سورت الانفال (رکوع نمبر 1 تا 5) – ہندکو ترجمہ




سورت الانفال نا رکوع نمبر 1
پارہ نمبر 9 نا رکوع نمبر 15
1:- آپ صہ کولوں غنیمت نے بارے بچ پچھنے نوں آکھو کہ غنیمت اللہ تے رسول صہ وسطے اے بس اللہ کولوں ڈرو اور آپے بچ تعلقات سہی کرو اور اللہ تے رسول صہ نی اطاعت کرو اگر تُسیں مومن او تے
2:- دراصل مومن او لوک نوں کہ اللہ نا زکر ہووے تے اُنہاں نے دل ڈر جُلن او اور اُنہاں نے سامنڑیں آیتاں پڑھیاں جُلن او تے او اُنہاں نا ایمان زیادے کرن اور او اللہ تے بھروسہ کرنے نوں
3:- او لوک جیڑے نماز قیم کرنے نوں او جو اَساں اُنہاں دتا اے اِس بیچوں خرچ کرنے نوں
4:- اے ای لوک مومن نوں تے اُنہاں وسطے اللہ کول درجے نوں اور بخشش تے عزت آلہ رزق
5:- جینجو کہ آپ صہ آں اللہ آپ صہ نے گھر بیچوں سچی تدبیر نال کڈیا اور بے شک اہل ایمان نی اک جماعت ناخوش اے ای
6:- او آپ صہ نال حق بچ کلنے او جدوں کہ ظاہر ہوگیا گویا کہ او تہکے (ہانکے) جُلنے اے او موت دار اور او اِساں دیکھنے پئے
7:- اور یاد کرو کہ اللہ تُساں وعدہ دینا ایا کہ (ابوجہل، ابوسفیان) دو ٹولیاں (گروہواں) بیچوں اک تُساں وسطے اور تُساں چاہنے او کہ جِس بچ کنڈا نہ لگے تُساں وسطے ہووے اور اللہ چاہنا کہ سچ ثابت کر چھڑے آپڑیں کلمات نال اور کافراں نی جڑ کپ چھڑے
8:- تاکہ سچ آں سچ تے کوڑ آں کوڑ ثابت کر چھڑے خواہ مجرم ناپسند کرن او
9:- جدوں تُساں اللہ اگے فریاد کیتی تے اللہ قبول کر کِدی کہ میں تُساں نی مدد کرساں اک ہزار لگاتار فرشتیاں نال
10:- اور اللہ اُساں بنڑایا مگر خوشخبری تاکہ تُساں نے دِل اِس توں مطمئن ہون او اور مدد نی او مگر اللہ کول اور اللہ غالب اے حکمت آلہ اے
سورت الانفال نا رکوع نمبر 1 مکمل
سورت الانفال نا رکوع نمبر 2
پارہ نمبر 9 نا رکوع نمبر 16
11:- جدوں اُس تُساں تے نیندر (اونگھ) پیجی اے اللہ نی طرفوں تسلی اے ای اور اُس تُساں اُتے آسمان توں پاڑیں لایا تاکہ تُساں پاک کر چھڑے اور تاکہ تُساں نے دل باٹے کر چھڑے اور اُس نال تُساں نے پیر جما چھڑے
12:- جدوں تُساں نے اللہ فرشتیاں وحی پیجی کہ میں تُساں نال آں تُسیں باٹے رکھو مومناں نے دِل میں جَلتی ای کافراں نے دِلے بچ رعب پا چھڑساں اور تُسیں اُنہاں نیاں گاٹیاں اُتے مارو اور اِکی اِکی جوڑ اُتے مارو
13:- اے اِس کرکے ہویا جے او اللہ تے رسول صہ نے مخالف ہوئے اور جیڑا اللہ تے رسول صہ نے مخالف ہوسی تے اویاد رکھے جے اللہ نی مار بہوں ڈاڈی اے
14:- تے تُسیں اے چکھو تے یقینناً کافراں وسطے دوزخ نا عذاب اے
15:- اے ایمان آلیو جدوں تُساں نی اُنہاں نال جنگ ہووے جنہاں کفر کیتا اے تے میدان جنگ بچ اُنہاں کنڈ نہ دسیو
16:- اور جیڑا کوئی اِس دیاڑے کنڈ دسسی او سوائے اِس توں کہ جنگ وسطے گھات لاوے جا آپڑیں جماعت نال ملڑیں وسطے بس او مڑسی اللہ نے غضب نال اور اِس نا ٹھکانڑاں جہنم اے اور اے مندا ٹھکانڑاں اے
17:- تے تُساں اُنہاں قتل نی کیتا بلکہ اللہ اُنہاں قتل کیتا اے اور آپ صہ مٹھی پہر (بھر) مٹی نی سٹی جدوں تُساں مٹی سٹی بلکہ او اللہ سٹی اے تاکہ مومناں آپڑیں آزمائش توں چنگی طرح آزماوے بے شک کہ اللہ تے سنڑنے آلہ اے اور جانڑنے آلہ اے
18:- اے تے ہویا اور اے کہ اللہ کافراں نا داؤ ٹہلا کرنڑیں آلہ اے
19:- اگر تُسیں فیصلہ چاہنے او تے اللہ نی فتح نی شکلاں بچ تُساں کول فیصلہ آگیا اے اور اگر تُسیں باز آ جُلو تے تُساں وسطے چنگا اے اور اگرفر اینجو ای کرسو تے اَسیں وی فر اینجو ای کرساں اور تُساں نا جتھا تُساں نے کم نی آنا چاہے اے بڈا ہووے اور بے شک اللہ مومناں نال اے
سورت الانفال نا رکوع نمبر 2 مکمل
سورت الانفال نا رکوع نمبر 3
پارہ نمبر 9 نا رکوع نمبر 17
20:- اے ایمان آلیو اللہ تے رسول نا حکم منو اور اِس توں نہ پھر کیونکہ تُسیں سنڑنے او
21:- اور اُنہاں لوکاں آلی گل ہو جُلو جنہاں آکھیا کہ اَساں سنڑ کدا اے حالانکہ او نی سنڑنے
22:- بے شک ڈنگراں توں وی مندے اللہ کول او نوں جیڑے ڈورے گونگے تے سمجھنے نی نوں
23:- اور اگر اللہ اُنہاں بچ کوئی چنگیائیں دیکھنا تے اُنہاں ضرور سنڑا چھڑے آ اور اگر اللہ اُنہاں سنڑا چھڑے تے او ضرور پھر جُلسن او اور او منہ پھیرنے آلے نوں
24:- اے ایمان آلیو اللہ تے رسول نی دعوت قبول کرو جدوں او تُساں بُلاؤن اِس وسطے جیڑا تُساں زندگی بخشے اور سمجھ کنو کہ اللہ حائل ہو جُلنا نے آدمی تے اُس نے دِلے نے درمیان اور اے کہ تُسیں قیامتی آلے دیاڑے اِس دار ای جُلسو
25:- اور اِس فتنے توں ڈرو جیڑا نی پہنچنا تُساں بیچوں خاص طور تے اُنہاں لوکاں جنہاں ظلم کیتا اور سمجھ کنو کہ اللہ ڈاڈا عذاب دینا اے
26:- اور یاد کرو جدوں تُسیں زمی بچ کہٹ اے او کمزور سمجھے جُلنے او اور تُسیں ڈرنے او کہ تُساں اُچک کنسن او لوک پس اُس تُساں ٹھکانڑاں دِتا اور آپڑیں مدد نال قوت دتی اور پاک چیزاں نال تُساں رزق دتا تاکہ تُسیں شکرگزار رہو
27:- اے ایمان آلیو خیانت نہ کرو اللہ تے رسول نی اور خیانت نہ کرو آپڑیاں امانتاں بچ جبکہ تُسیں سمجھنے او
28:- اور سمجھ کنو کہ تُساں نا مال تے اولاد آزمائش اے اور اے کہ اللہ کول بڈا اجر اے
سورت الانفال نا رکوع نمبر 3 مکمل
سورت الانفال نا رکوع نمبر 4
پارہ نمبر 9 نا رکوع نمبر 18
29:- اے ایمان آلیو اگر تُسیں اللہ کولوں ڈرسو تے او تُساں وسطے سچ کور الگ کرنڑیں آلہ فرقان دس چھڑسی اور تُساں توں تُساں نیاں برائیاں دور کر کے بخش چھڑسی اور اللہ بڈے فضل آلہ اے
30:- اور یاد کرو کہ جدوں کافر تُساں نے بارے بچ چھپ کہ تدبیراں کرنے کہ قید کر کنا یا قتل کر چھڑاں یا مکہ توں کڈ چھڑاں او چھپ کہ تدبیراں کرنے تے اللہ وی چھپ کہ تدبیر کرنا ایا اور اللہ تے چنگا اے تدبیراں کرنڑیں آلہ
31:- اور جدوں اُنہاں اُتے آیتاں پڑھنڑ ہونیاں تے آکھنے اَساں سنڑ کدیا نوں اگر اسیں چاہواں تے اسیں وی اے جیاں گلاں کر کناں اے تے صرف قصے کہانڑیاں نوں پہلیاں نیاں
32:- اور جدوں او آکھڑیں آں لگ گئے کہ اے اللہ اگر تینڑیں داروں اے ای سچا اے تے آسمان توں گٹے برساؤ یا ڈاڈا عذاب کن آؤ
33:- اور اللہ اے جیا نی کہ اُنہاں عذاب دیوے جدوں تک آپ صہ اُنہاں بچ ہون او اور اللہ عذاب نی دینا جدوں تک او بخشش منگنے نوں
34:- اور اُنہاں بچ کے اے کہ اللہ اُنہاں عذاب نہ دیوے اے تے مسجد احرام توں وی ڈکنے نوں اور او نی نوں اِس نے متولی اِس نے متولی تے صرف متقی نوں پر اُنہاں بیچوں بہوں ساریاں نی پتا او
35:- اور خانہ کعبہ نے نیڑے اُنہاں نی نماز نی اے ای مگر صرف تاڑیاں تے سیٹیاں بس عذاب چکھو اِس نے بدلے جیڑا کفر کرنے او
36:- بے شک کافر مال خرچ کرنے نوں تاکہ او ڈکن اللہ نے راہے توں تے ہنڑ او خرچ کرسن فر اُنہاں تے حسرت ہوسی فر او مغلوب ہوسن او اور فر او کافر جہنم دار اکھٹے کیتے جُلسن او
37:- تاکہ اللہ گندے آں پاک توں الگ کر چھڑے اور فر گندے اک دوئے اُتے رکھ کہ ڈھیر بنڑا کہ جہنم بچ سَٹ چھڑے اے ای لوک نوں کہاٹے آلے
سورت الانفال نا رکوع نمبر 4 مکمل
سورت الانفال نا رکوع نمبر 5
38:- کافراں آکھو کہ اگر اوباز آ جُلن او تے اُنہاں معاف کر دتا جُلسی جو گزر چکیا اے اور اگر فر او ای کرسن او تے تحقیق پہلیاں نی روش گزر گئی اے
39:- اور اُنہاں نال جنگ کرو ایتھے تک کہ کوئی فتنہ نہ رہوے اور دین سارا اللہ ہی نا ہو جُلے او فر اگر او باز آ جُلن او تے بے شک اللہ دیکھنڑیں آلہ اے جو او کرنے اے
40:- اور اگر او منہ موڑ کنونوں تے سمجھ جُلو کہ اللہ تُساں نا سنگی اے اور کہ ای چنگا سنگی تے مددگار اے
پارہ نمبر 9 مکمل

اپنا تبصرہ بھیجیں