سورت آل عمران(رکوع نمبر1 تا 4) – ہندکو ترجمہ




سورت آل عمران نا رکوع نمبر 1
پارہ نمبر 3 نا رکوع نمبر 9
1:- ا ل م
2:- اللہ توں بغیر کوئی معبود نی ،او ہمیشہ جینا رہنا اے اور سنبھالنڑیں آلہ اے
3:- اُس کتاب لائی اے سچ نال اِس توں پہلے آلیاں کتاباں نی تصدیق کرنڑیں آلی، اُس تورایت اور انجیل وی لائی
4:- اِس توں پہلے آلیاں لوکاں وسطے ہدیت اور اِس قرآن لایا اے سچ تے کوڑ بچ فرق کرنڑیں آلہ ، بے شک جنہاں اللہ نی آیتان توں انکار کیتا اے ، اُنہاں وسطے ڈاڈا عذاب اے اور اللہ زبردست بدلہ کنڑیں آلہ اے
5:- اللہ کولوں زمی تے آسمانے بچ کج وی چھپیا نی او
6:- او ای اے جیڑا ماؤ نے پیٹے بچ تُساں نا نقشہ بنڑانا اے جینجو او چاہنا اے اُس توں علاوہ کوئی معبود نی او زبردست حکمت آلہ اے
7:- او ای اے جس محمد صہ تے کتاب لائی اے جس بچ باٹے حکم نوں او ای اصل کتاب اے ، اور دوئے ملڑیں جلنے آلے حکم او ، جنہاں نے دِلے بچ فتور اے او اِنہاں متشابہات نی پیروی کرنے نوں فرساد نی غرض نال اور اِنہاں نا غلط مطلب کڈنے نوں اِنہاں نا مطلب اللہ توں علاوہ کسے آں نی پتا ، اور باٹے علم آلے آکھنے نوں اَسیں اُس تے ایمان کِن آئے آں ، اے سب کج اللہ نی طرفاں توں اے اور عقل آلیاں تو بغیر نی سمجھنے
8:- اے اللہ اَساں نے دِل نہ پھیر اس توں بعد کہ توں اَساں ہدیت چا دِتی اے اور اَساں تے رحم کر بے شک توں بڈا دینڑیں آلہ ایں
9:- بے شک توں لوکاں اُس دیارے جمع کرنڑیں آلہ ایں کوئی شک نی اِس بچ کہ اللہ وعدہ خلافی نی کرنا
سورت آل عمران نا رکوع نمبر 1 مکمل
سورت آل عمران نا رکوع نمبر 2
پارہ نمبر 3 نا رکوع نمبر 10
10:- اور جنہاں لوکاں کفر کیتا اے اُنہاں نہ اُنہاں نے مال کم آسن او تے نہ ای اولاد اللہ کے سامنڑیں کج وی اور او ای دوزخ نا بالنڑ نوں
11:- جینجو فرعون نا معاملہ ہویا اور اُنہاں نا جنہاں نشانیاں (آیتاں) پہلایا (بھلایا) او اللہ اُنہاں اُنہاں نیاں غناواں نے بدلے پکڑ کدا اور اللہ ڈاڈا عزاب دینا اے
12:- جنہاں لوکاں کفر کیتا اے اُنہاں آکھو کہ تُسیں جلتی دباؤنڑ ہوسو اور جہنم دار جلسو اور او بہوں مندی جا نے
13:- البتہ تُساں وسطے اُنہاں دوآں ٹولیاں (گروہ) بچ نشانی اے جیڑے سامڑیں کلنے نوں اک اللہ نے راہے بچ تے دو آ کافر اور اُنہاں نظر آنا اے کہ اللہ جس نی چاہنا اے مدد کرنا اے بے شک اللہ دیکھڑیں آلیاں وسطے عبرت اے
14:- اور لوکاں وسطے چیزاں نی محبت سوہنڑی کر چھڑی اے مثلاً کڑیاں ، پتر ڈھیر سارا سونا تے چاندی جیڑا جمع کیتا ہویا نے اور نشاناں آلے گھوڑے اور مال ڈنگر ڈوگیاں اے سارا کج دنیا نی زندگی نا سامان اے اور اللہ کول چنگی جا اے
15:؛ اُنہاں آکھو کہ میں تُساں چنگی گل دسنا واں ، اُنہاں لوکاں وسطے جیڑے ڈرنڑیں آلے نوں اُنہاں وسطے اللہ کول باغ نوں جنہاں تلے کٹھے بگنے نوں تے اُنہاں وسطے پاک زنانیاں اور اللہ نی رضا اور اللہ بندیاں دیکھنا اے
16:- جیڑے لوک آکھنے نوں اے اللہ اَسیں ایمان کن آئے آں اَساں نے سارے غناہ معاف کر تے اَساں جہنم کولوں بچا
17:-اور صبر کرنڑیں آلے ، سچے خرچ کرنڑیں آلے ،حکم منڑیں آلے اور آدھی راتی بخشش منگڑیں آلے
18:- انصاف نال گواہی دِتی اے اللہ ، اُس نے فرشتیاں تے انصاف آلیاں اور علم آلیاں کہ اِس توں بغیر کوئی معبود نہیں او ای حاکم اے زبردست حکمت آلہ اے
19:- بے شک اللہ نے نیڑے دین اسلام اے ، اور جنہاں کتاب دِتی اُنہاں اختلاف نی کیتا جدوں تک آپے بچ ضد نی نے کیتی جیڑا اللہ نی آیتاں نہ منے تے بے شک اللہ بہوں جلتی حساب کنسی نے
20:- فر اگر او تُساں نال کُلن او تے تُسیں آکھو کہ میں منہ تلاں کر کِدا اے اللہ وسطے ، اور جیڑا ماں(مجھے) مننا اے ، اور تُسیں کتاب آلیاں تے انپڑھ آں وی آکھو کہ کیا تُسیں اسلام آں مننے او ؟ اگر او مننے نوں تے اُنہاں راہ چا کدی اے اوراگر او منہ پھیر کنونوں تے تُساں صرف گل پہنچانڑیں اے باقی اللہ آپڑیاں بندیاں دیکھنا اے
سورت آل عمران نا رکوع نمبر 2 مکمل
سورت آل عمران نا رکوع نمبر 3
پارہ نمبر 3 نا رکوع نمبر 11
21:- اور جیڑے لوک اللہ نیاں آیتاں نی مننے اور نبیاں نا ناحق قتل کرنے نوں اور اُنہاں لوکاں ناجیڑے حق نی گل کرنے نوں تے اُنہاں وسطے ڈاڈا عذاب اے اُنہاں دس چھڑو
22:- اے ای او لوک نوں جنہاں نے عمل ضائع ہو گئے نوں دنیا تے آخرت بچ وی اور اُنہاں نا کوئی مددگار نی
23:-کیا تُساں اُنہاں لوکاں نی دیکھیا جنہاں کتاباں نا اک حصہ لبیا اے اور او اللہ نی کتاباں دار بلاؤئنڑ ہونے نوں تاکہ فیصلہ کرن او اور اُنہاں بیچوں اک ٹولہ پھر جلنا اے اور منہ پھینریں آلے نوں
24:- اس وسطے کہ او آکھنے نوں اَساں اگ نی پکڑنی گنتی نیاں کج دیاڑیاں توں علاوہ اُنہاں اُنہاں نے دین نے بارے بچ دھوکے بچ پا چھڑیا اے اِس جو کج او گھڑنے رہنے نوں
25:- اور اُنہاں نا کے حال ہوسی جدوں اُنہاں جمع کرساں اور ہر بندہ پورا پورا بدلہ کنسی جو اس کمایا اے اور کسے نی حق تلفی نی ہونی اس بچ کوئی شک نی
26:- تُسیں آکھو اے اللہ مالک و ملک توں جِساں چاہویں ملک دیویں اور جِساں چاہویں ذلیل کر چھڑیں تینڑیں ہتھے بچ اے سارے بھلائی اے بے شک توں ہر چیزاں تے قادر ایں
27:- توں راتی آں دیاڑ تے دیاڑی آں رات بنڑانا ایں توں جینیاں توں بے جان تے بے جاناں توں جینے کڈنا ایں اور جساں چاہویں بے حساب رزق دینا ایں
28:- مومن مومناں چھوڑ کہ کافراں سنگی نہ بنڑاؤن اور جیڑا اینجو کرے اُس نال اللہ نا کوئی تعلق نی ، تُسیں اِنہاں کولوں بچو اللہ تُساں آپڑیں ذات کولوں ڈرانا اے اور تُساں اُس دار ای جُلنا اے مڑ کے
29:- آکھو جو کج تُساں نیاں دِلاں بچ اے اگر او چھپاؤ یا ظاہر کرو اللہ واں پتا اے اور اُساں پتا اے جو کج زمی بچ تے آسمان بچ اے اور او ہر شئے تے قادر اے
30:- جس دیاڑے ہر بندے آں پتا لگسی چنگا تے مندا جو او کرنا ریا اے تے او خواہش کرسی کہ مندا اُس کولوں دور ہووے آ اللہ تُساں آپڑیں ذات کولوں ڈرانا اے اور اللہ شفقت کرنڑیں آلہ اے بندیاں تے
سورت آل عمران نا رکوع نمبر 3 مکمل
سورت آل عمران نا رکوع نمبر 4
پارہ نمبر 3 نا رکوع نمبر 12
31:- اگر تُسیں اللہ نال محبت کرنے او تے مینڑیں پیروی کرو اللہ تُساں نال محبت کرسی اور تُساں نے غناہ بخش چھڑسی اللہ بخشڑیں آلہ مہربان اے
32:- تُسیں آکھو نے کہ تُسیں اللہ تے رسول صہ نی اطاعت کرو فر وی اگر او پھر جُلن او تے اللہ کافراں سنگی نی بنڑانا او
33:- بے شک اللہ آدم عیہ ، نوح عیہ ، ابراہیم عیہ تے عمران عیہ نے کرے (گھروں) آں سارے جہان توں چنڑ کدا ایا
34:- او اولاد اے اک دوئے نی اور اللہ جانڑنے تے سنڑنے آلہ اے
35:- اور جدوں عمران عیہ نی بی بی آکھیا کہ اے اللہ جو کج مینڑیں پیٹے بچ اے میں تینڑیں حوالے کر چھڑیا اے ساریاں توں آزاد کرکے توں اِساں قبول کر بے شک توں سنڑنے آلہ تے جانڑنے آلہ ایں
36:- جدوں اُس مریم عیہ آں جمایا تے اُس آکھا کہ سے اللہ میں کُڑی جمائی اے اور اللہ ڈاڈا پتا اے کہ جنک (لڑکا) کُڑی (لڑکی) آلی گل نی ہونا اور میں اس نا ناں مریم عیہ رکھیا اے اور میں اِساں تے اِس نی اولادی آں شیطان نے شر کولوں تینڑیں پناہ بچ دینی آں
37:- اُساں اللہ قبول کیتا چنگی طرح اور پالیا اور زکریا عیہ نے حوالے کیتا اور جدوں زکریا عیہ اُنہاں کول کمرے بچ جُلنے تے اُنہاں کول روٹی ہونی اے ای او فر زکریا عیہ پچھیا کہ اے مریم عیہ اے تینڑیں کول کتھوں آئی اے اُنہاں آکھیا کہ اللہ جِساں چاہوے بے حساب رزق دینا اے او
38:- ایتھے ای زکریا عیہ دعا کیتی کہ اے اللہ ماں (مجھے) پاک اولاد دے بے شک توں دعا سنڑنے آلہ ایں
39:- اُنہاں آواز دتی فرشتیاں جس ویلے او نماز پئے پڑھنے اے کہ اللہ تُساں یحییٰ عیہ نی خوشخبری دینا اے او سردار تے نفس آں قابو کرنڑیں آلہ نیکاں بیچوں اک نبی ہوسی
40:- زکریا عیہ آکھیا کہ اے اللہ مینڑاں پتر کینجو ہو سی کہ میں وی بُڈھاہوگیا واں اور عورت وی بانجھ اے اُس آکھیا کہ اللہ جو کج چاہوے او کرنا اے
41:- اُس آکھیا کہ اے اللہ مقرر کر مینڑیں وسطے کج نشانی اللہ آکھیا کہ ترے(3) دیاڑے توں لوکاں نال گل نی کرنی بلکہ صبح تے شامی (ہر وقت) بس اللہ یاد کر
سورت آل عمران نا رکوع نمبر 4 مکمل

اپنا تبصرہ بھیجیں