سورت النساء(رکوع نمبر 10 تا 11) – ہندکو ترجمہ




سورت النساء نا رکوع نمبر 10
پارہ نمبر 5 نا رکوع نمبر 7
71:- اے ایمان آلیو آپڑیں بچاؤ نا سامان (ہتھیار) چا کِنو فر کلے کلے (اکیلے) یا ٹولیاں (دستے) بچ اکھٹے ہو رہو
72:- بے شک تُساں بیچوں کج اے جئے وی اے نوں جیڑے دیر لاسن اور اگر تُساں کوئی مصیبت آئی تے آکھسن او کہ اللہ اَساں تے انعام کیتا اے
73:- اور اگر تُساں کوئی نعمت ملے تے او آکھسن کہ اَسیں سنگی نی اے آں اے کاش اَسیں نال ہونے تے انعام کننے
74:- تے چاہی نا اے کہ اللہ نے راہے بچ کُلو (لڑو) جیڑے لوک دنیا نی زندگی قربان کرنے نوں آخرت نے بدلے بچ یا اللہ نے راہے بچ کُلنیو (لڑتے) مر جُلنے نوں یا غالب آ جُلنے نوں اَسیں جَلتی ای اُنہاں بَڈا اجر دیساں
75:- تُساں کے ہوگیا اے جیڑے اللہ نے راہے بچ نی کُلنے او کمزور مرد عورتاں تے بچیاں نے کر کے جیڑے دعا کرنے نوں اے اللہ اَساں اِس گرائیں (علاقے) بیچوں کڈ او جِس بچ ظالم رہنے نوں اور اَساں وسطے آپڑیں کولوں حمایتی تے مددگار بنڑا
76:- ایمان آلے اللہ نے راہے بچ کُلنے نوں اور کافر شیطان نے تے تُسیں شیطان نال کُلو بے شک شیطان نا دھوکا (فریب) کمزور اے
سورت النساء نا رکوع نمبر 10 مکمل
سورت النساء نا رکوع نمبر 11
پارہ نمبر 5 نا رکوع نمبر 8
77:- کیا تُساں اُنہاں لوکاں نی دیکھیا جنہاں آکھیا گیا اے کہ آپڑیں ہتھ روک کِنو اور نماز قیم کرو اور زکوٰۃ دیو ، فر جدوں اُنہاں اُتے جہاد فرض ہویا تے اُنہاں بیچوِ اک ٹولہ (فریق) ڈرنا اے لوکاں کولوں جینجو اللہ نا ڈر ہووے یا اِس توں وی زیادے اور او آکھنے نوں اے اللہ ! تُساں جہاد کیوں فرض کیتا اے اَساں تھوڑی جئی ہور مہلت نی دتی نے تُسیں آکھو کہ دنیا نا فیدا تھوڑا نے اور آخرت چنگی نے ڈرڑیں آلیاں (پرہیزگاراں) وسطے اور تُساں اُتے دھاگے نے برابر وی ظلم نی ہونا او
78:- تُسیں جتھے وی او تے موت آ جُلسی نے چاہے باٹے محلاں بچ وی اور اگر اُنہاں کوئی چنگی چیز ملے نے تے آکھنے نوں کہ اِے اللہ نی طرفوں اے اور اگر کوئی مندی چیز ملے تے آکھنے نوں کہ اِے آپ صہ نء طرفوں اے، آپ صہ آکھو اُنہاں جے سارا کج ای اللہ نی طرفوں اے اور اَساں تُساں لوکاں وسطے رسول بنڑا کے پیجیا اے اور اللہ جہان اے گواہ
79:- جِس رسول صہ نی اطاعت کیتی تے اُس اللہ نی اطاعت کیتی اور جِس نافرمانی (روگردانی) کیتی تے اَساں تُساں اُنہاں اُتے نگہبان نی بنڑایا او
80:- اور منہ تے آکھنے نوں کہ اَساں مَن کِدا اے پر جدنڑ باہر جُلنے رہنے نوں آپ صہ کولوں تے اُنہاں بیچوں اک ٹولہ (گروہ) راتی اِس نے خلاف مشورہ کرنا اے جیڑا آکھنے رہے نوں اور اللہ لکھ کننا اے جو او مشورہ کرنے نوں راتی آپ صہ اُنہاں توں منہ پھیر کِنو اور اللہ تے یقین کرو اللہ جہان اے کارساز
81:- فر کے او قرآن تے غور نی کرنے اور اگر اللہ لوکوں بغیر کِسے ہور کول ہونا تے اِس بچ بہوں سارا اختلاف ہووے آ
82:- اور جدوں اُنہاں کول امن یا خوف نی خبر آنی اے تے اُساں پھیلا چھڑنے نوں اور اگر اِساں رسول تک پہنچانے یا حاکماں تک او جیڑے لوک اِنہاں بیچوں تحقیق کر اکنے نوں ، اور اگر اللہ نا فضل نہ ہونا تُساں اُتے تے تُسیں شیطان نے پچھے لگ جُلو آ
83:- بس آپ صہ اللہ نے راہے بچ کُلو (لڑو) آپ صہ مکلف نی نوں صرف آپڑیں جانی نے اور مومناں راضی کرو نیڑے اے کہ اللہ کافراں نی جنگ نا زور روک چھڑے اور اللہ نی جنگ بہوں ڈاڈی اے اور اُس نی سزا ساریاں تو باٹی (سخت) اے
84:- جیڑا کوئی نیک گلاں نی سفارش کرسی اُس وسطے اِس بیچوں حصہ اے اور جیڑا مندی گلاں نی سفارش کرسی اُساں اُس نا بوجھ لبسی اور اللہ ہر چیزاں تے قادر اے
85:- اور جدوں تُساں کوئی سلام یا دعا دیوے تے اِس توں چنگی دعا دیو تُسیں یا او ای آکھ چھڑو بے شک اللہ ہر چیزاں نا حساب رکھنا اے
86:- اللہ توں بغیر کوئی عبادت نے لیق نی اور او تُساں قیامتی آلے دیاڑے ضرور اکھٹا کرسی اور گلاں بِچ اللہ کولوں کرنڑ سچا اے
سورت النساء نا رکوع نمبر 11مکمل

اپنا تبصرہ بھیجیں