سورت النساء (رکوع نمبر15 تا17) – ہندکو ترجمہ




سورت النساء نا رکوع نمبر 15
پارہ نمبر 5 نا رکوع نمبر 12
100:- اور جدوں تُسیں ملک بچ سفر کرو تے غناہ نی کہ نماز قصر (کہٹ) کر کنو اگر تُساں ڈر ہووے کہ تُساں کافر ستاسن بے شک کہ کافر تُساں نے کھلے دشمنڑ نوں
101:- اور جدوں آپ صہ اُنہاں بچ موجود نوں فر اے نماز پڑھنے آں لگن او تے اک جماعت تُساں نال کھل رہوے اور آپڑیں ہتھیار چا کنے اور سجدہ کرو تُسیں او پچھے ہو جُلن او اور فر اِسے رح دوئی جماعت نماز پڑھے کافر چاہنے نوں کہ تُسیں ہتھیار پہل (بھول) جُلو تے او تُساں اُتے اک واری حملہ کرن او اور تُساں تے غناہ نی کہ اگر تُساں بارش نی وجہ توں تکلیف ہونی اے یا بیمار او تے تُسیں ہتھیار رکھ چھڑو لا کے اور آپڑاں بچاؤ چا کِنو بے شک اللہ کافراں وسطے ذلالت آلہ عذاب تیار کیتا اے
102:- فر جس ویلے تُسیں نماز پڑھ کنو تے کھلتیوں (کھڑے) بیٹھنیوں (بیٹھے) لیٹیوں(لیٹے) اللہ یاد کرو فر جدوں مطمئن ہو جُلو تے آپڑیں ٹیم تے نماز پڑھو بے شک نماز مقررہ ٹیم بچ مسلماناں اُتے فرض اے
103:- اور کافراں نا پچھا (تعاقب) کرنڑیں بچ ہمت نے ہارو اگر تُساں دکھ ملنا اے تے اُنہاں وی دکھ مِلنا اے اور تُسیں اللہ توں امید رکھنے او اور او نی رکھنے اور اللہ جانڑنے آلہ حکمت آلہ اے
سورت النساء نا رکوع نمبر 15مکمل
سورت النساء نا رکوع نمبر 16
پارہ نمبر 5 نا رکوع نمبر 13
104:- بے شک اَساں تُساں دار کتاب لائی اے سچی تاکہ تُسیں اکی دوئے بچ فیصلہ کرو اور اللہ جو سیکھا سٹے نے تے تُسیں دغابازاں بیچوں نہ ہو جُلو
105:- اللہ کولوں بخشش منگو بے شک اللہ بخشڑیں آلہ مہربان اے
106:- تُسیں اُنہاں لوکاں نی طرفوں نہ کُلو جیڑے خیانت کرنے نوں بے شک اللہ خائن آں سنگی نی رکھنا
107:- او لوکاں کولوں شرمانے نوں اور اللہ کولوں نی شرمانے حالانکہ او اُنہاں نال اے جدوں راتی اے مشورہ کرنے نوں اور جیڑی گل اللہ آں نی پسند اے او ای کرنے نوں اور اللہ اِساں گھیرا (احاطہ) کیتا ہویا اے
108:- ہاں سنڑو تُسیں او لوک او جنہاں دنیا نی زندگی وسطے کول (جھگڑا) کیتا اے تے کونڑ اللہ نا کُلسی (جھگڑا) قیامتی آلے دیاڑے اُنہاں نی طرفوں یا کونڑ اُنہاں نا وکیل ہوسی
109:- اور جیڑا کوئی مندا کم کرے یا آپڑیں جانی تے ظلم کرے اور اللہ کولوں بخشش منگے تے او اللہ بخشڑیں آلہ مہربان دیکھسی
110:- تے جیڑا کوئی غناہ کرے تے بس (فقط) او آپڑیں حصے بچ کمانا اے اور اللہ سیانڑنے آلہ تے حکمت آلہ اے
111:- اور جیڑا کوئی غلطی یا غناہ کماوے فر اُس نی تہمت لاوے کسے نے غناہ اُتے تے اُس بڈا تے کھلا غناہ کیتا اے
سورت النساء نا رکوع نمبر 16 مکمل
سورت النساء نا رکوع نمبر 17
پارہ نمبر 5 نا رکوع نمبر 14
112:- اور اگر اللہ نا فضل تے اُس نی رحمت تُساں اُتے نہ ہونی تے اک ٹولے (گروہ) فیصلہ کر کِدا ایا کہ تُساں پھیر چھڑے او پر او صرف آپے آں پھیر اکنے نوں تُساں نا کج وی نی بگاڑ کننے اور اللہ تُساں اُتے کتاب تے حکمت لائی اے اور تُساں سیکھایا سو جیڑا کج تُساں نی پتا ایا اور اے اللہ نا بڈا فضل اے تُساں اُتے
113:- اُنہاں نے اکثر مشوریاں بچ کوئی چنگیائیں (بھلائی) نی پر اے جے جیڑا حکم دیوے خیراتی نا یا چنگی گلاں نا یا لوکاں نے درمیان اصلاح نا اور جیڑا اے کم کرے اللہ نی رضا وسطے تے جَلتی اُساں بڈا ثواب ملسی
114:- اور جیڑا کوئی اِس توں بعد رسول صہ نی مخالفت کرسی جدوں کہ اُساں ہدیت نا پتا اے اور ساریاں مومناں نے راہے نے مخالف چَلسی تے اَسیں اُس نے حوالے کر چھڑساں جو کج او کرنا اے اور اُساں جہنم بچ سٹ چھڑساں اور اے بہوں مندی جا (جگہ ) اے
سورت النساء نا رکوع نمبر 17

اپنا تبصرہ بھیجیں