللہ وسعت آلہ جانڑنے آلہ اے
248:- اور اُنہاں اُنہاں نے نبی آکھیا کہ اس نی بادشاہی نی نشانی اے وے کہ تُساں کول بکسا (تابوت) آسی اِس بچ سامان ہوسی اور بچیاں چیزاں ہوسن او جیڑیاں آل موسیٰ عیہ اور آل ہارون عیہ نے چھوڑیا ایاں اَساں فرشتے چاکے آڑسن او اس بچ تُساں وسطے نشانی اے اگر تُسیں ایمان آلے او تے
سورت البقرہ نا رکوع نمبر 32 مکمل
سورت البقرہ :رکوع نمبر 33
پارہ نمبر 2 نا رکوع نمبر 17
249:- جدوں طالوت نا لشکر باہر نکلیا تے اُس آکھیا کہ اللہ تُساں اک نہر توں آزماسی جس اس بیچوں پانڑیں پیتا او اَساں بیچوں نی اور جس اِساں نہ چکھیا او اِساں بیچوں اے سوائے اس توں کہ او آپڑیں ہتھ بچ اک چلو پھر کنے فر کج اک توں علاوہ ساریاں پی چھڑیا فر جدوں طالوت اور جیڑے ایمان آلے اے اور پار ہوگئے تے اُنہاں آکھیا اَساں کول تے اج طاقت نی جالوت اور اِس نے لشکر نے مقابلے نی پر جیڑے لوک ایمان رکھنے اُنہاں آکھیا کہ بہوں واری اللہ نکیاں جماعتاں بڈیاں جماعتاں تے جتوایا اے اور اللہ صبر کرنڑیں آلیاں نال اے
250:- اور جدوں او جالوت اور لشکر نے آمڑیں سامڑیں ہوئے تے اُنہاں آکھیا کہ اے اللہ اَساں نیاں دِلاں بچ صبر پا چھڑ اور پیر باٹے کر کافراں نے مقابلے بچ او
251:- فر انہاں اللہ نے حکم نال حکمت مِلی اور داؤد جالوت آں قتل کر چھڑیا اور اللہ ملک اور حکمت دتی اور سکھایا جو چاہیا اور اگر اللہ نہ ہٹاوے آ بعض لوکاں بعض نے ذریعے تے زِمی ضرور تباہ ہو جُلے آ اور لیکن اللہ تے سارے جہاناں اُتے فضل کرنڑیں آلہ اے
252:- اے سارے اللہ نے حکم نوں اور اَسیں تُساں ٹھیک ٹھیک سنڑانے آں اور بےشک کہ تُسیں ضرور رسولاں بیچوں او
سورت البقرہ :رکوع نمبر 33
پارہ نمبر 2 مکمل

اپنا تبصرہ بھیجیں