سورت المائدہ (رکوع نمبر 1 تا 4) – ہندکو ترجمہ




سورت المائدہ نا رکوع نمبر 1
پارہ نمبر 6 نا رکوع نمبر 5
1:- اے ایمان آلیو آپڑیں عہد پورے کرو تُساں وسطے چوپائے ڈنگر حلال کیتے نوں سوائے اُنہاں نے جیڑے تُساں سنڑائے جُلسن او مگر شکار آں حلال نہ سمجھے جدوں تُسیں احرام نی حالت بچ ہو بے شک اللہ جو چاہنا اے حکم کرنا اے
2:- اے ایمان آلیو شعائر اللہ تُسیں حلال نہ سمجھو اور نہ ادب آلے مہینے اور نہ نیاز کعبہ نے ڈنگر نہ قربانی نے پٹے آلے اور نہ کعبہ دار آنڑیں آلے جیڑے اللہ نا فضل تے خوشنودی چاہنے نوں اور جدوں احرام کھول چھڑو تے جیڑے اللہ نا فضل تے خوشنودی چاہنے نوں اور جدوں احرام کھول چھڑو تے چاہو شکار کر کنو اور اِس قوم نی دشمنڑیں تُساں روکنی اے مسجد احرام توں اِس نا باعث نہ بنڑو کہ تُسیں زیادتی کرو اور اک دوئے نی مدد کرو نیکی تے پرہیزگاری بچ اور غناہ بچ مدد نہ کرو اور اللہ کولوں ڈرو بے شک اللہ نا ڈاڈا عذاب اے
3:- حرام کر چھڑیا اے تُساں اُتے مردار ، خون تے سور نا گوشت اور جِس اُتے اللہ توں بغیر کِسے ناناں کِدا گیا ہووے یا گلا کوپڑیں (گھونٹ) نال مریا ہووے یا زخم کھا کہ یا ٹہہ (گرنا) کہ یا سینگ مار کہ اور جِساں درندے کھادا ہووے مگر جیڑا تُساں ذبح کر کِدا اے اور حرام اے جیڑا پوجڑیں (پرستش) آلیاں جگہ تے ذبح ہووے اور اے کہ تُسیں پانسے پاکہ تقسیم کرواے غناہ اے اج کافر تُساں نے دین توں مایوس ہو گئے نوں سو تُسیں اُنہاں کولوں نہ ڈرو اور مینڑیں کولوں ڈرو اج میں تُساں وسطے تُساں نا دین مکمل کر چھڑیا اے اور تُساں اُتے نعمت پوری کر چھڑی اے اور میں تُساں وسطے اسلام آں دین پسند کیتا اے فر جیڑا پکھاں (بھوک) نال مرنا ہووے اور غناہ دار نہ جُلے اُس وسطے گنجائش اے بے شک اللہ بخشڑیں آلہ مہربان اے
4:- آپ صہ کولوں پچھنے نوں کہ اُنہاں وسطے کہ حلال اے آکھو کہ پاک چیزاں حلال نوں اور جیڑے تُسیں ڈنگر شکار پکڑنے وسطے تیار کرنے او او شکار پکڑن تے اُساں ذبح کرو اور اللہ کولوں ڈرو بے شک اللہ جَلتی حساب کنڑیں آلہ اے
5:- اج تُساں وسطے پاک چیزاں حلال کیتیاں گئیاں نوں اہل کتاب نا کھانڑاں تُساں وسطے حلال اے اور تُساں نا کھانڑاں اُنہاں وسطے حلال اے اور پاک دامن مومن عورتاں اور پاکدامن عورتاں اُنہاں بیچوں جِنہاں تُساں توں پہلے کتاب دتی گئی اے ای جدوں تُسیں اُنہاں نے مہر چادیو نکاح توں بعد اور نہ مستی کرنڑیں اور نہ ای چوری چھپے آشنائی کرنڑیں وسطے اور جیڑا ایمان نا منکر ہونا اے اِس نے عمل ضائع ہو جُلنے نوں اور او آخرت بچ نقصان چانڑیں آلے ہوسن او
سورت المائدہ نا رکوع نمبر 1 مکمل
سورت المائدہ نا رکوع نمبر 2
پارہ نمبر 6 نا رکوع نمبر 6
6:- اے ایمان آلیو جدوں تُسیں نماز وسطے اُٹھو تے آپڑاں منہ اور ہتھ کھنڑیاں (کہنیوں) تک دھو کنو اور سر نا مسح کرو اور پیر گٹیاں (ٹخنے) تک دھو اور اگر تُسیں ناپاک او غسل نی حاجت نے تے غسل کرو اگر سفر بچ او یا بیمار او یا تُسیں بیت الخلاء تو آؤ یا عورت نال صحبت کرکے تے پانڑیں نہ ملے تے تُسیں پاک مٹی نال تیمم کرو اور اِس توں آپڑیں منہ تے ہتھاں (ہاتھ) نا مسح کرو اللہ نی چاہنا کہ تُساں اُتے کوئی تنگی کرے لیکن اللہ چاہنا اے تُساں پاک کرے اور اے کہ آپڑیں نعمت پوری کرے تُساں اُتے تاکہ تُسیں احسان منو
7:- آپڑیں اُتے اللہ نی نعمت یاد کرو اِس نا عہد جیڑا تُساں اُس نال کیتا اے جدوں تُساں آکھیا اَساں سنڑیا اے اور منیا اے اللہ کولوں ڈرو او دِلاں نیاں جانڑنا اے
8:- اے ایمان آلیو اللہ وسطے کھل (رُک ) رہو انصاف نی گواہی وسطے اور کِسے قوم نی دشمنڑیں تُساں نہ اُبھارے کہ تُسیں انصاف نہ کرو تُسیں انصاف کرو اے تقویٰ نے بہوں نیڑے اے اور اللہ توں ڈرو بے شک جو تُسیں کرنے او اللہ سارا پتا اے
9:- جیڑے لوک ایمان کِن آئے نوں اور چنگے کم کیتے نے اللہ اُنہاں نال بخشڑیں نا وعدہ کیتا اے اور اُنہاں وسطے بڈا اجر اے
10:- اور جنہاں لوکاں کفر کیتا اے اور اَساں نیاں آیتاں جھٹلایا اے اے ای لوک جہنم آلے نوں
11:- اے ایمان آلیو آپڑیں اُتے اللہ نی نعمت احسان یاد کرو جدوں اِک ٹولے (گروہ) ارادہ کیتا کہ تُساں نال سنگت بداؤن او تے اُس تُساں توں اُنہاں نے ہتھ روک کِدے اللہ توں ڈرو اور چائی نا اے کہ ایمان آلے اللہ اُتے ای بھروسہ کرو
سورت المائدہ نا رکوع نمبر 2 مکمل
سورت المائدہ نا رکوع نمبر 3
پارہ نمبر 6 نا رکوع نمبر 7
12:- اللہ بنی اسرائیل توں عہد کیتا اور اَساں 12 سردار بنڑائے اور اللہ آکھیا کہ میں تُساں نال آں اگر تُسیں زکوٰۃ دیو تے نماز قیم کرو اور مینڑیاں رسولاں تے ایمان کِن آؤ اور اُنہاں نی مدد کرو اور اللہ واں قرض حسنہ دیو میں تُساں نے غناہ ضرور دور کرساں اور تُساں اُنہاں باغاں بچ پیجساں جنہاں تلے کٹھے (نہریں) بگنے نوں فر اِس توں بعد جس کفر کیتا بے شک کہ او سدھے راہ توں ہٹ گئے نوں
13:- سو اُنہاں نے عہد تروڑنے تے اَساں اُنہاں اُتے لعنت کیتی اور دِل باٹے کر چھڑے اور او کلام بدل چھڑنے نوں اور او پہل (بھول) گئے نوں اِس نا بڈا حصہ جِس نی اُنہاں نصیحت کیتی اے آپ صہ ہمیشہ اُنہاں نی خبر پڑھنے رہنے نوں سو اُنہاں معاف کر چھڑو اور درگزر کرو بے شک اللہ احسان کرڑیں آلیاں سنگی رکھنا اے
14:- اور اِنہاں لوکاں توں جنہاں آکھیا اسیں نصاریٰ واں اور اَساں اُنہاں توں عہد کِدا فر او اِس نا بڈا حصہ پہل (بھول) گئے جِس نی اُنہاں نصیحت کیتی گئی اے تے اَساں اُنہاں نے درمیان قیامتی تک دشمنڑیں تے بغض پاچھڑی اے اور اللہ جَلتی اُنہاں دسسی جو او کرنے نوں
15:- اہل کتاب یقینناً تُساں کول محمد صہ آ گئے نوں او تُساں اُتے بہوں ساریاں گلاں ظاہر کرنے نوں جو تُسیں کتاب بیچوں چھپانے او اور او بہوں سارے کم درگزر کرنے نوں پس تُساں کول اللہ نی طرفوں نور آگیا اے اور روشن کتاب
16:- اللہ سلامتی نی ہدیت اُساں دینا اے جو اُساں دینا اے جو اُس نا تابع ہووے اور اُنہاں نیرے توں نور دار کڈنا اے آپڑیں حکم نال اور اُنہاں سدھے راہ نی ہدیت دینا اے
17:- پس کافر ہو گئے او لوک جنہاں آکھیا اللہ او ای عیسٰی عیہ نوں آکھو نے کہ کِس نا بس چلنا اے اے اللہ اگے اگر او چاہوے تے عیسیٰ عیہ اور اُس والدہ ہلاک کر دیوے اور جو زمی بچ اے ساریاں اور اللہ وسطے اے آسماناں نی سلطنت اور زمی نی وی اور جو کج اُنہاں نے درمیان اے او اللہ ای پیدا کرنا اے اور اللہ ہر شئے تے قدرت رکھنا اے
18:- اور یہود تے نصاریٰ آکھیا کہ اَسیں اللہ نے پتر تے پیارے آں آکھو کہ فر او تُساں تُساں نیاں غناواں نی سزا کیوں دینا اے بلکہ تُسیں وی اک بشر او اُس نی مخلوق بیچوں او جِساں چاہوے بخش چھڑے اور جساں چاہوے عذاب دیوے اور اللہ وسطے اے سلطنت زمی اور آسمان نی اور جو کج اُنہاں نے درمیان اے اِس دار ای مڑ کے جُلنا اے
19:- اے اہل کتاب تُساں کول محمد صہ آگئے نوں اور نبیاں نا سلسلہ ختم ہونڑیں توں بعد تُساں اُتے کھول کہ بیان کرنے نوں تاکہ تُسیں اے نہ آکھو کہ اَساں کول کوئی خوشخبری دینڑیں آلہ نی آیا اور نہ ڈراڑیں آلہ پس تُساں کول محمد صہ خوشخبری دینڑیں اور ڈراڑیں آلے آگئے نوں اور اللہ ہر شئے تے قدرت رکھڑیں آلہ اے
سورت المائدہ نا رکوع نمبر 3 مکمل
سورت المائدہ نا رکوع نمبر 4
پارہ نمبر 6 نا رکوع نمبر 8
20:- اور جدوں موسیٰ عیہ آکھیا آپڑیں قوم آں کہ اے قوم آپڑیں اُتے اللہ نیاں نعمتاں یاد کرو جدوں اُس تساں بچ نبی پیدا کیتے اور تُساں بادشاہ بنڑایا اور تُساں دِتا سو جیڑا کِسے آں نی مِلیا
21:- اے قوم اللہ نی زمی بچ جُلو جیڑی اُس تُساں وسطے لکھ چھڑی اے اور کنڈ (پیٹھ) پھیر کہ نہ آؤ ورنہ نقصان چاسو
22:- اُنہاں آکھیا کہ اے موسیٰ عیہ اِس بچ اِک زبردست قوم اے اور اسیں تے کدے نہ جُلنے ایتھے تک کہ او ایتھوں نکل نہ جُلن او اگر او نِکل جُلن تے اسیں ضرور جُلساں او اِس بچ
23:- ڈرنڑیں آلیاں بیچوں دوآں 2 آدمیاں آکھیا کہ اللہ اُنہاں تے انعام کیتا اُنہاں آکھیا کہ تُسیں دروازے بیچوں حملہ کر کے بڑو (داخل) جدوں اندر جُلسو تے تُسیں ای غالب رہسو اللہ اُتے بھروسہ رکھو اگر ایمان آلے او تے
24:- اُنہاں آکھیا کہ اے موسیٰ عیہ اُس کدے نہ جُلنے جدوں تک او اے نوں (موجود ہیں) ، جُل (جاؤ) توں تے تینڑاں اللہ کُلو (لڑو) اسیں تے اے بیٹھے آں نے
25:- موسیٰ عیہ آکھیا کہ اے اللہ میں آپڑیں تے پراؤ نی جانی توں بغیر اختیار نہ رکھنا او بس مینڑیں تے قوم نے درمیان فیصلہ کر چھڑو
26:- اللہ آکھیا اے اے زمی اُنہاں اُتے چالی سال (40 سال) حرام کر چھڑی اے اور زمی بچ ادھر ادھر پھرسن (بھٹکیں) او توں نافرمان قوم تے افسوس نہ کر
سورت المائدہ نا رکوع نمبر 4 مکمل

اپنا تبصرہ بھیجیں