پنجاب: غیر تصدیق شدہ مریضوں کی تعداد دو کروڑ ہے، پی ایم اے




لاہور: پاکستان میڈیکل ایسوسی ایشن لاہور نے دعویٰ کیا ہے کہ عالمی وبا قراردیے جانے والے کورونا وائرس کے صرف پنجاب میں غیر تصدیق شدہ مریضوں کی تعداد دو کروڑ ہے۔

دنیا بھر میں کورونا سے متاثرہ افراد کی تعداد 70 لاکھ سے تجاوز کر گئی

ہم نیوز کے مطابق پاکستان میڈیکل ایسوسی ایشن لاہور کے صدر ڈاکٹر صاحبزادہ سید مسعود نے پریس کانفرنس سے خطاب کرتے ہوئے مطالبہ کیا ہے کہ حکومت مہلک وبا میں مبتلا مریضوں اور بیماری کے متعلق حقائق چھپانے کے بجائے حفاظتی اقدامات کو یقینی بنائے۔

صدر پی ایم اے ڈاکٹر صاحبزادہ سید مسعود نے یہ دعویٰ بھی کیا کہ صرف لاہور میں کورونا وائرس سے متاثرہ مریضوں کی تعداد 35 لاکھ سے کم نہیں ہے۔

حکومت پنجاب کو کڑی نکتہ چینی کا نشانہ بناتے ہوئے انہوں نے کہا کہ صوبائی حکومت زبانی جمع خرچ کے سوا کچھ نہیں کررہی ہے۔

کورونا وائرس: پاکستان میں50 سال سے زائد عمر کے افراد کو زیادہ خطرہ

انہوں نے کہا کہ جب لاک ڈاؤن سخت کرنے کی ضرورت تھی تو حکومت نے لاک ڈاؤن کھول دیا۔ انہوں نے اس ضمن میں مثال دیتے ہوئے کہا کہ حکومت نے عصر کے وقت روزہ توڑ دیا ہے۔

پی ایم اے لاہور کے صدر ڈاکٹر صاحبزادہ سید مسعود کا کہنا تھا کہ اب ماسک لگائے اور ہاتھ دھوئے بغیر اس بیماری سے نہیں بچ سکتے ہیں۔

پاکستان میں کورونا کیسز کی تعداد 99 ہزار کے قریب پہنچ گئی، 2002 افراد جاں بحق

ہم نیوز کے مطابق پریس کانفرنس سے خطاب کرتے ہوئے پاکستان میڈیکل ایسوسی ایشن کے عہدیداران نے مطالبہ کیا کہ ڈاکٹروں اور پیرا میڈیکل اسٹاف کے لیے تمام ضروری حفاظتی سامان مہیا کیا جائے اور متاثرہ ڈاکٹروں کو قرنطینہ کرنے کے لیے علیحدہ اسپتال بنایا جائے۔

The post پنجاب: غیر تصدیق شدہ مریضوں کی تعداد دو کروڑ ہے، پی ایم اے appeared first on ہم نیوز.

اپنا تبصرہ بھیجیں