سورت النساء (رکوع نمبر 8 تا 9) – ہندکو ترجمہ




سورت النساء نا رکوع نمبر 8
پارہ نمبر 5 نا رکوع نمبر 5
51:- کیا تُساں اُنہاں لوکاں نی دیکھیا جنہاں کتاب نا اک حصہ دِتا گیا اے اور او بُتاں مننے نوں اور شیطان آں اور کافراں آکھنے نوں اے مومناں توں زیادے سدھے راہے تے نوں
52:- اے ای لوک نوں جنہاں اُتے اللہ لعنت کیتی اے اور جِس اُتے اللہ لعنت کرنے اُس نا کوئی مددگار نی ہونا
53:- کیا اُنہاں کول سلطنت نا کوئی حصہ اے وے فر اِس ٹیم اے نی دینے لوکاں تَلی برابر وی
54:- زیادے لوک اِس وسطے حسد کرنے نوں جیڑا اللہ اُنہاں آپڑیں فضل نال دِتا اے سو اُساں ابراہیم عیہ نی اولادی آں کتاب تے حکمت دتی اے اور اُنہاں دتا اے وڈا ملک
55:- فر اُنہاں بیچوں کوئی ایمان کِن آیا تے کوئی رکیا ریا اے اور جہنم نی بَلنی اگ بہوں اے
56:- جنہاں لوکاں اللہ نیاں آیتاں نا کفر کیتا اے اُنہاں جَلتی اگی بچ سٹساں جِس ٹیم اُنہاں نی چمڑی پک جُلسی اُنہاں نی چمڑی بدل چھڑساں تاکہ دوبارہ عذاب ملے نے بے شک اللہ غالب تے حکمت آلہ اے
57:- اور جیڑے لوک ایمان کِن آئے نوں تے چنگے کم کرنے نوں اَسیں جَلتی ای اُنہاں باغاں بِچ پیجساں نے جنہاں تلے کٹھے بگنے نوں او اِس بچ ہمیشہ رہسن اور پاک بُڈیاں(بیویاں) نوں اُنہاں وسطے ایتھے ، اور اَسیں اُنہاں کہنڑیں چھاواں بچ پیجساں
58:- بے شک اللہ تُساں حکم دینا اے کہ امانتاں امانتاں آلیاں دیو تے جدوں لوکاں بچ فیصلہ کرنڑ لگو تے انصاف نال کرو بے شک اللہ تُساں چنگی نصیحت کرنا اے اللہ سنڑنے آلہ دیکھڑیں آلہ اے
59:- اے ایمان آلیو اطاعت کرو اللہ تے رسول صہ نی اور جیڑے صاحب حکومت نوں فر اگر تُسیں کُہل (جھگڑا) پاؤ تے اللہ اور رسول صہ دار رجوع کرو اگر تُسیں ایمان رکھنے او اللہ اور قیامتی تے اے ای چنگا کم نے اور اِس نا چنگا بدلہ اے
سورت النساء نا رکوع نمبر 8 مکمل
سورت النساء نا رکوع نمبر 9
پارہ نمبر 5 نا رکوع نمبر 6
60:- کیا تُساں اُنہاں لوکاں نی دیکھیا جیڑے دعویٰ کرنے کہ اسیں ایمان کِن آئے آں اِس اُتے جو تُساں تے لتھا اے یا تُساں توں پہلے ، او چاہنے نوں کہ آپڑاں مقدمہ شیطان کول کِن کے جُلن او حالانکہ اُنہاں حکم ہو گیا اے کہ اِساں نہ منو شیطان چاہنا اے کہ اِنہاں گمراہی بچ کِن جُلے نے
61:- اور جدنڑ اُنہاں آکھیا جُلنا اے کہ اِس دار آؤ جیڑا اللہ لایا اے اور رسول صہ نی طرف تے منافق تُساں دیکھ کہ کَھل رہنے نوں اور تُساں توں ہٹنے نوں
62:- فر کے او جئی شرمندگی ہوسی جدنڑ اُنہاں کوئی مصیبت آسی اِس نے بدلے جو اِے کرنے نوں اور آپ صہ کول اللہ نیاں قسماں چانے آسن او کہ اَسیں تے چنگا چاہنے آں تے موافقت
63:- اے ای لوک نوں اللہ واں پتا اے کہ اِنہاں نے دِلاں بچ کے وے تے آپ صہ تغافل کرو اِنہاں نصیحت کرو اور اِنہاں نے حق بچ اثر کرنڑیں آلی گل آکھونے
64:- اور اَساں پیجیا اے کوئی وی رسول اِس کر کے کہ اللہ نی اطاعت ہووے اے لوک جنہاں آپڑیاں جاناں اُتے ظلم کیتا اے تُساں کول آنے اور اللہ کولوں بخشش منگنے اور اِنہاں وسطے رسول صہ بخشش منگنے تے اللہ تے توبہ قبول کرڑیں آلہ مہربان
اے
65:-پس قسم اے تُساں نے رب نی کہ او مومن نی ہونے جَدوں تک تُساں آپڑیاں جھگڑیاں بچ منصف نی بنڑانے او اور تُساں نے فیصلے توں تنگی نی رکھنے اور اِساں خوشی نال نی مننے او
66:- اگر اَسیں اُنہاں تے لکھ چھڑاں آں کہ تُسیں آپے آں قتل کرو یا گھر بار چھوڑ کہ نِکل جُلو تے اُنہاں بیچوں کُج اک نے سوا کوئی اینجو نی کرنا ایا اگر اے لوک او کرن آ جِس نی نصیحت کیتی گئی اے تے اُنہاں وسطے زیادے چنگا ایا اور دین تے ثابت قدم ہون آ
67:- اِس بچ اَسیں اُنہاں آپڑیں کولوں بڈا اجر دیوا آں نے
68:- اور اِنہاں سدھے راہے نی ہدیت دیواں نے
69:- اور جیڑا اطاعت کرسی اللہ تے رسول صہ نی اُنہاں اُتے ای انعام ہوسی انبیاء ، صدیق، شہداء ، اور صالحین ای چنگے نوں
70:- اے اللہ نی طرفوں فضل اے اور اللہ جہان اے سیانڑنے آلہ
سورت النساء نا رکوع نمبر 9 مکمل

اپنا تبصرہ بھیجیں