ڈاکٹر فرقان کے انتقال کی انکوائری مکمل، سزائیں دینے کا عمل شروع ہو




کراچی: وزیراعلیٰ سندھ مراد علی شاہ نے بتایا ہے کہ ریڈیولوجیسٹ ڈاکٹر فرقان الحق کے انتقال کے معاملے پر انکوائری مکمل ہوگئی ہے اور رپورٹ کے مطابق سزائیں دینے کا عمل شروع ہے۔

نمائندہ ہم نیوز کے مطابق تین رکنی کمیٹی اس معاملے کی تحقیقات کر رہی تھی۔ سول اسپتال کراچی کےڈاکٹر جگدیش پر لاپرواہی برتنے کا الزام لگایا گیا ہے کیوں کہ انہوں نے وینٹی لیٹر موجود ہونے کے باوجود ڈاکٹر فرقان کو دوسرے اسپتال جانے کا کہا۔

ذرائع نے ہم نیوز کو بتایا کہ ڈاکٹر فرقان الحق کورونا کے علاؤہ ہیموفیلیا اور امراض قلب میں بھی مبتلا تھے اور انہوں نے سندھ ریسکیو اینڈ میڈیکل سروسز سے  پہلا رابطہ صبح 9 بجکر 5 منٹ پرکیا۔

پہلی کال میں ڈاکٹر فرقان نے انڈس اسپتال منتقلی کی خواہش ظاہر کی اور 9:54 منٹ پردوبارہ کال میں ڈاکٹرفرقان الحق نےایس آئی یوٹی جانےکی خواہش ظاہرکی تھی۔

دوبارہ کال میں ڈاکٹر فرقان نے کہا کہ سول اسپتال میں بات کرلی ہے، ڈاکٹر فرقان نے10بجےتیسری کال میں ڈاکٹر سلمان کاحوالہ بھی دیا تھا۔

ذرائع کے مطابق ڈاکٹر سلمان ای آر سول میں ہوتےہیں اور 10:10منٹ پرڈاکٹرفرقان خود ایمبولینس میں بیٹھے تھے اور اہل خانہ میں سے کوئی ان کے ساتھ موجود نہیں تھا۔

اطلاعات ہیں کہ سندھ ریسکیو اینڈ میڈیکل سروسز کے کمانڈ اینڈ کنٹرول نے ڈاکٹر سلمان سے رابطہ کیا جس میں
سول اسپتال کےذریعے ایس آئی یوٹی منتقل کرنے کے متعلق بات ہوئی۔

ڈاکٹرفرقان سول اسپتال پہنچنے تواسپتال انتظامیہ نے جگہ نہ ہونے کےباعث انکارکردیا تھا ڈاکٹرفرقان الحق سول اسپتال سے واپسی گلشن اقبال میں گھر چلے گئے تھے۔

گھر پہنچنے کے بعد ڈاکٹر فرقان کی حالت بگڑنا شروع ہوگئی تھی اور ان کے اہل خانہ نے پرائیویٹ اسپتال منتقل کرنے کی خواہش ظاہر کی جس کے ساتھ ڈاکٹر فرقان وابستہ رہے چکے تھے۔

ذرائع کے مطابق ایمبولینس میں ڈاکٹر فرقان کے ساتھ انکی اہلیہ بھی اسپتال گئیں تاہم وہا  پہنچنے کے بعد اسپتال انتظامیہ نے انہیں داخل کرنے سے معذرت کرلی۔

پرائیوٹ اسپتال سے انکار کے بعد ڈاکٹر فرقان اور انکی اہلیہ گھر واپسی چلے گئے تھے سندھ ریسکیو اینڈ میڈیکل سروسز نے ڈاکٹرفرقان کوچارباراپنی سروسزفراہم کی تھئں اور اس دوران تمام قواعدوضوابط کو مد نظر رکھا گیا تھا۔

The post ڈاکٹر فرقان کے انتقال کی انکوائری مکمل، سزائیں دینے کا عمل شروع ہو appeared first on ہم نیوز.

اپنا تبصرہ بھیجیں