سورت آل عمران (رکوع نمبر 5 تا 6) – ہندکو ترجمہ




سورت آل عمران نا رکوع نمبر 5
پارہ نمبر 3 نا رکوع نمبر 13
42:- اور فر فرشتیاں آکھیا کہ اے مریم عیہ اللہ تداں پاک کر چھڑیا اے اور سارے جہان نیاں عورتاں تے چنڑ کدا اے
43:- اے مریم عیہ! اللہ نی فرمانبرداری کر سجدہ کر اور رکوع کرنڑیں آلیاں نال رکوع کر
44:- اے غیب نیاں خبراں نوں اور اسیں وحی کرنے آں تُساں دار تُسیں اُنہاں کول نی اے او جدوں او پرچیاں پانے کہ اُنہاں بیچوں کونڑ مریم عیہ آں پالسی تُساں کول نی اے او جدوں او کُلنے اے
45:- اور جدوں فرشتیاں آکھیا کہ اے مریم عیہ اللہ تداں اک کلمے نی خوشخبری دینا اے اِس نا ناں میسح عیسیٰ ابن مریم عیہ ہوسی دنیا تے آخرت بچ مقرب تے فرمانبردار ہوسی
46:- او نیک تے لوکاں نا گہوارہ ہوسی اور پکی عمراں بچ گلاں وی کرسی او
47:- اُنہاں آکھیا کہ اے اللہ مینڑیں گھر پتر کینجو ہوسی ماں کِسے مرد ہتھ نی لایا اُس آکھیا اللہ جو چاہوے پیدا کرنا اے اور جدوں او (اللہ) کسے کم نا ارادہ کرنا اے تے آکھنا اے “ہوجا” تے او “ہو جلنا” اے
48:- او اِساں کتاب دانائی اور تورایت تے انجیل سکھاسی او
49:- اور بنی اسرائیل دار پیجسی کہ میں تُساں دار اک نشانی کِن کہ آیا واں اللہ نی طرفوں اور میں گارے نال پرندہ بنڑاساں اور فر پھوک مارساں تے او اللہ نے حکم نال جینا ہو جُلسی اور میں اَنے تے کوڑھے آں صیح کرنا واں اور میں مردے جینے کرنا واں اور میں دسنا واں جو کج تُساں کھادا اے اور جو کج گھر جمع کیتا نے بے شک اِس بچ تُساں وسطے نشانی اے اگر تُسیں ایمان آلے او تے
50:- اور میں پہلی کتاب تورایت نی تصدیق کرنا واں تاکہ تُساں اُتے او کج چیزاں حلال کر چھڑاں جیڑیاں پہلے حرام ایاں اور میں اللہ نی طرفوں نشانی نال آیا واں اللہ کولوں ڈرو اور مینڑیں گل منو
51:- اور بے شک اللہ او ای مینڑاں تے تُساں نا اللہ اے اُس نی عبادت کرنڑیں آلے ای سدھی راہے تے نوں
52:- اور جدوں عیسیٰ عیہ اُنہاں کولوں کفر نا پتا کر کِدا تے پچھیا کہ کونڑ اے مینڑیں اللہ دار مدد کرنڑیں آلہ حوایاں آکھیا اسیں مدد کرنے آں اور اسیں فرمانبردار آں اور اللہ مننے وی آں
53:- اے اللہ اساں نا ایمان اے اِس اُتے جو کج توں لایا اے اور تینڑیاں رسولاں اُتے سو توں اَساں گواہی دینڑیں آلیاں نال کر چھڑ
54:- اُنہاں مَکر کیتا تے اللہ چھپی تدبیر کیتی اور تدبیر کرنڑیں آلیاں کولوں چنگا اے
سورت آل عمران نا رکوع نمبر 5 مکمل
سورت آل عمران نا رکوع نمبر 6
پارہ نمبر 3 نا رکوع نمبر 14
55:- جدوں اللہ آکھیا کہ اے عیسیٰ عیہ میں تداں قبض کر کِنساں اور تداں آپڑیں دار بُلا کنساں اور پاک کر چھڑساں اُنہاں لوکاں توں جنہاں کفر کیتا اے اور جنہاں تینڑیں پیروی کیتی اے انہاں اُنہاں اُتے غالب کرساں اور قیامتی آلے دیاڑے تُساں مینڑیں دار آنڑا اے میں فیصلہ کرساں تُساں نے درمیان جِس بچ تُساں اختلاف ایا او
56:- جنہاں لوکاں کفر کیتا اے اُنہاں ڈاڈا عذاب دیساں دنیا تے آخرت بچ اُنہاں نا مددگار نی او
57:- اور جیڑے لوک ایمان آلے نوں اور نیک کم کرنے نوں اُنہاں پورا پورا بدلہ دیساں اللہ ظالماں سنگی نی بنڑانا
58:- اسیں تُساں تے اے آیتاں اور حکمت آلی نصیحت پڑھنے آں
59:- بے شک اللہ نے نیڑے عیسیٰ عیہ نی مثال آدم عیہ آلی گل اے اُساں مٹی توں بنڑایا سو فر آکھیا “ہوجا” تے او “ہوگیا”
60:- سچ تُساں نے اللہ داروں اے بس شک کرنڑیں آلیاں بیچوں نہ ہوئے
61:- جیڑا آپ صہ نال کُلے جدوں تُساں جول علم آگیا اے تے انہاں آکھو کہ آؤ اَسیں آپڑیں پتر تے تُسیں آپڑیں پتر ، اَسیں آپڑیاں عورتاں تے تُسیں آپڑیاں عورتاں اور اسیں آپ تے تُسیں وی آپ اسیں ، اسیں التجاء کرنے آں کہ کوڑیاں تے اللہ نی لعنت
62:- بے شک اے ای سچا بیان اے کہ اللہ توں بغیر کوئی معبود نی اور اللہ ای غالب حکمت آلہ اے
63:- فر وی اگر او پھر جُلن او تے اللہ فرسادیاں سیانڑنا اے چنگی طرح نال
سورت آل عمران نا رکوع نمبر 6

اپنا تبصرہ بھیجیں