سورت البقرہ (رکوع نمبر 33 تا 37) – ہندکو ترجمہ




سورت البقرہ نا رکوع نمبر 33
پارہ نمبر 3 نا رکوع نمبر 1
253:- اے رسول نوں اَساں بیچوں بعض آں بعض اُتے ترجیح دتی اے اِنہاں بیچوں بعض اللہ نال گلاں کرنے رہے نوں اور بعض نے درجے اچے کیتے نوں اور اَساں مریم عیہ نے پتر عیسیٰ عیہ آں کھلیاں نشانیاں دتیاں نوں اور روح القدس (جبرائیل عیہ) کولوں اُس نی تاکید کیتی اے ، اور اگر اللہ چاہنا تے او آپے بچ نی کُلنے اے جیڑے اُنہاں توں بعد آئے اِس توں بعد کہ جَدوں اُنہاں کول کھلیاں نشانیاں آ گئیاں پر اُنہاں اختلاف کیتا ایا فر اُنہاں بیچوں کوئی ایمان کِن آیا اور کِسے کفر کیتا ایا اگر اللہ چاہنا تے او آپے بچ نی کلنے اے لیکن اللہ جو کج چاہنا اے او کرنا اے
سورت البقرہ نا رکوع نمبر 33 مکمل
سورت البقرہ نا رکوع نمبر 34
پارہ نمبر 3 نا رکوع نمبر 2
254:- اے ایمان آلیو جو کج اَساں تُساں دِتا اے اِس بیچوں خرچ کرو اِس توں پہلیوں کہ او دیاڑہ آ جُلے جَدوں نہ خرید و فروخت ہونی اے تے نہ دوستی نہ سفارش اور کافر او ای ظالم نوں
255:- اللہ اے اِس توں علاوہ کوئی وی معبود نی او جینا اے ساریاں ٹھمیا (سہارہ) سو نہ اُساں نچھ (چھینگ یا اونگھ) آنی اے تے نہ ای اُساں نیندر آنی اے ، سارا کج اُسے نا اے جو کج آسماناں تے زمی بچ اے ، کونڑ اے جیڑا اُس اگے سفارش کرسی اسنی مرضی توں بغیر اُساں پتا اے جو کج اُس نے سامنڑیں اے یا چھپیا اے اور او نی احاطہ کر اکنے اس نے علم بچ کسے وی شئے (چیز) ناں مگر او چاہوے اُس نی کرسی نے آسے پاسے اے آسمان تے زمی نے اُساں اُنہاں نی حفاظت نی تھکانی اور بہوں بڈے مرتبے شان اور عظمت آلہ اے
256:- دین بچ زبردستی کوئی نی او بے شک ہدیت نالوں گمراہی الگ ہو گئی ہے اور جیڑا گمراہ کرنے آلے آں نہ منے اور اللہ تے ایمان آنڑے بس اُس باٹا پکڑ کِدا اے اور مڑنا نی اور اللہ سنڑنے آلہ تے جانڑنے آلہ اے
257:- جیڑے لوک ایمان کِن آئے نوں اللہ اُنہاں نی مدد کرنا اے اور اُنہاں نیرے بیچوں لوئی دار کڈنا اے اور جیڑے لوک کافر ہوگئے نوں اور اُنہاں نے سنگی گمراہ کرنڑیں آلے نوں او اُنہاں لوئء بیچوں نیرے دار کڈنے نوں اے لوک جہنمی نوں تے اسے بچ رہسن او
سورت البقرہ نا رکوع نمبر 34 مکمل
سورت البقرہ نا رکوع نمبر 35
پارہ نمبر 3 نا رکوع نمبر 3
258:- کیا تُساں اُس بندے آں نی دیکھیا ایا جیڑا ابراہیم عیہ نال اللہ نے بارے بچ کُلیا ایا کہ بادشاہت اللہ اُساں دِتی اے اور جدوں اہراہیم رحمہ آکھیا کہ مینڑاں اللہ او اے جیڑا جینا کرنا اے تے مارنا اے اُس آکھیا کہ میں جینا کرنا واں تے مارنا واں ابراہیم عیہ آکھیا کہ اللہ سورج مشرق بیچوں کڈنا اے توں اُساں مغرب بیچوں کڈ کے دَس اور کافر حیران رہ گیا اور اللہ اے جیاں ہدیت نی دینا او
259:-یا اُس بندے آلی گل جیڑا گرائیں بیچوں لنگیا جِس بچ گھراں نے چھت ٹھٹھے اے اُس آکھیا اللہ اِنہاں مارڑیں توں بعد کیوں جینا کرسی اللہ اُساں اک سو سال مردہ رکھیا فر جینا کر کے پچھیا کہ توں کتنی دیر اینجو ریا ایں اُس آکھیا اک دیاڑے یا اس توں وی کہٹ اللہ آکھیا کہ توں اک سو سال اینجو ریا ایں آپڑیں روٹی اور کھوتے آں دیکھ او سڑ گیا ای اَسیں تُداں لوکاں وسطے نشانی بنڑاساں اور اُنہاں ہڈیاں دیکھ اسیں اُنہاں کینجو جوڑنے آں تے اُنہاں اُتے گوشت چاڑنے آں فر جدوں اُس دیکھیا تے اُس آکھیا میں سمجھ گیا واں کہ اللہ ہر شئے تےقادر اے
260:- اور جدوں ابراہیم عیہ آکھیا کہ اللہ ماں دَسو تُسیں کیوں مریاں (مردہ) جینا کرنے او اللہ آکھیا توں یقین نی کیتا ، اُس آکھیا کیوں نی بس میں چاہنا واں مینراں دل مطمئن ہووے اللہ آکھیا چار پرندے کِن او اُنہاں آپڑیں نال ہلا کن فر رکھ چھڑ اُنہاں نے ٹکڑے پہاڑ اُتے فر اُنہاں بُلا او تینڑیں کول نسنے آسن او اور سمجھ جُل کہ اللہ ای غالب اے حکمت آلہ اے
سورت البقرہ نا رکوع نمبر 35 مکمل
سورت البقرہ :رکوع نمبر36
پارہ نمبر 3 نا رکوع نمبر 4
261:- اُنہاں لوکاں نی مثال جیڑے اللہ نے راہے بچ خرچ کرنے نوں آپڑاں مال اینجو اے جینجو اک دانڑاں ہووے اُس بیچوں 7 ڈنڈیاں نکلن او ہر ڈنڈی بچ 100 دانڑیں ہون او اور اللہ جِساں چاہنا اے بدا کہ دینا اے اور اللہ وسعت آلہ تے جانڑنے آلہ اے
262:- جیڑے لوک آپڑاں مال اللہ نے راہے بچ خرچ کرنے نوں فر احسان نی سمجھنے تکلیف وی نی پہنچانے اُنہاں وسطے اللہ کول اجر اے اور اُنہاں تے نہ کوئی خوف ہوسی تے نہ ای غم او
263:- چنگی گل کرنڑیں اور معاف کرنڑاں اُس خیرات کولوں بہوں چنگا اے جس توں بعد تکلیف (ستانا) دیو اللہ بے نیاز تے بردبار اے
264:- اے ایمان آلیو آپڑیں خرات احسان دس کے یا ستا کے ضائع نہ کرو اُس بندے آلی گل جیڑا لوکاں دسٹر وسطے خرچ کرنا اے اور اللہ تے قیامتی تے یقین نی کرنا اُس نی مثال اس گٹے آلی گل اے جس اُتے تُوڑ (مٹی) ہووے اور بادشاہ نال صاف ہو جلے اور او اُس اتے قدرت نی رکھنے جو انہوں کمایا اے اور اللہ کافراں سدھی راہ نی دسنا او
265:- اور اُنہاں نی مثال جیڑے آپڑاں مال خرچ کرنے نو اللہ نے راہے بچ ، اللہ نی رضا اور آپڑیں دِ لے نے سکون وسطے اینجو اے جینجو اُچی جائی اک باغ ہووے اُس اُتے تیز بدل گئےتے او دگنا فروٹ دیوے فر اگر تیز بدل نی وی ہووے تے تھوڑا وی جہان اے اور تُسیں جو کج کرنے او اللہ واں سب پتا اے
266:- کیا تُساں بیچوں کوئی پسند کرنا اے تُساں نا اک باغ ہووے کجھور تے انگوراں نا اور اُس تَلے کٹھا(نہر ) جُلما ہووے اِس بچ ہر قسم نا فروٹ ہووے اُس اُتے بڑھاپا آ جلے اور اُس نے پتر کمزور ہون او اُس ٹیم اک گولہ آوے جِس بچ اگ ہووے تے باغ سڑ جُلے اس طرح ای اللہ تُساں تے نشانیاں واضح کرنا اے تاکہ غور و فکر کرو
سورت البقرہ رکوع نمبر 36 مکمل
سورت البقرہ نا رکوع نمبر 37
پارہ نمبر 3 نا رکوع نمبر 5
267:- اے ایمان آلیو خرچ کرو اُس بیچوں جو کج کمانے او اور جو کج تُساں وسطے زمی بچ اے اِس بیچوں گندیاں شئیاں (چیزاں) خرچ کرنے نا ارادہ نہ کرو جبکہ تُسیں آپ او نی کننے او مگر تُسیں چشم پوشی (چھپ رہو) کرو اور سمجھ جُلو کہ اللہ بے نیاز تے خوبیاں آلہ اے او
268:- شیطان تُساں پکھاں (بھوک) کولوں ڈرانا اے اور تُساں بے حیائی نا حکم دینا اے اور اللہ تُساں نال بخشڑیں نا تے فضل نا وعدہ کیتا اے اللہ وسعت آلہ تے جانڑنے آلہ اے
269:- او جِساں چاہنا اے حکمت دینا اے اور جِساں حکمت دینا اے اُساں بہوں پلائی (بھلائی) دِتی سو اور عقل آلیاں تو علاوہ کوئی نصیحت قبول نی کرنا او
270:- اور تُسیں جئے کوئی خیرات دیسو یا مَنت منسو اللہ اُس نا پتا اے اور ظالماں نا کوئی مدد گار نی او
271:- اگر تُسیں اعلانیہ خیرات دیو تے چنگلی گل اے اور اگر تُسیں چھپا کہ مسکیناں دیو تے اے زیادے چنگی گل اے اور اللہ تُساں نے غناہ معاف کرسی اور تُسیں جو کج کرنے او پئے اللہ پتا اے
272:- اُنہاں نی ہدیت تُساں نے زِمے نی او اللہ جِساں چاہنا اے ہدیت دینا اے اور تُسیں جیڑا مال خرچ کرنے او آپڑیں وسطے خرچ نہ کرو بلکہ اللہ نی رضاء وسطے خرچ کرو اے تُساں پورا پورا مِلس تُساں نال زیادتی نی ہونی او
273:- تنگ دستاں وسطے جیڑے کھلتے نوں اللہ نے راہے بچ او ملک بچ ٹرنے پھرنے نی طاقت نی رکھنے، اُنہاں ناواقف سمجھ او اُنہاں نے سوال نہ کرنڑیں توں مالدار، توں اُنہاں اُنہاں نے منہ توں پہچانڑ کننا ایں اور لوکاں نال پلیچ پلیچ کے سوال نی کرنے اور تُسیں جیڑا مال خرچ کرسو اللہ بے شک جانڑنے آلہ اے
سورت البقرہ نا رکوع نمبر 37 مکمل

اپنا تبصرہ بھیجیں