چین نےپاکستان کو5 لاکھ سے زائد این95 ماسک اور دیگر طبی سامان فراہم کیا




اسلام آباد: نیشنل کمانڈ اینڈ آپریشن سینٹر کے مطابق چین نے مشکل وقت میں پاکستان کو اہم طبی آلات، اشیا اور ادویات فراہم کی ہیں۔

نیشنل کمانڈ اینڈ آپریشن سینٹر کی جانب سے جاری بیان میں بتایا گیا ہے کہ چین نے فوری طور پر 5 لاکھ 29 ہزار 924 این95 ماسک فراہم کیے۔

چین کی جانب سے دی گئی امداد میں33 ہزار744 حفاظتی لباس اور10 ہزار ٹیسٹنگ کٹس شامل تھیں۔ چین نے 15 لاکھ 58 ہزار 379 میڈیکل ماسک بھی فراہم کیے۔

چین نے مشکل وقت میں 36 ونٹی لیٹرز، 180 تھرمومیٹراور100 تھرمل اسکینرز دیئے۔ 24 ہزار900 دستانے، 59 ہزار376 حفاظتی عینکیں بھی امداد کا حصہ تھیں۔

نیشنل کمانڈ اینڈ آپریشن سینٹر کے مطابق چین نے10 ہزارلیٹر سینی ٹائزر اور حفاظتی سوٹس کیلئے 1442 کلوگرام ان سلا کپڑا فراہم کیا۔

چیئرمین نیشنل ڈیزاسٹر مینجمنٹ اتھارٹی (این ڈی ایم اے) کے مطابق چین سے آنے والا سامان تمام صوبوں کو فراہم کیا جائے گا۔

پاکستان میں کورونا وائرس کی وجہ سے چینی سفیر کی سربراہی میں چینی ماہرین صحت کی ایک ٹیم نے قومی ادارہ صحت کا دورہ بھی کیا تھا تاکہ پاکستان میں کورونا وائرس کو کنٹرول کرنے کے حوالے سے چین کے تجربات کو شئیر کیا جا سکے۔

The post چین نےپاکستان کو5 لاکھ سے زائد این95 ماسک اور دیگر طبی سامان فراہم کیا appeared first on ہم نیوز.

اپنا تبصرہ بھیجیں