سورت آل عمران (رکوع نمبر18 تا 20) – ہندکو ترجمہ




سورت آل عمران نا رکوع نمبر 18
پارہ نمبر 4 نا رکوع نمبر 9
172:- جنہاں لوکاں اللہ تے رسول صہ نا حکم منیا اے اِس توں بعد کہ اُنہاں زخم مِلے نوں اُنہاں بیچوں جِس نیکی تے پرہیزگاری کیتی اُنہاں وسطے بہوں بڈا اجر اے
173:- جنہاں لوکاں آکھیا کہ لوکاں تُساں نے مقابلے وسطے سامان جمع کر کِد اے بس اُنہاں کولوں ڈرو تے اُنہاں آکھیا کہ اُنہاں نا ایمان زیادے ہوگیا اور آکھیا کہ اَساں وسطے اللہ اک ای جہان اے او کتنا چنگا کارساز اے
174:- فر او مڑے اللہ نی نعمت تے فضل نال اور اُنہاں کوئی برائی نی ملی اور اُنہاً پیروی کیتی رضا اللہ نی اور اللہ بڈے فضل آلہ اے
175:- اِس توں سوا کہ شیطان تُساں ڈرانا اے آپڑیاں سنگیاں کولوں سو تُسیں اُنہاں کولوں نہ ڈرو اور مینڑیں کولوں ڈرو اگر ایمان آلے او
176:- تُساں غمگین نہ کرن او لوک جیڑے کفر بچ جَلتی کرنے نوں یقینناً او اللہ نا کج نی بگاڑ اکنے اللہ چاہنا اے کہ اُنہاں قیامتی بچ کوئی حصہ نہ دیوے اور اُنہاں وسطے بڈا عذاب اے
177:- بے شک جنہاں لوکاں ایمان نے بدلے کفر کِدا اے او اللہ نا کج نی بگاڑ اکنے اور اُنہاں وسطے درد ناک عذاب اے
178:- اور جنہاں لوکاں کفر کیتا اے او ہرگز گمان نہ کرن او کہ اسیں اُنہاں جیڑی ٹہل (ڈھیل) دتی اے اُنہاں وسطے چنگی اے دراصل اسیں اُنہاں ٹہل دینے آں تاکہ غناہ بچ بَد جُلن اُنہاں وسطے ذلیل کرڑیں آلہ عذاب اے
179:- اللہ اے جیا نی کہ ایمان آلیاں اِس حال تے چھوڑ جُلے جِس اُتے تُسیں او بلکہ ایتھے تک کہ ناپاک آں پاک توں الگ کر چھڑے اللہ اے جیا نی کہ تُساں غیب نی گل دَسے لیکن اللہ آپڑیاں رسولاں بیچوں جِساں چاہوے چُنڑ کِننا اے اگر تُسیں اللہ تے رسول تے ایمان آنڑسو اور اگر ایمان تے پرہیزگاری کرو تے تُساں وسطے بڈا اجر اے
180:- اور او لوک ہرگز خیال نہ کرن او جیڑے بخیلی کرنے نوں اِس مال بچ جیڑا اللہ آپڑیں فضل بیچوں اُنہاں دِتا اے کہ او چنگا اے اُنہاں وسطے ، بلکہ او مندا اے جس بچ اُنہاں بخیلی کیتی اے عنقریب قیامتی آلے دیاڑے طوق بنڑا کہ پایا جُلسی اور اللہ ای وارث اے زمی تے آسمان نا اور جو تُسیں کرنے او اُساں پتا اے
سورت آل عمران نا رکوع نمبر 18 مکمل
سورت آل عمران نا رکوع نمبر 19
پارہ نمبر 4 نا رکوع نمبر 10
181:- البتہ اللہ اُنہاں نی گل سُنڑ کِدی کہ جنہاں لوکاں آکھیا کہ اللہ فقیر اے اور اَسیں لکھ کہ رکھساں اور آکھساں چکھو ساڑنے آلہ عذاب
182:- اے اُس نا بدلہ جو کج تُساں اگاں پیجیا اے اور اللہ بندیاں تے ظلم نی کرنا او
183:- جنہاں لوکاں آکھیا کہ اللہ اَساں نال عہد کیتا اے کہ اسیں کسے رسول تے ایمان نہ آنڑاں ایتھے تک کہ او اساں کول قربانی آنڑے جِساں آگ کھا کنے آپ صہ آکھو کہ تُساں کول مینڑیں توں پہلے بہوں سارے رسول آئے نوں نشانیاں نال اور اِس نا جو تُسی آکھنے او فِر تُساں اِنہاں کیوں قتل کیتا اے اگر تُسیں سچے او تے
184:- فر اگر او تُساں جھٹلاؤن تے تُساں توں پہلے بہوں سارے رسول جھٹلائے گئے نوں جیڑے کھلیاں نشانیاں ، صحیفے اور روشن کتاباں نال آئے
185:- ہر جاندار موت نا ذائقہ چکھنا اے اور قیامتی آلے دیاڑے تُساں نے اجر پورے پورے مِلسن او فیر جیڑا دوزخ توں دور تے جنت بچ جُلنا رہسی او ای مراد آں پہنچیا اے اور دنیا نی زندگی کج وی نی اک دھوکے نے سودے توں بغیر
186:- اور تُسیں مال تے جان بچ آزمائے جُلسو اور تُسیں ضرور سُنڑسو اُنہاں لوکاں کولوں جنہاں لوکاں کتاب دِتی پہلے اور مشرکاں کولوں وی دکھی گلاں بہوں ساریاں اور اگر تُسیں صبر کرو پرہیزگاری کرو تے بے شک کہ اے بڈے آلیاں کماں بیچوں اے
187:- اور یاد کرو کہ جدوں اللہ اہل کتاب توں عہد کِدا تے تُسیں اِساں لوکاں وسطے ضرور بیان کریو اور اِساں نہ چھپایو کہ اِنہاں اِساں کنڈی پچھے سٹ چھڑیا اور اِس نے بدلے تھوڑی قیمت چا کدی اے کتنا مندا اے جو خریدنے نوں
188:- تُسیں ہرگز نہ سمجھو کہ جیڑے لوک خوش ہونے نوں کہ جو اُنہاں کیتا اے آپڑیں اُتے اور چاہنے نوں کہ اِس اُتے اِنہاں نی تعریف کیتی جُلے جو اُنہاں نی کیتا پس تُسیں اُنہاں رہا نہ سمجھو بلکہ اُنہاں وسطے درد ناک عذاب اے
189:- اللہ وسطے اے زمی تے آسمان نی اور او ہر چیز تے قادر اے
سورت آل عمران نا رکوع نمبر 19 مکمل
سورت آل عمران نا رکوع نمبر 20
پارہ نمبر 4 نا رکوع نمبر 11
190:- بے شک زمی تے آسمان نی پیدائش اور راتی دیاڑی نے بدلڑیں بچ عقل آلیاں وسطے نشانیاں نوں
191:- جیڑے لوک کھلتیوں بیٹھیوں پاسے مڑنیوں یاد کرنے نوں اور غور کرنے نوں آسمان تے زمی نی پیدائش اُتے اے اللہ توں اے بے فیدا نی بنڑائے توں پاک ایں توں بچا کِن اساں جہنم نے عذابے کولوں
192:- اے اللہ توں جِساں دوزخ بچ پیجیا اے تے ضرور توں اُساں رسوا کیتا اے اور ظالماں نا کوئی مددگار نی
193:- اے اللہ اَساں اِک بلانڑیں آلے آں سنڑیا اے کہ او ایمان دار بلانا اے کہ آپڑیں اللہ منو تے اَسیں ایمان کن آئے آں تینڑیں تے توں اَساں بخش چھڑ او اَساں نے غناہ اور اَساں نیاں برائیاں دور کر چھڑ اور اَساں نیکاں نال موت دے
194:- اے اللہ اور اَساں دے جو کج توں آپڑیں رسولاں نے ذریعے وعدہ کیتا اے اور قیامتی آلے دیاڑے رسوا نہ کریں بے شک توں وعدہ خلافی نی کرنا ایں
195:- بس اُنہاں نے اللہ اُنہاں نی دعا قبول کر کِدی کہ میں کِسے محبت کرنڑیں آلے نی محنت ضائع نی کرنا واں تُساں بیچوں مرد تے عورتاں تُسیں اک او جنہاں لوکاں ہجرت کیتی اور شہراں بیچوں کڈے گئے مینڑیں راہے بچ ستائے گئے کُلے تے مارے گئے نوں اُنہاں نیاں برائیاں دور کر چھڑساں اور اُنہاں باغاں بچ داخل کرساں جنہاں تلے کٹھے چلنے نوں اللہ نی طرفوں ثواب اے اور اللہ کول چنگا ثواب اے او
196:- شہراں بچ کافراں نا ٹُرنا پھرنا تُساں دھوکہ نہ دیوے
197:- اے تھوڑا جیا فیدا اے اور فر اِنہاں نا ٹھکانہ جہنم اے اور اے کتنا مندا ٹھکانہ اے
198:- جیڑے لوک اللہ کولوں ڈرنے نوں اُنہاں وسطے باغ نوں جنہاں تلے نہراں نوں اور اِس بچ ہمیشہ رہسن او اللہ نے مہمان ، اللہ کول جو کج اے او نیک لوکاں وسطے چنگا اے
199:- اور اہل کتاب بیچوں بعض او نوں جیڑے ایمان کِن آئے نوں اللہ تے اور جو کج تُساں تے لتھا اے اور جو کج اُنہاں اُتے لتھا ہویا اے اللہ اگے عاجزی کرنے نوں اور اللہ نیاں آیتاں نے بدلے تھوڑا کج وی نی کننے اے ای لوک نوں جنہاں وسطے اللہ کول اجر اے بے شک اللہ جَلتی حساب کرڑیں آلہ اے
200:- اے ایمان آلیو صبر کرو اور مقابلے بچ باٹے رہو اور جنگ نی تیاری کرو اور اللہ کولوں ڈرو تاکہ مراد آں پہنچو
سورت آل عمران مکمل

اپنا تبصرہ بھیجیں