رمضان پیکج:19اشیا خوردونوش پر2.5 ارب روپےکی سبسڈی کافیصلہ




اسلام آباد: وفاقی حکومت نے رمضان پیکج کیلئے2.5 ارب مختص کرنے کا فیصلہ کیا ہے اور19 اشیا خوردونوش پر سبسڈی دی جائے گی۔

ہم نیوز کو ملنے والی اطلاعات کے مطابق رمضان پیکج میں کھجور، چاول، بیسن، چائے اور دالوں سمیت دیگر اہم اشیا کی ارزاں نرخوں پر دستیابی ممکن بنائی جائے گی۔

یوٹیلیٹی سٹورز پر رمضان المبارک کیلئے اشیاء کے نئے ریٹس کا اطلاق 17 اپریل بروز جمعہ سے ہو گا۔

آدھاکلو گرام کھجوروں کی قیمت میں10، بیسن 20 روپے فی کلو اور 200 گرام لال مرچ 18 روپے سستی ہوگئی۔

500 گرام کھجوروں کا پیکٹ 90 روپے سے کم ہو کر 80 روپے کا ہو گیا۔ چاولوں کی قیمت میں 3 سے 5 روپے فی کلو تک کمی کر دی گئی ہے۔ باسمتی چاول کی قیمت میں 5 روپے کمی کر کے 135روپے فی کلو مقرر کر دی گئی ہے۔

ٹوٹا باسمتی چاول کی قیمت میں 3 روپے کمی کی گئی ہے اور نئی قیمت 75روپے فی کلوہوگی۔ 50گرام گرم مصالحہ پاؤڈر کی قیمت میں 6 روپے کم کر دی گئی ہے۔

رمضان کے دوران چکی بیسن 20 روپے کمی کے بعد 140 روپے فی کلو میں دستیاب ہو گا۔ یوٹیلیٹی برانڈ کی دال ماش کی فی کلو قیمت 265 سے 255 ہوگی۔ 50گرام کالی مرچ کی قیمت میں 6 روپے کمی کی گئی ہے اور نئی قیمت 51روپے ہوگی۔

لال مرچ 200 گرام کی قیمت میں 18 روپے کمی کی گئی ہے۔ اب 200 گرام لال مرچ 175 کے بجائے 157 روپے میں دستیاب ہوگی۔

ہلدی100 گرام 35 سے 31، دھنیا پاؤڈر90 سے 81 اور 50 گرم مصالحہ پاؤڈر 64 سے 58 روپے کا ہوگا۔

کالی مرچ 50 گرام 57 سے 51 روپے کی ہو گئی ہے۔ 100 گرام سفید زیرہ 99 سے 89 اور 100 گرام دڑا مرچ 88 سے 79 روپے میں دستیاب ہوگی۔ 95 گرام چائے 4 روپے کمی کے بعد 91 روپے میں دستیاب ہوگی۔

The post رمضان پیکج:19اشیا خوردونوش پر2.5 ارب روپےکی سبسڈی کافیصلہ appeared first on ہم نیوز.

اپنا تبصرہ بھیجیں