ممبر قومی اسمبلی عثمان خان ترکئی میں کورونا کی تشخیص




اسلام آباد: ممبر قومی اسمبلی عثمان خان ترکئی کا کورونا ٹیسٹ مثبت آ گیا ہے۔

ذرائع کے مطابق اپنے بیان میں انہوں نے بتایا ہے کہ ان کی اہلیہ، بیٹے اور بہو کا بھی کورونا ٹیسٹ مثبت آیا ہے۔

ان کا کہنا تھا کہ کورونا ٹیسٹ مثبت آنے پر ہم نے خود کو گھر میں قرنطینہ کرلیا ہے۔

خیال رہے کہ عالمی وبا قرار دیے جانے والا کورونا وائرس اراکین پارلمینٹ میں بھی تیزی سے پھیلنا شروع ہو چکا ہے۔

دنیا میں کورونا کیسز کی تعداد 65 لاکھ 24 ہزار سے بڑھ گئی، 3 لاکھ 85 ہزار سے زائد ہلاکتیں

اب تک کے دستیاب اعداد و شمار کے مطابق 44 اراکین میں کورونا وائرس کی تشخیص ہوچکی ہے جب کہ پانچ اراکین پارلیمنٹ دار فانی سے کوچ بھی کرچکے ہیں۔

اعداد و شمار کے مطابق اب تک قومی اسمبلی کے دس، سینیٹ کے چار،  پنجاب اسمبلی کے پانچ، سندھ اسمبلی کے 12، خیبرپختونخوا اسمبلی کے آٹھ اور بلوچستان اسمبلی کے پانچ اراکین کورونا کا نشانہ بن چکے ہیں۔

کورونا وائرس کی وجہ سے چاروں صوبائی اسمبلیوں کے ایک ایک رکن جہان فانی سے کوچ کرگئے ہیں۔

عالمی وبا کے خوں آشام پنجے تیز، اہم شخصیات نشانہ بننے لگیں

جہان فانی سے کوچ کر جانے والوں میں سندھ کے وزیرمرتضیٰ بلوچ ، خیبر پختونخوا اسمبلی کے رکن میاں جمشید کاکا خیل، پنجاب اسمبلی کے اراکین شوکت منظور چیمہ ، شاہین رضا اور بلوچستان اسمبلی کے رکن سید فضل آغا شامل ہیں۔

قومی اسمبلی کے رکن منیراورکزئی کا بھی انتقال ہوا ہے لیکن ان کے لواحقین کا کہنا ہے کہ انہوں نے داعی اجل کو لبیک حرکت قلب بند ہونے کی وجہ سے کہا ہے۔

رکن خیبرپختونخوا اسمبلی میاں جمشیدکاکاخیل کورونا وائرس سے انتقال کرگئے

مرحوم رکن قومی اسمبلی منیر اورکزئی میں کورونا وائرس کی بھی تصدیق ہوئی تھی۔

ہم نیوز کے مطابق قومی اسمبلی کے جن دس اراکین میں کورونا وائرس کی تصدیق ہوئی ہے ان میں اسپیکر قومی اسمبلی اسد قیصر اور وفاقی وزیر مملکت شہریار آفریدی بھی شامل ہیں۔

جن دیگر اراکین قومی اسمبلی کو عالمی وبا نے متاثر کیا ہے ان میں پی ٹی آئی کے عامر ڈوگر، ظہور حسین قریشی، کرامت کھوکھر، گل ظفر خان، محبوب شاہ، وجیہہ اکرم  اورعلی وزیر شامل ہیں۔

The post ممبر قومی اسمبلی عثمان خان ترکئی میں کورونا کی تشخیص appeared first on ہم نیوز.

اپنا تبصرہ بھیجیں