سورت البقرہ(رکوع 38 تا 40) – ہندکو ترجمہ




سورت البقرہ نا رکوع نمبر 38
پارہ نمبر 3 نا رکوع نمبر 6
274:- اور جیڑے لوک آپڑاں مال راتی چھپ کہ یا دیاڑی سامنڑیں خرچ کرنے نوں اُنہاں وسطے بدلہ صرف اللہ کول ای اے اُنہاں اتے نہ کوئی خوف ہوسی تے نہ کوئی غم ہوسی
275:- اور جیڑے لوک سود کھانے نوں قیامتی آلے دیاڑے اُنہاں نے ہوش اُڈے ہوسن او جینجو شیطان پکڑیا ہووے نے اے اِس وسطے جے اے آکھنے کہ تجارت وی تے سود ای اے حالانکہ اللہ تجارت حلال کیتی اے تے سود حرام ، فر جِساں نصیت ملی اللہ نی طرفاں توں تے او باز آ گیا اِس وسطے جو کج ہو گیا اے او اُس نا تے اللہ نا معاملہ اے اور جیڑا فر وی سود دار جُلے تے او ای جہنمی اے اور ہمیشہ اُس بچ ای رہسی او
276:- اللہ سود آں ختم کرنا اے تے کہٹ کرنا اے اور خیرات آں بدانا اے اور اللہ ناشکرے بندے آں پسند نی کرنا او
277:- بے شک جیڑے لوک ایمان کِن آئے نوں اور چنگے کم کرنے نوں اور نماز قیم کرنے نوں زکوٰۃ دینے نوں تے اُنہاں نا بدلہ اللہ کول اے اُنہاں اُتے نہ کوئی خوف ہوسی تے نہ کوئی غم
278:- اے ایمان آلیو ڈرو اللہ کولوں اور جیڑا سود بچ گیا نے اُساں چھوڑ دیو اگر ایمان آلے او تے
279:- فر وی نہ چھوڑسو تے اللہ تے رسول صہ نال کُلنے وسطے تیار ہو جُلو اور اگر تُساں توبہ کر کِدی تے تُساں نا اصل مال تُساں وسطے اے اور نہ تُسیں ظلم کرو تے نہ تُساں اُتے ظلم ہووے
280:- اگر او تنگدست غریب ہووے تے کشادگی تک مہلت دیو سو اور اگر قرضہ بخش چھڑو تے زیادے چنگی گل اے اگر تُساں پتا اے تے
281:- اُس دیاڑے کولوں ڈرو جَدوں تُسیں اللہ دار جُلسو اُدھنڑ ساریاں پورا پودا مِلسی جو اُس کمایا اے اور کِسے تے ظلم نی ہونا
سورت البقرہ نا رکوع نمبر 38 مکمل
سورت البقرہ نا رکوع نمبر 39
پارہ نمبر 3 نا رکوع نمبر 7
282:- اے مومنو ! جدوں تُسیں ادھار کِنو یا دیو تے لکھ کنیا کرو یا لکھوا کنیا کرو اور کاتب انکار نہ کرے لکھڑیں کولوں جس طرح اُساں اللہ سکھایا اے اُساں چائی نا اے کہ لکھ چھڑے جس اتے قرض لکھیا جلے تے او اللہ کولوں ڈرے نہ اُساں کہٹ کرے فر اگر جس اتے قرض اے او کمزور اے یا کم عقل اے اور لکھواڑیں نی طاقت نی سو تے اُس نا کوئی سرپرست انصاف نال لکھوا دیوے سو اور مرداں بیچوں دو گواہ کر کنو اور فر اگر مرد نہ ہوون او تے اک مرد اک عورت کر کنو جیڑے تُساں پسند ہون او اور اگر اُنہاں بیچوں اک پہل(بھول) جلے تے دوآ (دوسرا) اُساں یاد کروائے اور گواہ انکار نہ کرن او جدوں اُنہاں بلایا جلے اور تُسیں لکھڑیں بچ وی سستی نہ کرو خواہ نِکا معاملہ ہووے یا بڈا ، اک معیار تک اے بڈا انصاف اے ، اور گواہی وسطے زیادے باٹا اے وے اللہ نے نیڑے جے تُسیں شکے بچ نہ پاؤ اِس توں سوا جے سودا ای نغد و نغدی ہووے جِساں تُسیں آپے بچ کننے رہنے او تہ کوئی غناہ نی کہ تُسیں او نہ لکھو اور جَدوں کوئی سودا کرو تے گواہ بنڑا کنیا کرو اور نہ تے لکھڑیں آلہ نقصان کرے اور نہ ای گواہ اور اگر اینجو کرسو تے تُساں غناہ ہوسی اور تُسیں اللہ کولوں ڈرو او تُساں سکھانا اے اور اللہ ہر شئے نا جانڑنے آلہ اے
283:- اگر تُسیں سفر بچ او اور لکھڑیں آلہ نہ ہووے تے کوئی چیز گروی رکھو قبضے بچ فر اگر تُساں بیچوں کوئی کِسے نا اعتبار کرنا اے اور جس بندے آں امین بنڑاوے اُساں چائی نا اے امانت موڑ دیوے اور اللہ کولوں ڈرے اور تُسیں گواہی نہ چھپاؤ جیڑا چھپاسی او غناہگار اے اور تُسیں جو کج کرنے او اللہ واں سب پتا اے
سورت البقرہ نا رکوع نمبر 39 مکمل
سورت البقرہ مکمل رکوع نمبر 40 پارہ نمبر 3 نا رکوع نمبر 8
284:- اللہ وسطے اے جو کج زمی بچ تے آسمانے بچ اے اور تُساں نے دِلے بچ اے اگر تُسیں ظاہر کرو یا چھپاؤ اللہ اُس نا حساب کنسی اور فر او جِساں چاہوے بخش چھڑے یا عذاب دیوے اللہ ہر شئے تے قادر اے
285:- رسول تے مَن کِدا جو کج اُنہاد دار لتھا ایا اللہ نی طرفوں اور مومناں وی اور سارے ایمان کِن آئے اللہ تے ، فرشتیاں تے ، کتاباں تے ، رسولاں تے اور رسولاں بچ فرق نی کرنے اُنہاں آکھیا کہ اے اللہ اَساں جو کج سنڑیا اے اَساں تینڑیں اطاعت کیتی اے اَساں تینڑیں بخشش چائی نی اے اور اَساں تینڑیں دار ای مڑ کے آنڑاں اے
286:- اللہ کِسے آں تکلیف نی دینا اس نی گنجیش تو زیادے اُس کول بدلہ اے جو تُساں کمایا اے اُس اُتے اجر وی تے عذاب وی اے اللہ اَساں نہ پکڑیں اگر اَسیں پہل جُلاں یا اَسیں چونکاں ، اے اللہ اَساں اُتے بوجھ نہ پائیں جیجو توں پہلے لوکاں تے پایا او اور اَساں کولوں نہ چُلائیں جِس نی طاقت نی اور درگزر کر توں اور اَساں بخش چھڑ اور اساں تے رحم کر تو ای مالکِ کُل کائنات (آقا) ایں اَساں نی کافراں نے مقابلے بچ مدد کر۔۔
سورت البقرہ مکمل رکوع نمبر 40

اپنا تبصرہ بھیجیں