Home » اینڈرائیڈ کے پاکستانی صارفین کے لیے الرٹ جاری –
سائنس اینڈ ٹیکنالوجی

اینڈرائیڈ کے پاکستانی صارفین کے لیے الرٹ جاری –

اسلام آباد: نیشنل انفارمیشن ٹیکنالوجی نےجعلی ایپلیکیشن کی نشاندہی کرتے ہوئے اینڈرائیڈ صارفین کو  خطرے سے آگاہ کردیا۔

نیشنل انفارمیشن ٹیکنالوجی بورڈ (این آئی ٹی بی) نے سماجی رابطے اور مائیکرو بلاگنگ ویب سائٹ ٹویٹر پر گوگل پلے اسٹور پر موجود جعلی اپیلیکیشن کی نشاندہی کی۔

نیشنل انفارمیشن ٹیکنالوجی بورڈ نے پاکستان میں اینڈرائیڈ فون استعمال کرنے والوں کو آگاہ کیا کہ گوگل پلے اسٹور پر  نیٹ فلکس کی جعلی ایپ ’فکس ان لائن‘ کے نام سے موجود ہے جو صارف کے لیے بڑے خطرے کا باعث بن سکتی ہے۔

بورڈ نے جعلی ایپ کے ذریعے نقصان دہ سافٹ وئیر کے خطرے سے خبردار کرتے ہوئے صارفین کو ہدایت کی کہ ’اس جعلی ایپ کو ڈاؤن لوڈ کرنے سے گریز کیا جائے کیونکہ اسے انسٹال کرنے کی صورت میں ٹیلی فون میں ایک نقصان دہ (وائرس) کی فائل سسٹم میں شامل ہوجاتی ہے۔

مزید پڑھیں: قومی ٹیکنالوجی بورڈ کی پاکستانی واٹس ایپ صارفین کو اہم ہدایت

ٹوئٹ میں پاکستانی اینڈائیڈ صارفین کو ہدایت کی گئی ہے کہ وہ  کوئی بے اعتماد ایپ یا اے پی کے استعمال گرنے سے نہ صرف گریز کریں بلکہ اس سے ہوشیار بھی رہیں کیونکہ یہ نقصان دہ ہوسکتی ہے۔

نیشنل انفارمیشن ٹیکنالوجی بورڈ کی جانب سے ٹوئٹ میں نیشنل بریچ اورسائبر اٹیک کا ہیش ٹیگ بھی استعمال کیا گیا ہے۔

Stay updated with @NationalITBoard Malware alerts”Do not download the Netflix app name Flixonline, it transfers a harmful file to your device. Never use any untrusted APP or APK. Stay alert & stay safe!#SecurityBreach #CyberAttack pic.twitter.com/iDfSshEFag

— National Information Technology Board (@NationalITBoard) April 13, 2021

قومی ٹیکنالوجی بورڈ نے بتایا کہ اس ایپ میں شامل سافٹ ویئر خود کار طریقے سے واٹس ایپ پر آنے والے پیغامات کا جواب دیتا ہے اور دیگر لوگوں کو بھی وائرس زدہ فائل سینڈ کرتا ہے۔ صارفین کو ہدایت کی گئی کہ اگر وہ اس ایپ کو استعمال کررہے تھے تو فوری طور پر فون سے ڈیلیٹ کردیں۔

Comments