Home » سورت النور (رکوع نمبر 5 تا 9) – ہندکو ترجمہ
Uncategorized

سورت النور (رکوع نمبر 5 تا 9) – ہندکو ترجمہ

سورت النور پارہ نمبر 18

34:- اللہ نور اے زمی اور آسمان نا اسنی مثال اے او جئی اے جینجو طاق ہووے اور اُس بچ اک چراغ ہووے ، چراغ شیشے نی قندیل بچ ہووے اور شیشہ گویا اک چمکدار ستارہ اے اور روشن کیتا جلنا اے مبارک بوٹے زیتون نال جِس نا رُخ نہ مشرق اے نہ ای مغرب نیڑے اے یہ اُس نا تیل روشن ہو جُلے خواہ اُساں اگ نہ پکڑے نور علٰی نور اللہ جِساں چاہنا اے آپڑیں نور دار رہنمائی کرانا اے اور اللہ لوکاں وسطے مثالاں بیان کرنا اے اور اللہ ہر شے آں سیانڑنے آلہ اے
35:- اے روشنی اے انہاں گھراں بچ جنہاں نی نسبت اللہ نے حکم دتا اے کہ انہاں بلند کیتا جُلے اور اِس بچ اُنہاں نا نام کِدا جُلے اور او انہاں بچ صبح شام اِس نی تسبیح کرنے نوں
36:- او لوک جنہاں غافل نی کرنی کوئی تجارت نہ خرید و فروخت اللہ نی یاد توں نماز قیم کرنے زکوٰۃ دینڑیں توں اور او اِس دیاڑے توں ڈرنے نوں جس دیاڑے اُلٹ جُلسن او دِل تے اکھیاں
37:- تاکہ اللہ اُنہاں اُنہاں نے اعمال نی چنگی توں چنگی جزا دیوے اور اُنہاں آپڑیں فضل نال زیادہ دیوے اور اللہ جِساں چاہنا اے بے حساب رزق دینا اے
38:- اور جنہاں لوکاں کفر کیتا اُنہاں نے اعمال چمکنے ریت نے دھوکے آلی گل نوں چٹیل میدان بچ پیاسا اُساں پاڑیں سمجھنا اے او اتھے آنا اے تے کج نی ملنا سو اور اُس اللہ آپڑیں کول پایا تے اللہ اُس نا حساب پورا کر چھڑیا اور اللہ جلتی حساب کرڑیں آلہ اے
39:- یا اُنہاں نے اعمال اے او جئے نو جینجو نیرے دریا بچ جنہاں ڈھانپ کننی اے موج اُس اُتے دوئی موج اُس اُتے بدل ایک تے دوآ جدوں او آپڑیں ہتھ کڈے تے توقع نی کہ اُساں دیکھ سکے اور جِس وسطے اللہ نور نہ بنڑا وے اُس وسطے کوئی نور نی

سورت النور نا رکوع نمبر 5 پارہ نمبر 18 نا رکوع نمبر 11

40:- کیا توں نی دیکھیا کہ اللہ نی پاکی بیان کرنا اے جو وی آسمان تے زمی بچ اے اور پرندے وی اور ہر اک جانڑ کدی آپڑیں دعا اور آپڑیں دعا (تسبیح) اور اللہ سیانڑنا اے جو او کرنے نوں
41:- اللہ نی ای بادشاہی اے آسمان تے زمی بچ اور اُس دار ای مڑنا اے
42:- کیا توں نی دیکھیا کہ اللہ بادل چلانا اے فر اُنہاں آپس بچ ملانا اے فر اُنہاں تہہ بہ تہہ کر چھڑنا اے فر توں دیکھ کہ اُنہاں بیچوں بارش نکلنی اے اور او آسمان بچ جیڑے اولیاں نے پہاڑ نوں اُنہاں بیچوں کڈنا اے اُولے فر او جِس تے چاہوے اُساں پا چھڑنا اے اور جِس توں چاہوے اُساں پھیر چھڑنا اے نیڑے اے کہ اُس نی بجلی نی چمک اکھیاں نی بینائی کِن جُلے
43:- اللہ راتی آں تے دیاڑی آں بدلنا اے بےشک اِس بچ عبرت اے عقلمنداں وسطے
44:- اللہ ہر جاندار پاڑیں نال پیدا کیتا فر اِنہاں بیچوں کج چلنے نوں پیٹے نال اور کج دریا واں بچ چلنے نوں اور اُنہاں بیچوں کج چار پیراں تے ٹُرنے نوں اللہ پیدا کرنا اے جو او چاہنا اے بے شک اللہ ہر شے تے قدرت رکھڑیں آلہ اے
45:- تحقیق اَساں واضح آیتاں نازل کیتیاں اور اللہ جِساں چاہنا اے سدھے راہ دار ہدیت دینا اے
46:- اور او آکھنے نوں کہ اسیں سدھے راہ تے ایمان کِن آئے اور اَساں حکم منیا فر اُس توں بعد اُنہاں بیچوں اک فریق پھر گیا اور او ایمان آنڑنے آلے نوں
47:- اور جدوں او اللہ اور رسول صہ دار بلائے جُلنے نوں تے کہ او انہاں نے درمیان فیصلہ کرن تے اُنہاں بیچوں اک فریق منہ پھیر کننا اے
48:- اور اگر اُنہاں حق پہنچنا ہووے تے او اِس دار گاٹا جھکائے ہوئے خوشی نال چلے آنے نوں
49:- کیا اُنہاں نے دِلاں بچ کوئی روگ اے یا او شک بچ پئے نوں یا ڈرنے نوں کہ اللہ اور اس نے رسول اُنہاں تے ظلم کرسن بلکہ او ای ظالم نوں

سورت النور نا رکور نمبر 6 پارہ نمبر 18 نا رکوع نمبر 12

سورت النور پارہ نمبر 18

50:- مومناں نی گل اِس توں سوا نی کہ جدوں او اللہ اور اُس نے رسول نی طرف بُلائے جُلنے نوں تاکہ او انہاں نے درمیان فیصلہ کر چھڑن تے او آکھنے نوں اَساں سنڑیا اور اَساں اطاعت کیتی اور او ای نوں دوآں جہاناں نی کامیابی پاڑیں آلے
51:- اور جیڑا کوئی اللہ اور اُس نے رسول نی اطاعت کرے اور اللہ توں ڈرے اور پرہیزگاری کرے پس او ای لوک کامیاب ہونڑیں آلے نوں
52:- اور اُنہاں اللہ نیاں زوردار قسماں کھادیاں کہ اگر آپ صہ اِنہاں حکم دیو تے او ضرور جہاد وسطے نکل کھلسن او آپ صہ آکھو کہ تُسیں قسماں نہ کھاؤ پسندیدہ اطاعت مطلوب اے بے شک اللہ پتا اے جو تُسیں کرنے او
53:- آپ صہ آکھو کہ تُسیں اللہ اور رسول صہ نی اطاعت کرو فر اگر تُسیں پھر گئے تے اِس توں سوا نی رسول تے اِس قدر ای جو اِس نے ذمے کیتا گیا اے اور تُساں تے لازم اے جو تُساں نے ذمے پایا گیا اے اگر تُسیں اِس نی اطاعت کرو تے ہدہت پاکنسو اور رسول صہ تے صرف صاف صاف پہنچانڑاں اے
54:- اللہ اُنہاں لوکاں نال وعدہ کیتا اے جیڑے تُساں تے ایمان کِن آئے اور اُنہاں چنگے کم کیتے اُنہاں ضرور خلافت سلطنت دیسی زمی بچ جینجو اِنہاں توں پہلے خلافت دتی اور البتہ اُنہاں نا دین اِنہاں ضرور استحکام دیسی جو اُس اِنہاں واں پسند کیتا اور البتہ اُنہاں خود توں بعد ضرور امن بدلہ دیسی او مینڑی عبادت کرسن مینڑاں شریک نہ کرن کِسے چیزاں اور جِس اِس توں بعد ناشکری کیتی بس او ای لوک نافرمان نوں
55:- اور تُسیں نماز قیم کرو اور زکوٰہ دیو اور رسول صہ نی اطاعت کرو تاکہ تُساں تے رحم کیتا جُلے ۔
56:- ہر گز گمان نہ کرے کہ کافر زمی بچ عاجز کرڑیں آلے نوں اور اُنہاں نا ٹھکانہ دوزخ اے اور اوالبتہ مندا ٹھکانہ اے ۔

سورت النور نا رکوع نمبر 7 پارہ نمبر 18 نا رکوع نمبر 13

57:- اے ایمان آلیو چائی نا اے کہ تُساں نے غلام تُساں کول آنڑنے نی اجازت کنسن او اور او جیڑے تُساں بیچوں نی پہنچے حدِ شعود آں 3 ٹیم فجر توں پہلے اور جدوں تُسیں کپڑے لا کے رکھ چھڑنے او دوپہری اور عشاء توں بعد اے تُساں وسطے 3 پردے نے ٹیم نو نی تساں تے اور اُنہاں تے اِس توں علاوہ کوئی غناہ تُساں بیچوں کج کج کول پھیرنے نوں اسطرح اللہ تُساں وسطے احکام واضح کرنا اے اور اللہ سیانڑنے آلہ حکمت آلہ اے
58:- اور جدوں تُساں بیچوں جنک پہنچن او حد شعور آں پس چائی نا اے کہ او اجازت کنن او جینجو اُس توِ پہلے آلے اجازت کننے اِسطرح اللہ واضح کرنا اے تساں وسطے احکام اور سیانڑنے آلہ اور حکمت آلہ اے
59:- اور جیڑیاں بَڈیاں عورتاں نکاح نی آرزو نی رکھنیاں تے انہاں تے کوئی غناہ نی کہ او آپڑیں زائد کپڑے لا چھڑن زینت سنگھار نہ کرنے ہوئے اار اگر او اِس توں بچن تے اے زیادہ چنگا اے اور اللہ سنڑنے آلہ جانڑنے آلہ اے
69:- کوئی غناہ نی انے ، لنگڑے ، بیمار اور نہ تُساں تے کہ تُسیں کھاؤ آپڑیں گھراں بیچوں یا والد نے گھراں یا والدہ یا پراؤ یا بھینڑ (بہن) نے گھروں یا تائے چاچے یا خالہ ، ماموں یا پھوپھیاں نے گھروں یا جِس گھر نی کنجیاں تُساں نے قبضے بچ ہون او یا سنگی نے گھروں تُساں تے کوئی غناہ نی کہ تُسیں اکھٹے مل کے کھاؤ یا الگ الگ فر جدوں تُسیں گھراں بچ داخل ہوتے آپڑیں لوکاں سلام دیو دعائے خیر اللہ نے ہاں اے بابرکت پاکیزہ اِسی طرح اللہ تُساں وسطے احکام واضح کرنا اے تاکہ تُسیں سمجھو

سورت النور نا رکوع نمبر 8 پارہ نمبر 18 نا رکوع نمبر 14

70:- اِس توں سوا نی کہ مومن او نوں جنہاں اللہ اور اُس نے رسول صہ تے یقین کیتا اور جدوں او کِسے جمع ہوکے کرڑیں آلے کم بچ شرکت وسطے رسول صہ کول ہونے نو تے جدوں تک او اجازت نہ کِن کننے ہون او نی جُلنے بے شک جیڑے لوک تُساں کولوں اجازت منگنے نوں اے ای لوک اللہ تے رسول صہ تے ایمان رکھنے نوں پس جدوں او تُساں کولوں آپڑیں کسے کم وسطے اجازت منگن تے اجازت دے چھڑو جِساں اُس بیچوں تُسیں چاہو اور اُنہاں وسطے اللہ کولوں بخشش منگو بے شک اللہ بخشڑیں آلہ نہایت مہربان اے
71:- تُسیں نہ بنڑا کنو آپڑیں درمیان رسول صہ آں بلانڑاں جینجو تُسیں اک دوئے آں بُلانے او تحقیق اللہ سیانڑنا اے انہاں لوکاں جیڑے تُساں توں نظر بچا کے چھپ چھپ کے کھسک جُلنے نوں جیڑے لوک اِس نے حکم نے خلاف کرنے نوں چائی کہ او ڈرن او کہ اِنہاں تے کوئی آفت پہنچے یا کوئی دردناک عذاب پہنچے
72:- یاد رکھو کہ اللہ وسطے اے جو کج اے زمی تے آسمان بچ تحقیق او جانڑنا اے کہ جِس حال بچ تُسیں او اِس دیاڑے آں جِس دیاڑے او لوٹائے جُلسن او فر اِنہاں دسسی جو کج اِنہاں کیتا اور اللہ ہر شے نا سیانڑنے آلہ اے

سورت النور نا رکوع نمبر 9 پارہ نمبر 18 نا رکوع نمبر 15
سورت النور مکمل

Add Comment

Click here to post a comment

درد میں سانجھی ساتھ نہیں

درد میں سانجھی ساتھ نہیں آنکھوں میں ویرانی تھی دل بھی میرا شانت نہیں اجلے دن میں نا کھیلی تھی گھور اندھیری رات میں بھی حصہ میں جس کے آتی تھی وہ شاہ میں گدا کہلاتی تھی آنسو پی کے جیتی تھی ذلت کا نشانہ بنتی تھی یا خاک میں زندہ رلتی تھی ہرس و ہوس کا سمبل تھی یا اینٹوں میں چن دی جاتی تھی چند ٹکوں میں بکتی تھی آہ میری بے مایہ تھی سوکھے لبوں پہ مچلتی تھی

威而鋼

以前服用威而鋼,但有效時間僅僅只有4小時,對於在常年在高原的我來說,時間有點太短,所以會考慮犀利士。

  • 犀利士(Cialis),學名他達拉非

犀利士購買

與其他五花八門的壯陽技巧相比,犀利士能在40分鐘內解決性功能勃起障礙問題,並藥效持續36小時。這效果只有犀利士能做到,因為醫療級手術複雜,不可逆,存在安全隱患;植入假體和壓力泵等,使用不便,且有病變的可能。