Home » سورت الفرقان (رکوع نمبر 4 تا 6) – ہندکو ترجمہ
Uncategorized

سورت الفرقان (رکوع نمبر 4 تا 6) – ہندکو ترجمہ

35:- البتہ اَساں موسیٰ عیہ آں کتاب دتی اور اُس نے پراؤ ہارون عیہ آں معاون بنڑایا ۔
36:- پس اَساں اُنہاں آکھیا کہ تُسیں دوئے جُلو اُس قوم دار جنہاں اَساں نی آیات آں نی منیا تے اَساں اُنہاں بہوں مندیوں ہلاک کرکے تباہ کیتا
37:- اور قومِ نوح عیہ جدوں رسول آں جھٹلایا تے اَساں اُنہاں غرق کر چھڑیا اور اَساں اُنہاں لوکاں وسطے عبرت بنڑایا اور اَساں ظالماں وسطے ڈاڈا عذاب تیار کیتا اے
38:- اور عاد اور ثمود اور کھو آلے اور اُنہاں بچ بہوں ساریاں جماعتاں
39:- اور اَساں ہر اکی وسطے مثال بیان کیتی مگر اُنہاں نصیحت نی پکڑی اور ہر اکی آں تباہ کر مٹا چھڑیا
40:- تحقیق اُو قوم لوط عیہ نی اُس بستی دار آئے جِس تے پتھراں نی بارش کیتی گئی تے کے او اُساں نی دیکھنے رہنے اے بلکہ او دوبارہ جی اُٹھڑیں نی امید نی رکھنے
41:- اور جدوں او تُساں دیکھنے نوں تے صرف ٹھٹھا کرنے نوں کہ اِے اے او جساں اللہ رسول بنڑا کے پیجیا اے
42:- نیڑے ای ایا کہ اُو اَساں اَساں نے معبود توں بہکا چھڑن آ اگر اَسیں اُس تے جمے نہ رہنے تے اور او جَلتی جانڑ کنسن او جدوں او عذاب دیکھسن او کونڑ اے سدھی راہ توں بدترین گمراہ
43:- کیا تُساں اُساں دیکھیا جِس آپڑیں خوشی آں معبود بنڑا کِدا تے کیا تُسیں اُس تے نگہبان ہو جُلسو
44:- کیا تُسیں سمجھنے او کہ اِنہاں بیچوں اکثر سُنڑنے یا عقل نال کم کننے نوں او نی نوں مگر چوپائیاں جئے بلکہ سدھی راہ توں بدترین گمراہ نوں

سورت الفرقان نا رکوع نمبر 4 پارہ نمبر 19 نا رکوع نمبر 2

سورت الفرقان پارہ نمبر 19

45:- کیا تُساں آپڑیں رب نی قدرت دار نی دیکھیا اُس کینجو چھولے آں بڈا کیتا اور اگر او چاہنا تے اُساں ساکن بنڑا چھڑنا فِر اَساں سورج آں اُس تے اک دلیل رہنڑا بنڑایا
46:- فر اَساں اِس چھولے آں سمیٹیا آپڑیں دار آہستہ آہستہ
47:- اور او ای اے جِس تُساں وسطے راتی آں پردہ اور نیندراں سکون اور دیاڑی آں اُٹھڑیں نا ٹیم بنڑایا
48:- اور او ہی اے جِس آپڑیں رحمت اگے ہواواں خوشخبری سنڑانیاں ہوئیاں پیجیاں اور اَساں آسمان توں پاڑیں لاکے مرداں شہرآں جینا کر چھڑیا
49:- اور اسیں اِس توں پلانے آں اُنہاں جیڑے اَساں پیدا کیتے مال ڈنگر تے آدمی
50:- اور تحقیق اَساں اِنہاں نے درمیان تقسیم کیتا تاکہ او نصیحت پکڑن بس اگر لوکاں قبول نی کیتا مگر ناشکری آں
51:-اور اگر اَسیں چاہنے تے ہر بستی بچ ڈراڑیں آلہ پیج چھڑنے
52:- پس آپ صہ کافراں نی گل نہ منو اور حکم الٰہی نال اُنہاں نال بڈا جہاد کرو
53:- اور او ای اے جِس دو دریاواں مِلا کے چلایا اے اُس سیڈ نا پاڑیں خوشگوار مٹھا اے اور دوآ تلخ بدمزہ اے اور اُس اِنہاں بچ اک غیر محسوس آڑ پڑدہ باٹا بنڑایا
54:- اور او ای اے جِس پاڑیں نال بندہ بنڑایا فر اُس نا نسب سسرال بنڑایا اور تینڑاں اللہ قدرت آلہ اے
55:- اور او بندگی کرنے نوں اللہ توں سوا اُس نی جیڑا اُنہاں نہ نفع تے نہ نقصان دے اکنا اے اور کافر آپڑیں اللہ نے خلاف پشت پناہی کرڑیں آلہ اے
56:- اور اَساں آپ صہ آں نی پیجیا مگر خوشخبری دینڑیں اور ڈراڑیں آلہ
57:- آپ صہ آکھو کہ اِس تے تُساں کولوں نی منگنا واں کوئی اجر مگر جیڑا بندہ چاہے آپڑیں اللہ تک راہ بنڑا کنے
58:- اور اُس بچ ہمیشہ رہنڑی آلے تے بھروسہ کرو جِساں موت نی اور اُس نی تعریف نال پاکی بیان کرو اور او آپڑیں بندیاں نی غناواں کی خبر رکھڑیں آلہ جہان اے
59:- او جس آسمان اور زمی اور جو کج اِنہاں بچ اے پیدا کیتا چھ دیاڑیاں بچ عرش تے قیم ہویا اور جیڑا رحم کرڑیں آلہ اِس نے بارے بچ کِسے باخبر کولوں پچھو
60:- اورجدوں اُنہاں آکھو کہ تُسیں رحمان آں سجدہ کرو تے او آکھنے نوں کے اے رحمان کے توں جِساں آکھیں اسیں اُساں سجدہ کراں اِس گل اُنہاں نا پھدکڑاں ہور بدا چھڑیا اے
(سجدہ)

سورت الفرقان نا رکوع نمبر 5 پارہ نمبر 19 نا رکوع نمبر 3

61:- بڈی برکت آلہ اے او جِس بُرج بنڑائے اور اِس بچ بنڑایا سورج اور چن
62:- او ای اے جِس راتی دیاڑی آں اِک دوئے پچھے آنڑیں آلہ بنڑایا اے اُس نے سمجھڑیں وسطے اے جیڑا چاہنا اے کہ نصیحت پکڑے یا شکرگزار بنڑے
63:- اور رحمان نے بندے او نوں جیڑے چلنے نوں زمی بچ آہستہ آہستہ اور جدوں جاہل اُنہاں نال گل کرنے نوں تے آکھنے نوں بس سلام
64:- او اللہ وسطے رات گزارنے نوں سجدہ کرنے تے قیام کرنے
65:- اور او آکھنے نوں کہ اِے اللہ اَساں توں جہنم نا عذاب پھیر چھڑو بے شک اُس نا عذاب لازم ہو جلڑیں آلہ اے
66:- بے شک اور مندی جا اے ٹھہڑیں نی
67:- اور او لوک جیڑے خرچ کرنے نوں تے فضول خرچی نی کرنے اور نہ تنگی کرنے نوں اُنہاں نی عادت میانہ روی اے
68:- اور او جیڑے اللہ نال نی بُلانے دو آ کوئی معبود اُس جانی آں قتل نی کرنے جساں قتل کرنا اللہ حرام کیتا مگر جتھے حق ہووے اور او زنا نی کرنے اور جیڑا اے کرسی بڈی سزا ملسی سو
69:- قیامتی نے دیاڑے اُس وسطے عذاب درچند کر دتا جُلسی اور او ہمیشہ اِس بچ خوار ہونا رہسی
70:- سوائے اُس نے جِس توبہ کیتی اور ایمان آندا اور چنگے کم کیتے پس اللہ اُنہاں لوکاں نی برائی بدل چھڑسی اچھائیاں نال اور اللہ بخشڑیں آلہ مہربان اے
71:- اور جس توبہ کیتی اور چنگے کم کیتے تے بے شک او رجوع کرنا اے اللہ دار جینجو رجوع کرڑیں نا حق اے
72:- اور او لوک جیڑے کوڑی گواہی نی دینے جدوں او گندیاں چیزاں کولوں لنگن او تے سنجیدہ انداز نال لنگنے نوں
73:- اور او لوک کہ جدوں اُنہاں اللہ نے احکام نی نصیحت کیتی جلنی اے تے او اِس تے ڈوریاں تے اَنیاں آلی گل نی ٹہہ پینے
74:- اور او لوک جیڑے آکھنے نوں کہ اے اللہ اَساں بیویاں اور اولادی نال اکھیاں نی ٹھنڈک دے اور اَساں پرہیزگاراں نا پیشوا بنڑا چھڑو
75:- اُنہاں لوکاں اِنہاں نے صبر نے بدلے جنت نے اُچے مقام دتے جُلسن او اور او اِس بچ دعائے خیر او سلام نال پیشوا کیتے جُلسن او
76:- اور اِس بچ ہمیشہ رہسن او کیا ای چنگی اے آرام نی جا
77:- آپ صہ آکھو کہ اگر تُسیں نہ بلاؤ تے اللہ پروا نی کرنا تے تُساں نی منیا اور اِس نی سزا لازمی اے

سورت الفرقان نا رکوع نمبر 6 پارہ نمبر 19 نا رکوع نمبر 4
سورت الفرقان مکمل

Add Comment

Click here to post a comment