عوام کو گھروں تک محدود رکھنے کیلئے ہر اقدام اٹھایا جائے گا، گورنر پنجاب




لاہور: گورنر پنجاب چودھری محمد سرور نے کہا ہے کہ کورونا کو سنجیدہ نہ لینے والے اپنے آپ کے بھی دشمن بنے ہوئے ہیں اور ایسا کرنا کورونا کو خود دعوت دینے کے مترادف ہے۔

اپنے ایک بیان میں ان کا کہنا تھا کہ عوام کو گھروں تک محدود رکھنے کیلئے ہر اقدام اٹھایا جائےگا کیوں کہ سماجی رابطوں میں فاصلے رکھنے سے ہی کورونا کو روکا جا سکتا ہے۔

مزید پڑھیں: پاکستان میں کورونا سے 12 افراد ہلاک، 1500 کے قریب متاثر

چودھری سرور نے کہا کہ آج کا وقتی فاصلہ ہمیشہ کے فاصلوں سے محفوظ بنائے گا، انسدادکورونا کیلئے افواج پاکستان کا تاریخی کردار قابل تحسین ہے۔

انہوں نے کہا کہ کورونا وائرس سب بڑا خطرہ بن چکا ہمیں حفاظتی تدابیرپر عمل کر نا ہوگا، ہم سب وزیراعظم کی قیادت میں کورونا کے خلاف جنگ لڑ رہے ہیں۔

گورنر پنجاب کا کہنا تھا کہ قوم مشکل کی گھڑی میں ڈاکٹرز اور دیگر طبی عملے کو خراج تحسین پیش کرتی ہے۔

ان کا مزید کہنا تھا کہ کورونا کے خلاف جنگ میں چین مثالی کردار ادا کر رہا ہے۔

The post عوام کو گھروں تک محدود رکھنے کیلئے ہر اقدام اٹھایا جائے گا، گورنر پنجاب appeared first on ہم نیوز.

اپنا تبصرہ بھیجیں