صدر مملکت نے دسواں نیشنل فنانس کمیشن تشکیل دے دیا




اسلام آباد: صدر مملکت عارف علوی نے دسواں نیشنل فنانس کمیشن تشکیل دے دیا ہے جو صوبوں کے محاصل میں حصے اور ٹیکسوں کے امور کو طے کرے گا۔

جانب سے جاری نوٹی فیکیشن کے مطابق چاروں صوبوں کے وزراء خزانہ فنانس کمیشن کے اراکین ہوں گے جب کہ مشیرخزانہ حفیظ شیخ دسویں این ایف سی کے چیئرمین ہوں گے۔

کمیشن میں مشیر خزانہ سمیت چاروں صوبائی وزرا خزانہ شامل ہیں۔ پنجاب سے طارق باجوہ، سندھ سے ڈاکٹر اسد سعید، کے پی سے مشرف رسول اور بلوچستان سے جاوید جبار کو کمیشن کا حصہ بنایا گیا ہے۔

نیشنل فنانس کمیشن کے ٹی او آرز بھی جاری کردیئے گئے۔ کمیشن وفاقی، صوبوں اور دیگر علاقوں کےلیے وسائل کے امور بھی طے کرے گا۔

وفاق اور صوبوں میں مالی وسائل کی منصفانہ تقسیم کی ذمہ داری ایک آئینی ادارے، نیشنل فنانس کمیشن کے سپرد ہوتی ہے۔ آئین کے تحت ہر پانچ سال بعد اس ادارے کو نیا فارمولا وضع کرنا ہوتا ہے۔

The post  صدر مملکت نے دسواں نیشنل فنانس کمیشن تشکیل دے دیا appeared first on ہم نیوز.

اپنا تبصرہ بھیجیں