کورونا وائرس: اٹلی میں 24 گھنٹے کے دوران 919 ہلاکتیں




اٹلی میں کورونا وائرس کی تباہ کاریاں جاری ہیں اور 24 گھنٹے کے دوران مہلک وبا سے ریکارڈ 919 ہلاکتیں ہوئی ہیں۔

غیر ملکی خبر رساں ادارے کے مطابق اٹلی میں کورونا کا وار جاری ہے اور اب تک وبا سے اموت کی تعداد 9 ہزار 134ہو گئی ہے۔

اطالوی حکومت کی جانب سے گزشتہ کئی روز سے ملک میں لاک ڈاؤن ہے تاہم پھر بھی وائرس پر قابو نہیں پایا جاسکا ہے۔

اٹلی میں اموات کی شرح میں چند روز قبل کچھ کمی تو واقع ہوئی تھی تاہم اب نئے کیسز تیزی سے رپورٹ ہورہے ہیں جبکہ لوگوں کے زندگی کی بازی ہارنے کا سلسلہ بھی تاحال جاری ہے۔

خیال رہے اٹلی میں صورتحال چین سے زیادہ بدتر ہوگئی ہے، کرونا وائرس کے باعث لاشوں کے انبار لگ گئے جبکہ اسپتالوں میں بستر اور قبرستانوں میں دفنانے کیلئے جگہ نہ بچی، اطالوی نرسوں کا کہنا ہے تھک گئے ہیں، اب مزید لاشیں نہیں گن سکتے۔

دنیا کے 198 ممالک میں کورونا وائرس سے ہلاک افراد کی تعداد 26 ہزار سے تجاوز کرگئی ہے جبکہ 5 لاکھ 72 ہزار سے زائد متاثر ہیں اور وائرس سے اب تک ایک لاکھ 29 ہزار 949 افراد صحت یاب ہوچکے ہیں۔

اپنا تبصرہ بھیجیں