سورت آل عمران (رکوع نمبر 10 تا 13) – ہندکو ترجمہ




سورت آل عمران نا رکوع نمبر 10
پارہ نمبر 4 نا رکوع نمبر 1
92:- تُسیں کدے وی نیکی آں نی پہنچنے او جدوں تک خرچ نہ کرو او چیز جِس نال تُساں محبت اے اور جو کج تُسیں خرچ کرنے او اللہ سب کج پتا اے
93:- سارے کھانڑیں حلال اے بنی اسرائیل وسطے مگر جیڑے یعقوب عیہ آپڑیں اتے حرام کر کدے اس توں پہلیوں کہ تورایت لِے وے فر اِساں پڑھو اگر تُسیں سچے او
94:- فر جیڑا اِس تو بعد اللہ اُتے کوڑ مارے او ظالم اے
95:- تُسیں آکھو کہ اللہ سچ آکھیا اے ہنڑ تُسیں ابراہیم عیہ حنیف (مسلمان) نے دین نی پیروی کرو او مشرک نی اے
96:- ساریاں توں پہلے جیڑا گھر لوکاں وسطے مقرر ہویا او سارے جہان وسطے برکت آلہ تے ہدیت آلہ اے جیڑا مکہ بچ اے
97:- اس بچ کھلیاں نشانیاں نوں جینجو نقام ابراہیم عیہ جیڑا اِس بچ جلنا رہسی او امن پاکنسی اور اللہ وسطے لوکاں اُتے کعبہ نا حج کرنا جِساں توفیق ہووے اور جِس کفر کیتا اے تے اللہ بے شک سارے جہان آلیاں تو بے نیاز اے
98:- تُسیں آکھو اے اہل کتاب تُسیں کیوں اللہ نیاں آیتاں نا انکار کرنے او اور اللہ اے سب کج پتا اے جو کج تُسیں کرنے او
99:- تُسیں آکھو کہ اہل کتاب تُسیں اللہ نی راہ بیچوں کیوں ڈکنے او اِنہاں جیڑے ایمان کِن آئے نوں تُسیں اِس بچ کُجی لوڑنے او اور تُسیں آپ گواہ او اور اللہ واں سارا کج پتا اے جو کج تُسیں کرنے او
100:- اے ایمان آلیو اگر اس اک ٹولے نی گل مَنسو جنہاں کتاب دتی گئی اے او تُساں ایمان توں بعد فر کفر دار موڑ چھڑسن او
101:- اور تُسیں کینجو کفر کرنے او جدوں تُساں اُتے اللہ نیاں آیتاں پڑھیاں جلنیاں نوں اور تُساں بچ اللہ نا رسول صہ وی موجود اے اور جیڑا اللہ نی رسی آں باٹا پکڑسی اُساں سدھے راہے دار ہدیت ملسی
سورت آل عمران نا رکوع نمبر 10 مکمل
سورت آل عمران نا رکوع نمبر 11
پارہ نمبر 4 نا رکوع نمبر 2
102:-اے ایمان آلیو اللہ کولوں ڈرو کہ جینجو ڈرنے نا حق اے اور تُسیں ہرگز نہ مَریو اِس حال بچ کہ تُسیں مسلمان ہو
103:- اور اللہ نی رسی آں باٹا پکڑ کنو اور آپے بچ پھوٹ نہ پاؤ اور آپڑیں اُتے اللہ نیاں نعمتاں یاد کرو جَدوں تُسیں اکی دوئے نے دشمنڑ اے او اور اللہ تُساں نیاں دِلاں بچ محبت پا چھڑی اور تُسیں اس نے فضل نال پرا پرا (بھائی بھائی ) ہوگئے او اور تُسیں اگی نے کڈے نے کنارے اُتے اے او اور اُس تُساں بچا کِدا اِس طرح او تُساں وسطے آیتاں واضح کرنا اے تاکہ تُسیں ہدیت پا کنو
104:- اور چائی نا اے وے کہ تُساں بیچوں اک ٹولہ رہ وے جیڑا چنگے کماں دار بلاوے اور مندیاں کولوں ڈکے اور اے ای ٹولہ اے ای لوک کامیاب ہونڑے آلے نوں
105:- اِنہاں لوکاں دار نہ جُلو جیڑے فر قیاں بچ پئے گئے نوں اور آپس بچ اختلاف کرنے نوں اِس توں بعد کہ اِنہاں واضح حکم پتا نوں اور اے ای لوک نوں جنہاں وسطے ڈاڈا عذاب اے
106:- جِس دیاڑے بعض منہ چٹے ہوسن تے بعض کالے ہوسن اور جنہاں نے کالے ہوسن او اُنہاں آکھسن او کہ تُساں ایمان توں بعد فر کفر کیتا ہنڑ عذاب چکھو کیونکہ تُسیں کفر کرنے او
107:- اور البتہ جنہاں نے منہ چٹے ہوسن او اُنہاں اُتے اللہ نی رحمت ہوسی اور اِسے بچ ہمیشہ رہسن او
108:- اے اللہ نیاں آیتاں نوں اَسیں تُساں اُتے ٹھیک ٹھیک پڑھنے آں اور اللہ جہان آلیاں تے ظلم نی چاہنا
109:- اور اللہ وسطے (یا اللہ نا اے) جو کج زمی تے آسمان بچ اے اور سارے کم اِس دار جُلسن او مڑکے
سورت آل عمران نا رکوع نمبر 11مکمل
سورت آل عمران نا رکوع نمبر12
پارہ نمبر 4 نا رکوع نمبر 3
110:- تُسیں بہترین امت او جیڑی لوکاں وسطے پیجی گئی اے تُسیں چنگیاں کماں نا حکم دینے او تے مندیاں توں ڈکنے او اللہ اُتے ایمان آنڑنے او اگر اہل کتاب وی ایمان کِن آؤن آتے اُنہاں وسطے چنگا ایا ، اُنہاں بیچوں کج ایمان آلے نوں تے کج کافر
111:- او تُساں ترساڑیں توں علاوہ کج وی نی بگاڑ اکنے اگر او تُساں نال کلے تے او کنڈ دَسسن او فر اُنہاں نی مدد نی ہونی او
112:- اُنہاں اُتے ذلت چموڑ چھڑی اے جتھے کدرے وی او ہوسن او سوائے اِس توں کہ اللہ نے عہد بچ آ جُلن او اور لوکاں نے عہد بچ اور او مڑن اللہ نے غضبے نال اُنہاں اتے محتاجگی چموڑ چھڑی اے اس کرکے کہ او اللہ نیاں آیتاں نا انکار کرنے نوں اور نبیاں نا ناحق قتل کرنے اُنہاں نا فرمانی کیتی اے اور او حد توں وی بد جلنے نوں
113:- اہل کتاب بیچوں وی سارے برابر نی نوں اک ٹولہ سدھے راہے تے اے اور راتی سجدہ کرنا اے اور اللہ نیاں آیتاں پڑھنا اے
114:- او ایمان رکھنے نوں اللہ اتے اور قیامتی نے دیاڑے تے اور چنگے کمے نا حکم دینے نوں اور مندے توں ڈکنے نوں اور نیک کماں بچ نسنے نوں اور اے ای لوک نیک نوں
115:- اور جیڑی نیکی کرسن او کدے وی اسنی ناقدری نی ہونی اللہ ڈرڑیں آلیاں (پرہیزگاروں) سیانڑنا اے
116:- اور جنہاں لوکاں کفر کیتا اے اُنہاں نا مال تے اولاد اُنہاں کم نی آنی اور اے لوک دوزخی نوں ہمیشہ اِسےبچ رہسن او
117:- اُنہاں نی مثال جیڑے کرچ کرنے نوں اللہ نے راہے بچ اینجو اےجینجو اس دنیا بچ کہ ہوا ہووے اُس بچ پالا ہووے اور جُل کہ کھیتی آں لگ جُلے اِس قوم نی جنہاں ظلم کیتا اے آپڑیاں جانیاں تے فر اُنہاں تباہ کر چھڑے اور اللہ اِنہاں اُتے ظلم نی کیتا بلکہ او آپ آپڑیاں جاناں تے ظلم کرنے نوں
118:- اے ایمان آلیو آپڑیں توں علاوہ کسے آں راز دار نہ بنڑاؤ، او تُساں نی خرابی بچ کمی نی کرنے او بلکہ او چاہنے نوں کہ تُسیں تکلیف کنو اُنہاں نی دشمنڑیں ظاہر ہو گئی اے اُنہاں نے منہ توں اور جیڑا اُنہاں نے سینے بچ چھپیا اے اُس توں وی بڈا اے اَساں تُساں وسطے آیت کھول کہ دس چھڑی اے اگر تُسیں عقل رکھنے او تے
119:- سنڑ کنو تُسیں او لوک او جیڑے اُنہاں سنگی بنڑانے او اور او تُساں سنگی نی سمجھنے اور تُسیں ساریاں کتاباں تے ایمان رکھنے او اور جدوں او تُساں ملنے نوں تے آکھنے نوں کہ اسیں وی ایمان کن آئے آں اور جدوں کَلے ہونے نوں تے انگلیاں کھانے نوں غصے نال تُسیں غصے بچ مَر جُلو بے شک اللہ دِلاں نیاں ڈاڈا سمجھنا اے
120:- اگر تُساں بھلائی پہنچے تے ایمان مندا لگنا اے اور اگر برائی پہنچے تے اُنہاں چنگا لگنا اے اور او خوش ہونے نوں اگر تُسیں صبر کرو اور پرہیزگاری کرو اُنہاں نا فراڈ تُساں نا کج نی بگاڑ اکنا بے شک جو کج اوکرنے نوں اللہ اُساں گھیریا ہویا اے
سورت آل عمران نا رکوع نمبر 12 مکمل
سورت آل عمران نا رکوع نمبر 13
پارہ نمبر 4 نا رکوع نمبر 4
121:- اور جدوں تُسیں صبح گھروں نکلو تے مومناں مورچیاں تے بہالو اور اللہ سنڑنے آلہ تے جانڑنے آلہ اے
122:- جدوں تُساں بیچوں دو گروہواں ارادہ کیتا کہ ہمت ہار جُلاں اللہ اُنہاں نا مددگار ایا اور مومناں چائی نا اے کہ اللہ اُتے بھروسہ کرن او
123:- البتہ اللہ تُساں نی بدر بچ مدد کرریا وے بلکہ تُسیں کمزور سمجھے جلنے او اور اللہ کولوں ڈرو تاکہ شکرگزار ہو
124:- جدوں تُسیں مومناں آکھنے او کہ تُساں وسطے بہوں نی کہ اللہ تین ہزار فرشیاں نال تُساں نی مدد کرے
125:- کیوں نی کہ تُسیں صبر کرو اور ڈرو (پرہیزگاری کرو) او تُساں اتے چڑھ آؤں او تے تُساں ناں اللہ پنج (5) ہزار نشاناں آلیاں فرشیاں نال تُساں نی مدد کرسی
126:- اور اِے اللہ تُساں نی خوشخبری وسطے آکھیا اے تاکہ تُساں نیاں دِلاں اطمینان ہووے اور اللہ توں بغیر کِسے کول مدد نی او غالب حکمت آلہ اے
127:- تاکہ او اُنہاں نے اک ٹولے (گروہ) آں کَپ چھڑے جنہاں کفر کیتا اے اُنہاں ذلیل کر چھڑے اور او نامراد مُڑن او
128:- آپ صلی اللہ علیک وسلم نا ایمان بچ دخل نی کوئی وی کہ اللہ اُنہاں نی توبہ قبول کرے یا اُنہان عذاب دیوے کیونکہ او ظالم نوں
129:- اللہ نا ای اے سب کج جو کج زمی تے آسماناں بچ اے اوجِساں چاہوے بخش چھڑے یا عذاب دیوے او بخشڑیں آلہ مہربان اے
سورت آل عمران نا رکوع نمبر 13 مکمل

اپنا تبصرہ بھیجیں