سورت النساء (رکوع نمبر 21 تا 24) – ہندکو ترجمہ




سورت النساء نا رکوع نمبر 21
پارہ نمبر 6 نا رکوع نمبر 1
147:- اللہ کسے نی مندی گل ظاہر کرنا پسند نی کرنا مگر جِس اُتے ظلم ہویا ہووے اللہ سنڑنے والا جانڑنے والا ہے
148:- اگر تُسیں کوئی بھلائی کھلم کھلا کرو یا اُساں چھپاؤ یا کوئی برائی معاف کر چھڑو تے بے شک اللہ معاف کرنڑیں آلہ قدرت آلہ اے
149:- بے شک جیڑے لوک انکار کرنے نوں اللہ اُتے تے رسول صہ نا فر آکھنے نوں اللہ تے رسول صہ اُنہاں نے درمیان فرق کرن کہ اَسیں کج مننے آں تے کج نا مننے او اور چاہنے نوں کہ اُس نے
درمیان راہ کڈن او
150:- اے ای لوک اصل کافر نوں اور اَساں کافراں وسطے ڈاڈا عذاب تیار کیتا اے
151:- اور جیڑے لوک اللہ اور رسول صہ تے ایمان کِن آئے نوں اور اُنہاں نے درمیان کسے بچ فرق نی کرنے اے ای لوک نوں جنہاں جَلتی اللہ اجر دیسی اور اللہ بخشڑیں آلہ مہربان اے
سورت النساء نا رکوع نمبر 21مکمل
سورت النساء نا رکوع نمبر 22
پارہ نمبر 6 نا رکوع نمبر 2
152:- اہل کتاب تُساں تے سوال کرنے نوں کہ آپ صہ اُنہاں اُتے آسمان توں کتاب لاؤ نوں تے او موسیٰ عیہ تے اِس توں بڈے سوال کر رہے نوں اُنہاں آکھیا اَساں اللہ نا اعلانیہ کھلم کھلا دَس چھڑو سو اُنہاً بجلی نے کڑکڑیں آں پکڑیا اُنہاں نے ظلم نے بدلے فر اُنہاں بچھے (بچھڑے) آں معبود بنڑا کدا اِس توں بعد اُنہاں کول نشانیاں آگیاں سو اللہ اُساں درگزر کر چھڑیا اور موسیٰ عیہ آں صریح غلبہ دِتا
153:- اور اَساں اُنہاں اُتے اُچا کیتا طور پہاڑ اُنہاں کولوں عہد کنڑیں نی غرض نال اور اَساں آکھیا کہ دروازے بیچوں سجدہ کرنے جُلو اور اَساں آکھیا کہ ہفتے والے دیاڑے زیادتی نہ کرو اور اَساں باٹا عہد کدا اور اُنہاں فر سزا ملی
154:- بس اُنہاں نے وعدے تروڑنے ،اللہ نیاں آیتاں نا انکار کرنڑیں اور اور نبیاں نا نا حق قتل کرنڑیں اور اُنہاں نا اے آکھڑیں کہ اَساں نے دل پردے بچ محفوظ نوں بلکہ اللہ اُنہاں نے کفر نی وجہ توں مہر لا چھڑی سو او ایمان نی آنڑنے
155:- اُنہاں سزا ملی اُنہاں نے کفر تے مریم عیہ تے الزام لانڑیں نی وجہ توں
156:- اور اُنہاں نے اے آکھڑیں نے بدلے کہ اَساں اللہ نے رسول مریم عیہ نے پتر آں قتل کر چھڑیا اے حالانکہ اُنہاں قتل نی کیتا اور نہ اُنہاں پھانسی دِتی نے بلکہ اُنہاں وسطے او جی شکل بنڑا چھڑی اے بےشک جیڑے لوک اِ س بچ اختلاف کرنے نوں او شکے بچ نوں اٹکلی نی پیروی توں علاوہ اُنہاں کوئی علم نی اور اُنہاں یقینناً اُنہاں قتل نی کیتا
157:- بلکہ اللہ اُساں آپڑیں دار چاکِدا اور اللہ غالب حکمت آلہ اے
158:- اور کوئی اہل کتاب بیچوں نی رہنا مگر اُس اُتے آپڑیں موتو توں پہلیوں ایمان آنڑسی اور قیامتی نے دیاڑے تُسیں اُنہاں اُتے گواہ ہوسو
159:- سو اَساں اُنہاں اُتے پاک چیزاں جیڑیاں حلال نوں حرام کیتاں نوں یہودیاں نے ظلم نی وجہ توں اور اُنہاں نے اللہ نے راہے بیچوں روکڑیں نی وجہ توں
160:- اور اُنہاں وسطے سود کنڑیں نی وجہ توں حالانکہ اُنہاں اِس توں منع کر چھڑیا اِس وجہ توں کہ او کھانے لوکاں نے ناحق مال اور اَساں اُنہاں بیچوں کافراں وسطے ڈاڈا عذاب رکھیا اے
161:- لیکن اُنہاں بیچوں جیڑے علم بچ پکے نوں اور جیڑے مومن نوں اور اِساں مننے نوں جیڑا اُنہاں اُتے لتھا اے جیڑا تُساں نی طرفوں لایا گیا اے نماز قیم کرنڑیں آلے زکوٰۃ دینڑیں آلیاں اور اللہ تے قیامتی آں منڑیں آلے اے جیا لوکاں اَسیں ضرور بڈا اجر دیساں
سورت النساء نا رکوع نمبر 22 مکمل
سورت النساء نا رکوع نمبر 23
پارہ نمبر 6 نا رکوع نمبر 3
162:- بے شک اَساں آپ صہ دار وحی پیجی اے جِس طرح نوح عیہ اور اُنہاں توں بعد نے نبی ابراہیم عیہ ، اسماعیل عیہ ، اسحاق عیہ یعقوب عیہ اور اولاد یعقوب عیہ نی طرف اور عیسی عیہ ، ایوب عیہ ، یونس عیہ ، ہارون عیہ اور سلیمان عیہ دار پیجی اور داؤد عیہ آں زبور دتی
163:- اور اے جئے رسول پیجے نوں جنہاں نے حال پہلے دس چھڑے نوں اور او وی جنہاں نے حال نی دسے اَساں آپ صہ نال وی بیان نی کیتے اور موسیٰ عیہ اللہ نال بہوں گلاں کیتیاں نوں
164:- اَساں پیجے رسول خوشخبری دینڑیں آلے اور ڈرانڑیں آلے تاکہ رسولاں توں بعد لوکاں اللہ اُتے کوئی حجت نہ رہوے اور اللہ غالب حکمت آلہ اے
165:- لیکن اللہ اِس تے گواہی دینا اے جو کج اُس آپ صہ تے لایا اے اور او آپڑیں علم نال لایا سو اور فرشتے وی گواہی دینے نوں اور گواہ تے اللہ ای جہان اے
166:- بے شک جنہاں لوکاں کفر کیتا اے اور اللہ نی راہے توں ڈکیا اے بس او گمراہی بچ بہوں دو چلے گئے نوں
167:- بے شک جنہاں لوکاں کفر کیتا اے اور ظلم کیتا اے اللہ اُنہاں نی بخشنا اور نہ ہدیت دینا اے سدھے راہے نی
168:- پر جہنم نی راہ اور اِس بچ ہمیشہ رہسن او اور اے اللہ وسطے بہوں آسان اے
169:- اے لوکو تُساں کول اللہ نی طرفوں سچ نال رسول آیا اے تے ایمان کِن آؤ تُساں وسطے چنگا اے اور اگر نہ منسو تے جو کج زمی تے آسمان بچ اے اللہ وسطے اے اور اللہ جانڑنے آلہ تے حکمت آلہ اے
170:- اے اہل کتاب آپڑیں دین بچ غلو نہ کرو اور نہ آکھو اللہ نے بارے بچ کوڑ اور اِس توں سوا نی کہ عیسیٰ عیہ اللہ نے رسول نوں اور اُنہاں نا کلمہ جیڑا مریم عیہ نی طرفوں ملیا او روح اے سو تے تُسیں اللہ اور اُس نیاں رسولاں تے ایمان آنڑو اور نہ آکھو خدا ترے 3 نوں اِس توں باز رہو تُساں وسطے چنگا اے بے شک اللہ اِک 1 اے معبود اے پاک اے اولادی توں جو کج آسمان تے زمی بچ اے اِسے نا اے اور اللہ کارساز اے جہان اے
سورت النساء نا رکوع نمبر 23 مکمل
سورت النساء نا رکوع نمبر 24
پارہ نمبر 6 نا رکوع نمبر 4
171:- میسح آں ہرگز عار نی جے او اللہ نا بندہ ہووے اور نہ مقرب فرشتیاں اور جیڑا کوئی اللہ نی بندگی توں تکبر کرے تے جَلتی اُنہاں آپڑیں کول جمع کرسی ساریاں
172:- فر جیڑے لوک ایمان کِن آئے اور نیک کم کیتے نے او اُنہاں نا پورا بدلہ دیسی اور اُنہاں زیادے دیسی آپڑیں فضل نال اور جنہاں لوکاں بندگی آں عیب سمجھیا اور تکبر کیتا تے اُنہاں ڈاڈا عذاب دیسی اور او آپڑیں وسطے کوئی سنگی یا مددگار نی رکھنے اللہ توں بغیر
173:- اے لوکو تُساں کول اللہ نی طرفوں روشن دلیل آئی اے اور اَساں تُساں اُتے لائی اے واضح لُو (روشنی)
174:- بس جیڑے لوک اللہ اُتے ایمان کِن آئے نوں اور اللہ نی رسی آں پکڑیا نے او جَلتی داخل کرسی آپڑیں رحمت تے فضل نال اور اُنہاں آپڑیں طرفوں سدھی راہ نی ہدیت دیسی
175:- آپ صہ کولوں حکم پچھنے نوں آپ صہ آکھو کہ اللہ تُساں کلالہ نے بارے بچ حکم دسیا اے اگر کوئی اے جیا مرد مر جُلے جِس نی اولاد نہ ہووے اور اِس نی اِک 1 ای بھینڑ (بہن) ہووے تے اُساں آدھا ملسی اور او وارث ہوسی اگر پینڑ (بہن ) نی اولاد نہ ہووے فر اگر میت نیا ں دو پہینڑاں ( بہنیں ) ہون او تے دو تہائی اِس پراؤ (بھائی) نے چھوڑے ہوئے (ترکے) بیچوں اور اگر پہینڑ (بہن) پرا (بھائی) کج مرد اور کج عورتاں نوں تے اک مرد وسطے دو عورتاں نے برابر حصہ اے اللہ تُساں وسطے کھول کے دسیا اے تاکہ تُسیں پھر نہ جُلو اور او ہر چیز نا سیانڑنے آلہ اے
سورت النساء نا رکوع نمبر 24 مکمل
سورت النساء مکمل

اپنا تبصرہ بھیجیں