سورت آل عمران ( رکوع نمبر 14 تا17) – ہندکو ترجمہ




سورت آل عمران نا رکوع نمبر 14
پارہ نمبر 4 نا رکوع نمبر 5
130:- اے ایمان آلیو سود نہ کھاؤ دگنا یا چگنا اللہ کولوں ڈرو تاکہ فلاح پاؤ
131:- اور ڈرو اُس اگی کولوں جیڑی کافراں واسطے تیار کیتی اے
132:- اور اللہ تے اُس نے رسول نا حکم مَنو تاکہ تُساں اُتے رحم کیتا جُلے
133:- اور نَسو اللہ نی بخشش دار تے جنت دار جِس نا عرض زمی تے آسمان نے برابر اے جیڑی ڈرنڑیں آلیاں (پرہیزگاراں) وسطے تیار کیتی گئی اے
134:- اور جیڑے خرچ کرنے نوں خوشی اور تکلیف بچ ، غصہ پی جُلنے نوں اور لوکاں معاف کر چھڑنے نوں اللہ احساں کرنڑیں آلیاں سنگی رکھنا اے
135:- اور او لوک جیڑے بے حیائی کرنے نوں یا آپڑیں اُتے کوئی ظلم کر بیٹھے نوں او اللہ یاد کرن اور بخشش منگن اور کونڑ اے جیڑا غناہ بخش چھڑنا اے اللہ توں علاوہ اور جو کج کررہے نوں اُس اُتے ڈٹ نہ جُلن او اور اُنہاں سب کج پتا اے
136:- اے جیا لوکاں نی جزا اُنہاں نے اللہ نی طرفوں بخشش اور باغات نوں جنہاں تلے کٹھے بگنے نوں اور اے کم کرنے آلیاں وسطے اے کتنی چنگی گل اے
137:- تُساں توں پہلے کئی واقعات گزر گئے نوں زمی بچ اِدھر اُدھر جُلو تے چیک کرکے دیکھو کہ جھٹلاڑیں آلیاں نا انجام کے ہویا اے
138:- اے بیان اے لوکاں وسطے اور ہدیت تے نصیت اے ڈرنڑیں آلیاں (پرہیزگاراں) وسطے
139:- تُسیں سست نہ ہو اور غم نہ کرو تُسیں ای غالب ہوسو اگر تُسیں ایمان آلے او تے
140:- اگر تُساں زخم ملیا اے تے البتہ ات اُنہاں وی ملیا اے اے جیا ای ، دیاڑے اسیں لوکاں اُتے واری واری بدلی کرنے رہنے آں تاکہ اللہ پتا کرے اُنہاں لوکاں جیڑے ایمان آلے نوں اور تُساں بیچوں کج آں شہید کرنے آں اور ظالماں سنگی نی بنڑانا
141:- اور تاکہ اللہ پاک کرے ایمان آلیاں اور کافراں مٹا چھڑے
142:- کیا تُسیں اے سمجھنے او کہ تُسیں جنت بچ جُلسو اور ہائے اللہ امتحان نی کِدا جیڑے تُساں بیچوں صبر اور جہاد کرنڑیں آلے نوں
143:- البتہ تُسیں اِساں ملنڑیں توں پہلیوں موت نی تمنا کرنے او تے ہنڑ تُساں آپڑیاں اکھیاں نال دیکھ کِدا اے
سورت آل عمران نا رکوع نمبر 14 مکمل
سورت آل عمران نا رکوع نمبر 15
پارہ نمبر 4 نا رکوع نمبر 6
144:- اور محمد صہ تے اک رسول نوں البتہ اُنہاں توں پہلے وی رسول گزرے نوں فر اگر او وفات پا جُلن یا قتل ہو جُلن او تے کہ تُسیں مڑ جلسو اور جیڑے مڑ جُلسن او اللہ نا کج نی بگاڑ اکنے اللہ شکر کرڑیں آلیاں جلتی جزا دیسی
145:- اور کِسے بندے وسطے ممکن نی کہ او اللہ نے حکمے توں بغیر مر جُلے اور مقررہ ٹیم لکھیا وے ، اور جیڑا دنیا نا انعام منگسی اسیں اُساں دنیا بچ دیساں اور جیڑا آخرت منگسی اَسیں اُساں اُتھے دیساں اور اسیں شکر کرڑیں آلیاں جلتی جزا دیساں
146:- اور بہوں سارے نبی نوں اُنہاں نال بہوں سارے اللہ آلے کُلنے رہے نوں پر او سست نی پئے اُنہاں مصیبتاں نے بدلے جو اُنہاں اللہ نی راہے بچ مِلیا نوں اور نہ کمزوری ظاہر کیتی نے نہ دبے نوں اور اللہ صبر کرنڑیں آلیاں سنگی رکھنا اے
147:- اُنہاں نا آکھڑاں اے ایا کہ اُنہاں دعا کیتی کہ اے اللہ اَساں بخش چھڑ اَساں نے غناہ تے زیادتی اور اَساں ثابت قدم رکھ اور کافراں نے بدلے مدد کر
148:- اور اللہ اُنہاں دنیا تے قیامتی نا چنگا انعام دِتا اے اور اللہ احسان کرنڑیں آلیاں سنگی رکھنا اے
سورت آل عمران نا رکوع نمبر 15 مکمل
سورت آل عمران نا رکوع نمبر 16
پارہ نمبر 4 نا رکوع نمبر 7
149:- اے ایمان آلیو اگر تُسیں کافراں نی گل منسو تے او تُساں موڑ چھڑسن او اور تُسیں کہاٹے بچ مڑسو
150:- بلکہ اللہ تُساں نا مددگار اے اور او ساریاں توں چنگا مددگار اے
151:- اسیں جَلتی ای کافراں نیاں دِلان بچ خوف پا چھڑساں اس کرکے کہ اللہ نال شریک کیتا نے جِس نی اللہ کوئی اجازت نی دتی اور اُنہاں نا ٹھکانا جہنم اے اور اے بہوں مندا ٹھکانا نے ظالماں نا
152:- البتہ اللہ تُساں وعدہ سچ لر دسیا اے جدوں تُسیں اُس نے حکمے نال قتل کرنڑ لگے او ایتھے تک کہ تُساں بزدلی کیتی اور جھگڑا کیتا نے کسے بچ اور اِس توں بعد نافرمانی کیتی نے جبکہ تُساں دسیا جو تُسیں چاہنے او تُساں بیچوں کوئی دنیا چاہنا اے تے کوئی آخرت فر اِس تُساں اُنہاں کولوں پھیر چھڑیا تاکہ آزماوے اور اُس تُساں معاف کر چھڑیا اے اور اللہ مومناں تے فضل کرنڑیں آلہ اے
153:- جدوں تُسیں منہ چا کے چڑھنے جُلنے او اور کِسے آں پچھاں مڑ کہ نی دیکھنے او اور رسول صہ پچھوں تُساں بلانے فر تُساں غم نے بدلے غم ملیا اے تاکہ تُسیں غور کرو اِس اُتے جو کج تُساں نے ہتھوں نکل گیا اے اور نہ اِس اُتے جو تُساں ملیا اے اور اللہ پتا اے جو کج تُسیں کرنے او
154:- فر اُس تُساں نے غم توں بعد نیچھاں (اونگھ) آلی گل امن لایا اک ٹولے (جماعت) آں چھپا کدا سو اور اک ٹولے آں جانی نی فکر لگی اےای او اللہ نے بارے بچ جاہلاں آلے گمان کرنے او آکھنے کہ کوئی کم اساں نے اختیار بچ وی اے وے ، آپ صہ آکھو کہ سارے کم اللہ نے اختیار بچ نوں او آپڑیاں دِلاں بچ چھپانے اور ظاہر نی کرنے اے تُساں اُتے او آکھنے کہ اگر کوئی کم اَساں نے اختیار بچ ہونا تے اَسیں ایتھے نہ مَراں آ ، تُسیں آکھو نے کہ جنہاں نی قسمت بچ مرنا لکھیا اے او گھراں بچ وی ہونے تے قتل گاہواں دار آپے نکل آؤن آ تاکہ اللہ آزماوے جو کج تُساں نے ٹِڈے (پیٹ) بچ اے اور صاف کر چھڑے دِلاں جو کج اُنہاں بچ اے وے اور اللہ دِلاں نے بھید ڈاڈے پتا نوں
155:- بے شک جیڑے لوک تُساں بیچوں مُڑ گئے جِس دیاڑے جماعتاں آمنڑیں سامنڑیں ہویا نوں حقیقت بچ شیطان اُنہاں پھسلایا اے اُنہاں نے بعض کماں نی وجہ توں البتہ اللہ معاف کر چھڑیا اے اور اللہ بخشڑیں آلہ حلم آلہ اے
سورت آل عمران نا رکوع نمبر 16 مکمل
سورت آل عمران نا رکوع نمبر 17
پارہ نمبر 4 نا رکوع نمبر 8
156:-اے ایمان آلیو اُنہاں لوکاں آلی گل نہ ہو جُلو جیڑے کافر ہوئے او آکھنے آپڑیاں پراواں کہ جدوں او سفر کرن یا جہاد کرن اگر او اَساں کول ہونے تے او نی مرنے اور نہ مارے جُلنے تاکہ اللہ اِساں خواہش بنڑا چھڑے آ اُنہاں نیاں دِلاں بچ اللہ ہی جینا کرنا اے اور مارنا اے اور تُسیں جو کج کرنے او اللہ دیکھنا اے
157:- اور اگر تُسیں اللہ نے راہے بچ مَر جُلو یا مارے جُلو تے یقینناً بخشش تے رحمت اے اللہ نی طرفوں اُس توں چنگی جیڑی او دولت جمع کرنے نوں
158:- اگر تُسیں مر گئے یا مارے گئے تے اللہ کول ای جمع ہوسو
159:- اے اللہ نی رحمت نال ای اے کہ تُسیں اُنہان وسطے نرم دِل رہو اور اگر تندخو یا باٹے دِل ہوسو تے او تُساں کولوں نس جُلسن (منتشر) او پس تُسیں اُنہاں معاف کر چھڑو تے اُنہاں وسطے بخشش منگو اور کم بچ اُنہاں نال مشورہ کر کنیا کرو فِر جدوں پکا اراداہ کر کِنو تے اللہ تے بھروسہ کرو بے شک اللہ بھروسہ کرنڑیں آلیاں سنگی رکھنا اے
160:- اگر اللہ تُساں نی مدد کرے تے تُساں تے کوئی وی غالب آڑیں آلہ نی اور اگر او تُساں چھوڑ دیوے تے کونڑ اے جیڑا تُساں نی مدد کرے اِس توں بعد اور چائی نا اے کہ ایمان آلے اللہ تے بھروسہ کرن او
161:- اور نبی نے شایان نی کہ او چھپاوے اور جیڑا چھپاسی اور چھپائی چیز قیامتی آلے دیاڑے نال آنڑسی فر ہر بندے آں اُس نیاں کماں نا پورا پورا بدلہ ملسی اور ظلم نی ہونا
162:- تے کے جِس اللہ نی رضا وسطے پیروی کیتی اے اِس آلی گل اے جیڑا اللہ نے غصے نال آیا اُس نا ٹھکانہ جہنم اے اور اے بہوں مندا ٹھکانہ اے
163:- اُنہاں نے مختلف درجے نوں اللہ کول اور جو کج کرنے نوں اللہ دیکھنا اے
164:- بے شک اللہ ایمان آلیاں تے احسان کیتا اے اُنہاں بچ اُنہاں بیچوں رسول بھیج کہ او اُنہاں اُتے آیتاں پڑھنا اے اور اُنہاں کتاب و حکمت سکھانا اے اور اِس توں پہلے او گمراہی بچ اے او
165:- جدوں کوئی مصیبت تُساں اُتے آئی البتہ تُسیں دو گنا پہنچا رہے او تہ تُسیں آکھنے او کہ اے کیتھوں آئی اے آپ صہ آکھو کہ تُساں کولوں ای آئی اے بے شک ہر چیزاں تے قادر اے
166:- اور تُساں جیڑی تکلیف جنگ آلے دیاڑے پہنچی او اللہ نی طرفوں اے تاکہ او ایمان آلیاں نا پتا کر کنے
167:- اور جانڑ اکے اُنہاں لوکاں جیڑے منافق ہوئے نوں ، اُنہاں آکھیا کہ آؤ کُلو اللہ نے راہے بچ یا دفاع کرو ، او آکھنے کہ اگر اَساں جنگ آنی تے اَسیں تُساں نال ہواں آ ، او اِس دیاڑے ایمان نی بجائے کفر نے نیڑے اے اور آپڑیں منہ توں آکھنے نوں جو اِنہاں نے دِلے بچ نی او اور اللہ ڈاڈا پتا اے جو کج او چھپانے نوں
168:- او لوک جنہاں آپڑیاں پراواں نے بارے بچ آکھیا اور آپ بیٹھے رہے اگر او اَساں نی گل مَن اکنے تے او نی مارے جُلنے او او ، اُنہاں آکھو کہ تُسیں آپڑیاں جانیاں توں موت دور کرو اگر سچے او تے
169:- جیڑے لوک اللہ نے راہے بچ مارے گئے اُنہاں مردہ نہ سمجھو بلکہ او جینے نوں اللہ کولوں روٹی وی ملنی نے
170:- خوش نوں اُس کولوں جیڑا اللہ اُنہاں آپڑیں فضل توں دِتا اے اور او اُنہاں لوکاں نی وجہ توں خوش وقت اے جیڑے نی ملے اُنہاں نا اُنہاں نے پچھے اُنہاں تے نہ کوئی خوف ہوسی تے نہ ای کوئی غم
171:- او خوشیاں منانے نوں اللہ نی رحمت تے فضل نال اور اے کہ اللہ ایمان آلیاں نا اجر ضائع نی کرنا
سورت آل عمران نا رکوع نمبر 17 مکمل

اپنا تبصرہ بھیجیں