سورت آل عمران (رکوع نمبر 7 تا 9) – ہندکو ترجمہ




سورت آل عمران نا رکوع نمبر 7
پارہ نمبر 3 نا رکوع نمبر 15
64:- آپ صہ تُسیں آکھو اے اہل کتاب اکی گلاں تے آؤ جیڑی اَساں بچ اک جئی اے وے کہ اَسیں اللہ توں بغیر کسے نی عبادت نہ کرنے او اور اُس نال کِسے آں شریک وی نہ کرنے او اَساں بیچوں کوئی وی کسے آں رب نہ بنڑاوے اللہ توں علاوہ، فر وی اگر او پھر جُلن او تے تُسیں آکھو کہ گواہ رہو کہ اَسیں تے مسلمان فرمانبردار آں
65:- اے اہل کتاب تُسیں ابراہیم عیہ نے بارے بچ کیوں کُلنے او ، نی لائی تورایت تے انجیل اُنہاں توں بعد تُساں عقل نی او
66:- ہاں تُسیں ای او لوک او جیڑے کلنے او اس بارے بچ جس نا تُساں پتا ایا اور ہنڑ کیوں کلنے او اس بارے بچ جس نا تُساں نی پتا او کج وی اور اللہ جانڑنا اے پر تُسیں نی جانڑنے او
67:- ابراہیم عیہ نہ یہودی اے تے نہ نصرانی او مسلمان اے او او مشرک نی اے او
68:- بے شک ساریاں توں زیادے مناسبت اے ابراہیم عیہ نال اُنہاں لوکاں نی جیڑے اُنہاں نی پیروی کرنے اے او ، نبی مننے اے ، اللہ مومناں نا کارساز اے
69:- اہل کتاب نی اک جماعت چاہنی اے کہ او تُساں گمراہ کر کنے پر او سمجھنے نی نوں کہ او آپڑیں توں بغیر کسے آں گمراہ نی کر اَکنے
70:- اے اہل کتاب تُسیں کیوں اللہ نیاں آیتاں نا انکار کرنے او حالانکہ تُسیں آپ گواہ او
71:- اے اہل کتاب تُسیں کیوں سچ آں کُوڑے نال ملانے او اور سچ چھپانے او حالانکہ تُساں پتا وی اے
سورت آل عمران نا رکوع نمبر 7 مکمل
سورت آل عمران نا رکوع نمبر 8
پارہ نمبر 3 نا رکوع نمبر 16
72:- اک ہور جماعت آکھیا اہل کتاب نی کہ مسلماناں تے جو کج لتھا اے اُساں دیاڑی صبح ویلے مَن کنو اور شامی ویلے منکر ہو جُلو شید کہ او پھرجُلن
73:- اور تُسیں کِسے نی گل نہ منو سوائے اُس نے جیڑے تُساں نے دین نے پیروکار نوں تُسیں آکھو کہ بے شک ہدیت اللہ نی اے او جِساں چاہوے چا دیوے ، اور تُساں نال اللہ نے سامنڑیں حجتاں کرن تے ، تُسیں آکھو کہ فضل اللہ نے ہتھے بچ اے ، او دینا اے جِساں او چاہنا اے اللہ وسعت آلہ تے جانڑنے آلہ اے
74:- اور جِساں چاہوے آپڑیں رحمت نال خاص کر چھڑنا اے اللہ بڈے فضل آلہ اے
75:- اہل کتاب بیچوں کوئی اے او جیا اے وے جس کول تُسیں ڈھیر مال امانت رکھو تے او موڑ دیوے ، اُنہاں بیچوں کوئی اگر تُسیں اُس کول اک دینار رکھو تے او وی نی موڑ کے دینا او ، مگر جدوں تک تُسیں اُس نے سِرے تے کَھلتے نہ رہو اے اس وسطے او کہ اُنہاں آکھیا کہ اَساں اُتے امانتاں نے بارے بچ کوئی الزام نی او اور او اللہ اُتے کوڑ مارنے نوں اُنہاں پتا اے
76:- کیوں نی جیڑا آپڑاں وعدہ پورا کرے تے ڈرڑیں آلہ (پرہیزگار) ہووے اللہ ڈرڑیں آلیاں (پرہیزگاراں) سنگی بنڑانا اے
77:- جیڑے لوک اللہ نے اقرار(وعدے) اور قسماں نال تھوڑی قیمت کننے نوں اے ای لوک نوں جنہاں وسطے قیامتی بچ کوئی حصہ نی اور قیامتی آلے دیاڑے نہ اللہ اِنہاں نال گل کرنا اے نہ اِنہاں دار دیکھنا اے اور نہ اِنہاں پاک کرنا اے اِنہاں وسطے بہوں ڈاڈا عذاب اے
78:- اور اِنہان بچ اک ٹولہ اے او جیڑا کتاب پڑھنیوں جیب (زبان) مروڑنا اے تاکہ تُسیں سمجھو کہ او کتاب آلیاں بیچوں اے پر او اُنہاں بیچوں نی ہونا او ، آکھنے نوں کہ او اللہ نی طرفوں نوں حالانکہ او اللہ نی طرفوں نی نوں او اللہ اُتے کوڑ مارنے نوں اور اُنہاں پتا اے
79:- کِسے بندے وسطے اے نی کہ اللہ اُساں کتاب ، حکمت تے نبوت دیوے فر اولوکاں آکھے کہ تُسیں اللہ نی بجائے مینڑیں بندے بنڑ جُلو ،اُساں چائی نا اے کہ او آکھے جے اللہ آلے ہوجُلو اِس کرکے کہ تُسیں کتاب سیکھانے او اور آپ وی پڑھنے او
80:- او تُساں کدے وی حکم نی دینا او کہ تُسیں نبیاں تے فرشتیاں پروردگار مَنو اِس توں بعد کہ تُسیں مسلمان ہو گئے او
سورت آل عمران نا رکوع نمبر 8مکمل
سورت آل عمران نا رکوع نمبر 9
پارہ نمبر 3 نا رکوع نمبر 17
81:- اور فر جدوں اللہ عہد کدا ایا نبیاں کولوں کہ جو کج میں تُساں دیساں او کتاب تے حکمت ، اور فر تُساں کول رسول آسن او اِس نی تصدیق کرنڑیں آلے تے تُسیں ضرور مَنسو اور اُس نی مدد کرسو اُس آکھیا کہ کیا تُسیں وعدہ (اقرار) کرنے او اور مینڑاں عہد قبول کرنے او اُنہاں آکھیا ہاں فر آکھیا کہ تُسیں گواہ رہو تے میں وی تُساں نا گواہ واں
82:- فر جیڑا اِس توں بعد پھر گیا او نافرمان اے
83:- او اللہ نے دین توں علاوہ کوئی ہور دین لبنے نوں، اور اُسے نا فرمانبردار اے جو کج آسمان بچ اے تے زمی بچ اے خوشی نال یا خفکی نال تُساں مڑ کے اِس دار ای جُلنا اے
84:- تُسیں آکھو کہ اَسیں ایمان کِن آئے آں اللہ اُتے تے جو کج وی اس لایا اے ابراہیم عیہ ، اسماعیل عیہ ، اسحاق عیہ ، یعقوب عیہ ، اولادِ یعقوب عیہ اور جو کج دِتا سو موسیٰ عیہ ، عیسیٰ عیہ اور ہور نبیاں واں اللہ نی طرفوں اور اَسیں اِس بچ اُنہاں بچ فرق نہ کرنے اواور اسیں فرمانبردار آں
85:- اور جیڑا کوئی چاہسی اسلام توں علاوہ کوئی ہور دین تے اُساں قبول نی کیتا جُلنا او اور او قیامتی آں نقصان چاسی او
86:- اللہ اے جیاں لوکاں کیوں ہدیت دیوے جیڑے کافر ہو گئے نوں اور ایمان توں بعد اے گواہی دے چھڑی نے کہ اے رسول سچے نوں اور اِنہاں کول کھلیاں نشانیاں نوں اور اللہ ظالماں ہدیت نی دینا او
87:- اے جیاں لوکاں نی سزا اے کہ اُنہاں اُتے لعنت اے اللہ نی فرشتیاں نی اور سارے جہان نیاں لوکاں نی
88:- او ہمیشہ اِسے بچ رہسن او اور اُنہاں اُتوں نہ عذاب ہلکا کیتا جلنا اے اور نہ ای اُنہاں لوکاں کدے مہلت ملنی اے
89:- مگر جنہاں لوکاں اِس توں بعد توبہ کیتی اور اصلاح کیتی تے اللہ بخشڑیں آلہ تے رحم کرنڑیں آلہ اے
90:- جیڑے لوک ایمان توں بعد کافر ہوگئے نوں اور اِسے بچ بدنے جلنے نوں اُنہاں نی توبہ قبول نی ہونی او اور اے گمراہ ای رہسن او
91:- جنہاں لوکاں کفر کیتا اے اور اینجو ای مر گئے نوں تے اُنہاں کولوں اِس نے بدلے پوری زمی نے برابر سونا وی بدلے بچ نی قبول ہونا اُنہاں وسطے ڈاڈا عذاب اے اور اُنہاں نا کوئی مددگار وی نی
سورت آل عمران نا رکوع نمبر 9 مکمل
پارہ نمبر 3 مکمل

اپنا تبصرہ بھیجیں