Home » روبوٹ کتے کی مدد سے مطلوب ملزم گرفتار –
سائنس اینڈ ٹیکنالوجی

روبوٹ کتے کی مدد سے مطلوب ملزم گرفتار –

نیویارک: امریکا میں قانون نافذ کرنے والے ادارے نے روبوٹ کتے کی مدد سے چھاپہ مار کر مطلوب شخص کو گرفتار کرلیا۔

بین الاقوامی میڈیا رپورٹ کے مطابق نیویارک پولیس نے مین ہیٹن شہر کے ایک فلیٹ میں روبوٹ کتے کی مدد سے چھاپہ مار کر مطلوب شخص کو گرفتار کیا۔

رپورٹ کے مطابق پیر کے روز نیو یارک پولیس نے اپنے اسکواڈ میں شامل ہونے والے ’نئے ڈیجی ڈاگ‘ نامی روبوٹ کتے کی مدد سے فلیٹ پر چھاپہ مار کارروائی کی تھی۔

انٹرنیٹ پر اس چھاپے کی ویڈیو بھی شیئر ہوئی جس میں دیکھا جاسکتا ہے کہ پولیس نے عمارت میں داخل ہونے سے قبل کتے کو داخل کیا اور حالات کا جائزہ لینے کے بعد اہلکار اندر داخل ہوئے۔

Nah they really got these robot police dogs in NYC. This is wild pic.twitter.com/iG7CTPFevH

— THEE DON (@1800SPOILED) April 12, 2021

ریموٹ سے کنٹرول ہونے والا روبوٹ کتا ایپارٹمنٹ میں داخل ہوا، جسے آپریٹ کرنے والے اہلکار نے صورت حال کا جائزہ لیا اور پھر اُسے واپس باہر بلا لیا، چند لمحے بعد پولیس افسران روبوٹ کے ساتھ دوبارہ فلیٹ میں داخل ہوئے اور ایک نوجوان کو گرفتار کر کے ہتکھڑی لگا کر واپس لائے۔

مزید پڑھیں: مشینی کتے جو پولیس کی مدد کریں گے

پولیس اہلکاروں نے مذکورہ شخص کو گاڑی میں ڈال کر تھانے کی طرف روانہ کیا جس کے بعد نیویارک پولیس کے افسر نے بتایا کہ انہوں نے کتے کی مدد سے مطلوب شخص کو گرفتار کیا۔ روبوٹ کتے کی مدد سے چھاپے کی ویڈیو سوشل میڈیا پر وائرل ہونے کے بعد شہریوں کی جانب سے پولیس کو شدید تنقید کا نشانہ بھی بنایا گیا۔

Comments